Vi fann 2201 artiklar i dette arkivet.
Buktalar Erik Mogeno kjem til Surnadal kulturhus laurdag 6. april med ein gjeng pratesjuke og frittalande gjester. Showet «Livet med dukker» hadde premiere i 2022 og har vore spelt rundt i landet det siste året. Erik tek med seg publikum på 75 elleville minutt med snodige karakterar, fengande musikk, artige tekster og humor som treff både ungar og vaksne. Showet passar for alle frå 6 til 106, eller 126 også, for den saks skuld.
Todalen bøgdalag minner om «påskequzen» sin onsdag 27. mars frå klokka 19:00 i Todalen ungdomshus. Quizen tek til klokka 20:00. Det er Sondre Halset som er quizmaster denne gongen. Så har duu lyst til å quize og møte andre i påska, så er ungdomshuset rette staden på onsdag!
Fredag 29. mars (langfredag) klokka 13:00 inviterer driftsstyret for skihytta til den tradisjonelle «Kjerringdilten» på skihytta til Todalen Idrettslag. Vinnaren av «Kjerringdilten» får eit napp i vandrepokalen og ein eigen pokal til odel og eige. Veidekke har bidrege økonomisk til innkjøp av heilt nye startnummer, som vil bli brukt for første gong under «Kjerringdilten» langfredag.
Nordvik Grendalag har eit rikhaldig program for påska, med påskebasar, seterrenn og afterski med påskequiz. Det heile startar med påskebaser i Nordvik forsamlingshus tysdag 26. mars klokka 18:00. Det er mogleg å kjøpe lodd via Vipps 98505. Kvart lodd kostar kroner 50,-.
Surnadal kulturhus vil vere meir ope denne påska, enn dei tidlegare påskene, og kinoen nyttar høvet til å vise mykje film. Biblioteket vil vere ope laurdag og så dei to første dagane i påskeveka (måndag og tysdag). Men det vil vere mogleg å nytte «meirope tilgang» kvar dag resten av påska.
På tysdagar frå 10:00 – 11:30 er det no starta opp dametrim på Hett & Svett. Så har du lyst til å vere med å trimme litt i lag med andre damer og ha det litt sosialt, så er det berre å møte opp og bli med!
Kirkens Nødhjelpkontakt i Surnadal og Rindal, Gro Hauge Venås, ønsker på vegne av Kirkens Nødhjelp å rette ein stor takk for alle bidrat til årets fasteaksjon, og til alle konfirmantane, foreldra og frivillige som deltok i innsamlinga på tysdag. Ho rettar også ein stor takk til dei som har vippsa til 2426 eller gjeve kontantar. Bidraga går rett inn på Kirkens Nødhjelp sin konto.
Akkurat no arrangerer SpareBank 1 Nordmøre «Næringslivsdagen» 2024 på Surnadal kulturhus. No rett etter lunsj vart «Utviklingsprisen» for 2024 delt ut, og årets vinnar vart Takstmann Øyås AS, som har sitt hovudkontor på Nordvik og er eigd av ekteparet Nils Håvard Øyås og Karin Åsbø.
I går kveld var det medlemsmøte i Surnadal pensjonistlag i kantina på Surnadal sjukeheim. Før medlemsmøtet tok til, var det eit kort styremøte i møterommet på sjukeheim. Deretter flytta dei til kantina på sjukeheimen for å gjennomføre medlemsmøte
Den siste perioden med godt vêr og ganske høge temperaturar har gjort at sjøisen, som har vore målt til opp mot 20 centimeters tjukkelse, no syng på siste verset.
Todalen historielag minner om årsmøtet i morgon tysdag 19. mars klokka 19:00 i Todalen ungdomshus. På sakskartet står vanlege årsmøtesaker.
Kyrkja i Surnadal inviterer til «felles middag» på kyrkjelydshuset onsdag 20. mars klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.