Vi fann 2371 artiklar i dette arkivet.
Todalen Idrettslag har investert i tre nye treningsapparat på Hett & Svett. For å få plass til dei nye treningsapparata må idrettslaget no selje multitreingsapparatet for å frigjere plass til dei nye. Treningsapparatet som skal seljast er eit Multigym C80 med beinpressapparat.
Gudmund K. Kvendset, som er godt kjent for sine mange fine kjøkkenreiskap og andre produkt laga av tre, har laga nye årer for bruk ved åresal i ungdomshuset. Gudmund har, heilt gratis, laga 200 nye årer av tolle. Desse vil no erstatte dei gamle årene, der dei eldste er langt over femti år, og har såleis gjort sitt.
Tysdag opna Ahmad Almalat sin nye matbutikk Family market i Elektrogården på Skei. Den nye asiainspirerte matbutikken vil ha tørrvarer, kjøle- og frysevarer, frukt og grønnsaker. Butikken vil vere eit suplement til matbutikkane som allereie finst i Surnadal, spesielt med tanke på krydder, sausar, grønnsaker og eksotiske frukter.
Tysdag hadde Fjellgruppa i Surnadal Pensjonistlag invitert til fjelltur til Syltnebba. Turen starta frå Alpinsenteret i Sæterlia og oppover til Syltnebba. – Utruleg bratt var det opp både grusvegen og stien opp til toppen, fortel Anne V. Einum i Fjellgruppa. – Det har med åra blitt både brattare og lengre, merkeleg!?, legg ho til.
Kulturavdelinga i Surnadal kommune vil også i år tilby barn og ungdom gratis sommaraktivitetar to veker i sommarferien. Det fekk vi orientering om på ein pressekonferanse på Surnadal kulturhus på tysdag morgonen. Det var leiar for Surnadal Frivilligsentral Sissel H. Storslett, friskluftkoordinator Trine Glåmen, leiar for ungdomsklubben Lars Sæther og biblioteksjef Gunhild Täringskog som hadde kalla inn pressa for å fortelje den gode nyheita.
Også i år arrangerer Surnadal bibliotek «sommarles»-kampanje. Tal frå tidlegare år viser at kampanjen aktiviserer kring 1/3 av barn og unge i Surnadal kvar sommar, så dette er altså definitivt ein av dei aller mest populære sommaraktivitetane i kommunen.
Laurdag 8. juni klokka 18:00 inviterer Stangvik Grendalag til pub og konsert med Ila Blandamannskor i Bondehuset.
Torsdag 6. juni klokka 11:00 inviterer Stavganggruppa i Surnadal Pensjonistlag til stavgangtur i nabokommunen Rindal. Da inviterer dei nemleg til stavgangtur rundt Igeltjønna i Rindal kommune.
Tysdag 4. juni går Fjellgruppa i Surnadal Pensjonistlag sin fjelltur til Syltnebba. Oppmøte på parkeringsplassen nedanfor Øye kyrkje klokka 10:00
Todalsdagen laurdag 29. juni er ei viktig inntektskjelde for Todalen Idrettslag. Sjølv om det meste er på plass til arrangementet, men om du har lyst til å bidra før eller under sjølve Todalsdagen, så er det fullt mogleg.
I ei pressemelding frå Svorka no på tidleg ettermiddag, kan vi lese at Svorka Kraft i 2023 oppnådd stor vekst og fremgang, trass i utfordringar i energisektoren. Svorka har teke viktige steg for å møte fremtida sine behov for fornybar kraft og betre infrastruktur, samtidig som dei har styrket sin posisjon i marknaden.
Under Todalsdagen 29. juni, blir det også i år Ræta opp og Mini Ræta. Ræta opp startar klokka 12:30, og i år går inntekta inntekta frå startkontingenten til det nye nærmiljøanlegget til Todalen Idrettslag på Bordholmen stadion. Ræta opp har konkurranseklasse og trimklasse, og løpet er rundt 3 kilometer langt. Premie til dei beste i konkurranseklassen, og uttrekkspremiar i trimklassen.