Vi fann 2521 artiklar i dette arkivet.
Fredag 29. november frå klokka 12:00 – 17:00 inviterer Lia gard til ope bakeriutsal. Det er ein knapp månad til jul, og hos Lia gard går kokinga av smultringar for fullt, så allereie på fredag er det mogleg å få kjøpt smultringar til jul.
Surnadal formannskap vedtok i sitt møte 21. november Økonomi- og handlingsplan for Surnadal kommune for perioden 2025 – 2028. Plana er no lagt ut på høyring, og høyringsfristen er sett til måndag 9. desember klokka 12:00.
Seniorfilmklubben viser filmen Stalins død onsdag 27. november klokka 13:00. Folmen handlar sjølvsagt om Josef Stalin – men mest om dei han delte makta med. Så dette er ikkje noko å flire av – eller rettare sagt, det er akkurat det det er!
Stangvik Grendalag inviterer til sin årlege basar i Bondehuset laurdag 30. november klokka 16:00. – Vi kan garantere smakfull kaffe, gode kaker og anna deilig mat, heiter det i invitasjonen frå grendalaget.
Onsdag inviterte Surnadal Pensjonistlag medlemsmøte i lokala til Surnadal frivilligsentral i Fiskegården på Skei. Responsen var som vanleg god, så det var rundt femti medlemmar og fullt hus!
Onsdag 27. november klokka 18:00 inviterer Stangvik historielag ved Erling Myrbostad og Torbjørn Polden til historisk temakveld på Åsen bygdemuseum. Temaet denne gongen er glimt frå Åsen og området ikring.
Det er mørke filmar som dominerer på Surnadal kino akkurat no, men snart er det heldig vis jul og lysare tider! I filmklubben onsdag 20. november klokka 12:30 er Morgan Freeman og Brad Pitt på jakt etter ein seriemordar i I filmen Seven (eller Se7en), som den også blir nemnt som. Dei finn ikkje noko motiv med ein gong, men forstår ganske kjapt at drapsmannen blir motivert av gamle skrifter.
Kyrkja i Surnadal inviterer til «felles middag» på kyrkjelydshuset onsdag 20. november klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.
I løpet av helga har fleire observert ein kvit båt med påhengsmotor drivande utover fjorden. Båten er no fortøyd ved Vorpneset utanfor Ansneset. Om nokon saknar båten, eller veit kven som eig han, så er han akkurat no fortøyd ved Vorpneset, og kan hentast der.
Svorka opplever stor vekst, noko som gjer at dei treng fleire tilsette. I ei pressemelding no på føremiddagen, så lyser Svorka ut fleire stillingar, samstundes som dei informerer om at det vil bli utlyst enda fleire ganske snart.
Det har i dag vore problem med Telenor sitt nett, noko som gjer at delar av kriseleiinga i Surnadal kommune har hatt møte om situasjonen og har iverksett tiltak for å trygge liv og helse inntil naudnummertenesta er heilt friskmeldt.
Fredag 15. november frå klokka 12:00 – 17:00 inviterer Lia gard til ope bakeriutsal. Og på fredag får ein igjen sjansen til å kjøpe den nye kanelsnurren med heimelage vaniljekrem, som så langt har vorte ein «stor hit».