Vi fann 2520 artiklar i dette arkivet.
Kyrkja i Surnadal inviterer til «felles middag» på kyrkjelydshuset onsdag 29. januar klokka 16:00. Store og små i alle aldrar er da velkomne til «felles middag» på kyrkjelydshuset på Skei. På onsdag blir servert kjøttpølse, potetstappe og løkfeite.
Onsdag kveld inviterte Indre Nordmøre Opplæringskontor alle lærekandidatar og lærlingar som tok fagbrev eller kompetansebevis i 2024 til ei markering av dette med treretters festmiddag på Thon Hotell i Surnadal. Invitert var også dei faglege leiarane, rettleiarane og dei andre støttespelarane som har delteke i opplæringa.
Surnadal kommune treng også sommaren som kjem ferievikarar for å oppretthalde drifta. Det er no lyst ut ferievikarstillingar innafor vaksenopplæring og integreringa, teknisk drift (veg, park og reinhald) og i helse og omsorgstenesta.
Den digitale kvardagen har for lengst gjort sitt inntog i samfunnet vårt, noko som kan føre til utfordringar for enkeltpersonar og grupper. I dag må ein vere digital for å kunne få utført mange tenester i samfunnet, som mellom anna bank- og helsetenester.
Styret i Surnadal Jeger- og Fiskerforening (SJFF) kallar inn til årsmøte torsdag 27. februar klokka 18:30 i klubbhuset sitt på Tellesbø (Nordsida 198). Vanlege årsmøtesaker, og det blir servering.
Frå norsk storverk til stor entertainer framstilt som ape på Surnadal kino denne veka. Filmen «Kjærlighet» går både på dagtid som filmklubbfilm klokka 12:00 og på kveldstid onsdag 22. januar. Filmen er den tredje i Dag Johan Haugeruds trilogi Sex Drømmer Kjærlighet «om seksualitet, lengsel og drømmer på ulike måter i dagens Oslo». Dei tre filmane er berre tematisk sett i slekt med kvarandre, og har kvar si uavhengige historie og rollegalleri. Ein treng difor ikkje å ha sett dei to andre for å sjå denne.
I ei pressemelding frå Svorka no i morgontimane, blir vi informert om at Svorka er i godt selskap når dei får hederleg omtale i ei ny bransjeutgjeving for si satsing og utbygging av fibernett. Dette kjem fram i rapporten «Teleeventyrets mange helter – en spesialrapport 1967 – 2030». Rapporten er ført i pennen av Arne Joramo, mangeårig telejournalist og redaktør.
Surnadal kommune informerer om 15. februar er fristen for å søke om ny barnehagplass, gjere endringar i plassen ein allereie har eller ønsker flytting til ein annan barnehage. Har ein allereie barnehageplass treng ein ikkje søke.
Styret i Stangvik Grendalag kallar inn til årsmøte på Bryå i Bondehuset torsdag 27. februar klokka 19:00. Saker ein ønsker å få behandla på årsmøtet må sendast skriftleg på e-post til ivar.melkild@tsnord.no innan torsdag 20. februar.
Styret i Surnadal Senterparti kallar inn til årsmøte torsdag 23. januar klokka 19:30 i lokala til Surnadal frivilligsentral i Fiskegården på Skei.
Det var ikkje «Tjuandedags-Knut» sjølv da, men Todalen bøgdalag med gode hjelparar, som demonterte den tradisjonelle julegata si måndag kveld. Bøgdalaget si julegate, mellom Matkroken Todalen og Talgø, blir tent første søndag i advent og teken ned att rundt tjuandedag jul kvart år. Og årets demontering gjekk unna i rekordfart og var ferdig på rundt tre kvarter.
No blir det også film på laurdagane på Surnadal kino. Dette skjer ved at Filmklubben nokre veker framover utvidar og viser filmar på laurdag klokka 12:00. Filmklubben gir eit tilbod som skal supplere kinotilbodet med å vise gamle filmar, eller nyare filmar som kinoen ikkje har vist. Dei som arbeider på dagtid har ikkje fått tilgang til dette tilbodet, så no prøver Seniorfilmklubben seg litt fram med tre laurdagsfilmar i tillegg til dei faste visingane på onsdagane.