Forfattararkiv for

Sjølv om mange no lengtar etter våren, var det i januar bileta av mørk og stemningsfull vinter som var mest populære. Månelyst, av Kristine Saksen Ulvund, og Vakre Todalen, av Oda Halle, fikk flest stemmer, men Månelyst fikk ein knepen seier.

Januar 2011 blei den beste månaden nokon gong for Todalen.no, og vi hadde totalt 17654 besøkande. Med det blei rekorden på 15503 frå november 2010 slått. Den beste dagen var 16. januar med 891 besøk, den nest beste dagen nokon gong.

Vi har starta på 2011, og også dette året vil styret plukka ut nokre kandidatar til månadens bilete. Vinnarane vil som i fjor få eit eksklusivt Todalen.no-krus, og vi startar naturleg nok med månadens bilete for januar. Vi håpar dykk fortsett å senda inn bilete til oss.

Då er avstemninga for Årets Bilete vel i havn, og vi har fått ein vinnar. Årets Bilete for 2010 blei Frostrøyk av Kjetil Sogge. Seieren var overlegen med 136 av 320 stemmene som blei avgitt.

Sidan vêret i dag har vist seg frå sin vrede side, tok vi oss ein tur til Sanitetshuset kor eit titalls damer samla til årets første strikkekafé. Strikkekaféen arrangeres normalt ein laurdag kvar månad med sosialt samvær, kaffe og handarbeid.

Todalen IL har kjøpt inn nye innebandykøller, som blir bruka på herretrim som arrangeres kvar onsdag kveld. Dei nye køllene er i motsetning til dei eldre køllene lengre og har innsving som gjer at det er enklare både å kontrollere ballen og gjera elegante skudd.

Då er tida inne for å stemma fram biletet som er mest populært i 2010. Utgangspunktet er dei 10 vinnarane av månadens bilete, som starta opp i mars. Kva du legg i din stemme er opp til deg, men vi håpar kreativitet, fotokvalitet, motiv og stemning vil vere blant kriteria.

I det nyaste Svorka-nytt kan vi lesa om at Svorka oppgraderer for tida abonnementa. Dei gamle abonnementa på 1,5-4,5 Mbit (ned-hastigheit) byttes ut med abonnement på 5 og 10 Mbit. Alle abonnement vil normalt bli flyttet over til 5 Mbit fra 1. april, med en prisredusjon for dei som i dag har 3/4,5 Mbit og ei auke for dei med 1,5 Mbit.

Herretrimmen, eller gubbetrim som det er betre kjent som, har no starta opp at etter jul. Kvar onsdag kl 20.00 kan ein møta opp for å vera med på trim. Det går normalt i ballspill – fotball, innebandy og volleyball. Onsdag var det særs godt oppmøte med 13 herrer.

Laurdag og søndag arrangeres det renn i skialpinisme på Kårvatn, og Todalen IL oppfordrar lokale deltakarar til å melde seg på. Det er mogleg å melda seg på både trimklassen og i NorgesCup. Laurdag kveld arrangeres det deltakarmiddag på Todalen Brygge.

Denne månaden var det Ingvild Kårvatn som vann prisen for månadens bilete, med «Den glade vandrer». Biletet fekk 78 av 172 stemmer, som er det høgaste antallet stemmer vi har hatt i avstemningene. Med det har vi óg fått alle vinnarane frå 2010, som gjer at vi snart sett i gang kåringa av årets bilete.

Snø, kulde og julefeiring har vært stikkord for bileta vi har fått inn den siste månaden. No er det på tide å kåre månadens bilete for desember, og det siste månadens bilete for i år. Det vil også bli siste kandidat til den gjeve tittelen årets bilete.