Ukategorisert Arkiv

På søndag hadde brørne Martin (20) og Håvard (22), saman med kompisen Ruben (22), alle tre frå Trondheim, bestemt seg for å ta ein skitur til Strengen. Da dei til parkeringsplassen på Vang, fekk dei sjå Sula, og sia det såg ut som ein meir krevjande skitur, valte dei å sette seg i bilen att og køyre til Nordvik. At dette valet skulle innebere ein skitur av det dramatiske slaget, var det ingen av dei tre som tenkte på da køyrde innover til Nordvik. Dei parkerte på parkeringsplassen på enden av Blomlivegen ved inntaksdammen, og starta på turen opp til Sula. 

Sunndalingen kom med sin sjette roman før jul og vil presentere innhaldet i denne på Surnadal bibliotek tysdag 30. januar klokka 19.30. «Gullungen» er, etter kva ho sjølv seier, «ein roman om søskenkjærleik, tjuvfiske og utanforskap i den vesle bygda Grodal», og krydrar historia med mykje materiale henta frå eigen oppvekst på Nordmøre.

Den interkommunale legevakta i Orklandsregionen, som Surnadal kommune er ein del av, flyttar inn i nye lokale frå og med torsdag 1. februar klokka 15.30. Ny adresse er Tunvegen 15, 7320 Fannrem. Legevakta vil fram til torsdag 1. februar klokka 08:00 vere lokalisert i dagens lokaler, og flyttar altså til Fannrem klokka 15:30 same dag. 

Fredag 26. januar, mellom klokka 12:00 – 17:00,  inviterer Lia gard til årets første bakeriutsal. Dette markerer dei med «nyttårstilbod» på grovbrød. Da får du grovbrød til kr. 45,- per brød.  

Kyrkja i Surnadal inviterer til «Felles middag» på kyrkjelydshuset onsdag 24. januar klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

Romjul i Todalen, fotografert av Ingri Bruset, er kåra til månadens bilete i desember. Neste post på programmet er å kåre det beste bilete i 2023.

Mange gode kort på Surnadal kino no, og Seniorfilmklubben tek det første stikket. For det er klassikaren frå 1973, med Robert Redford og Paul Newman, som er sett øvst på plakaten i filmklubben denne vinteren. Onsdag 24. januar klokka 12:00 blir det ragtimemusikk og «høk-over-høk» (eller «skurk-lurar-skurk», som kanskje er meir forståeleg i dag). «The Entertainer», musikken frå «Stikket», vil dei fleste kjenne att.

Surnadal Jeger og Fiskerforening (SJFF) kallar inn sine medlemmar til årsmøte 29. februar klokka 18:30 i klubbhuset på Tellesbø, Nordsida 198. Vanlege årsmøtesaker.

Styret i Nordmøre forsvarsforening kallar inn sine medlemmar til årsmøte fredag 16. februar klokka 13:00 på Fjordkroa på Aspøya, Straumsnes. Vanlege årsmøtesaker. Det blir også vist bileta frå den forsvarshistoriske turen til Kvalvik fort i 2023, frå ein tur på Ringebufjellet, til eit gamalt tysk flyvrak frå krigen og frå 8. mai-markeringa. 

Frå 1. januar i år er det gjort nokre justeringar i straumstøtteordninga, som staten gjev til hushaldningar, når straumprisen, inkludert mva. er høgare enn 91,25 øre per kilowatt. Straumstøtta vil no basere seg på prisen frå time til time, og ikkje gjennomsnittsprisen for ein heil månad, som tidlegare. Straumstøtta vil framleis vere på 90 prosent […]

Styret i Surnadal Golfklubb kallar medlemmene sine inn til klubben sitt ordinære årsmøte tysdag 27. februar klokka 19:00. Møtestad er enno ikkje bestemt, men vil bli kunngjort i god tid før årsmøtet. Vanlege årsmøtesaker. Endeleg sakliste og forretningsorden blir kunngjort i god tid – i tråd med klubben si lov. 

Som vi skreiv førre veke, etter at Kjell Gunnar Polden (MDG), hadde vore i kontakt med Atle Ræstad hos Fram Møre og Romsdal om å få endra avgangstid for siste avgang frå Rykkjem, som var meir tilpassa pendlarane. I dag fekk vi beskjed frå Fram og Atle Ræstad om at det blir nye ruter for ferjestrekninga 1061: Kvanne – Rykkjem frå måndag 22. januar.