Vi fann 3536 artiklar i dette arkivet.
Det har i nokre dagar no vore sjøis, så i går kveld inviterte Barne- og ungdomsgruppa i Todalen Idrettslag til ishockey på sjøisen. Og responsen var bra, både frå dei unge og dei vaksne. Barne- og ungdomsgruppa hadde lyst opp banen med faklar, teke med ishockeymål, køller og puckar, så det vart ein fin kveld med aktivitet, lys og stemning.
Neste veke, måndag 19. – fredag 23. februar er det vinterferie for alle elevane i grunnskulen og den videregåande skulen i Surnadal, og store deler av landet. Surnadal frivilligsentral, Nordmørsmusea og Surnadal kulturhus, representert ved Surnadal kino og Surnadal bibliotek, har saman laga eit aktivitetsprogram for vinterferieveka, sjølv om den første aktiviteten er allereie laurdag.
Stangvikfestivalen har hatt årsmøte og valt nytt styre. Lise Mari Brøske, som tidlegare har vore økonomiansvarleg i styret, blir ny styreleiar i Stangvikfestivalen. I styret får ho elles med seg Jo Inge Nes (nestleiar), Astrid Hyldbakk (sekretær), Mari Bøe (økonomiansvarleg), Håkon Solem (marknadsføringsansvarleg), Rakel Polden (forpleiningsansvarleg) og Sigrid Vetleseter Bøe (kunstnarleg leiar).
I går kveld vart ei gaupe påkøyrd og skadd i Todalsstranda. Etter påkøyrselen for gaupa oppover på oversida av vegen og forsvann. Det lokale politiet vart varsla, og dei tok kontakt med Statsforvaltaren i Møre og Romsdal for å få klarsignal til å igangsette ettersøk og avliving av den skadde gaupa. Hallstein Nes og Ådne Næss Aune frå den lokale ettersøkgruppa starta raskt ettersøk for å finne den skadde gaupa.
Styret i Surnadal Pensjonistlag kallar inn sine medlemmar til årsmøte måndag 26. februar klokka 12:00 i lokala til Surnadal frivilligsentral i Møbel-Biske bygget på Skei. Vanlege årsmøtesaker.
Styret i Surnadal Arbeiderparti kallar inn sine medlemmar til årsmøte torsdag 15. februar klokka 19:00 i møterommet på Surnadal sjukeheim. Det blir vanlege årsmøtesaker og utlodning.
Søndag 11. februar er det morsdag, så fredag 9. februar, mellom klokka 12:00 – 16:00, inviterer Lia gard til morsdagsutsal i bakeriutsalet sitt i Lia. Så da blir det mogleg å få kjøpt noko godt for å overraske mor! Det blir også mogleg å få kjøpt både grovbrød og knekkebrød.
Ekstremvêret Ingunn har ikkje vore så hardt i vårt område, som først meldt. Det er difor bestemt at det blir vanleg skuledag, både for grunnskulen og vidaregåande torsdag. Dette vart bestemt på eit møte i kriseleiinga i Surnadal kommune no på ettermiddagen. Bakgrunnen for dette er at farevarselet for Surnadal kommune er justert ned, frå oransje til gult nivå.
I dag starta «kaffekrokens venner» opp med sin vekentlege trim på Hett & Svett. Sju stykker frå gjengen, som «normalt» er å finne i kaffekroken på Matkroken Todalen, hadde møtt fram denne første gongen. Under kyndig rettleiing frå Kjell Gunnar Polden fekk dei prøve mange forskjellege øvingar i løpet av timen som var avsett til dagens trim.
Det er som følge av ekstremvêret Ingunn, som når store delar av Møre og Romsdal i løpet av onsdag ettermiddag og kveld, meldt oransje farevarsel. Alle grunnskulane i Surnadal kommune og Surnadal videregåande skole, i likheit med dei andre videregåande skulane i Møre og Romsdal difor halde stengt onsdag. Elevane som går på vidaregåande får i staden heimebasert undervisning, medan grunnskuleelevane ikkje får slik undervisning.
Onsdag 14. februar frå klokka 18:00 inviterer Surnadal Idrettslag Ski, i samarbeid med Sør-Trøndelag skikrets, til «Barnas Mini-VM» på Nordmarka skistadion. Utdeling av startnummer frå klokka 17:15. Det er mogleg å få låne ski, sko, stavar, med meire for barna.
Vil du bli ein av oss? Ei framtid i Surnadal på Indre Nordmøre. Det er spørsmålet Møre bispedøme og prost Vidar Wilhelmsen Rygh stiller i utlysingsteksta, når dei no søker etter prest i Indre Nordmøre prosti, med kyrkjene i Surnadal som særskild tenestestad. Stillinga vart lyst ledig også førre sommar, utan at det resultert i tilsetting.