Ukategorisert Arkiv

Styret i Surnadal Pensjonistlag inviterer til ope møte omsdag 17. april klokka 15:00 i kantina på Surnadal sjukeheim. 
Det blir orientering om Surnadal Pensjonistlag sine aktivitetar framover våren og sommaren. 

Kyrkja i Surnadal inviterer til «felles middag» på kyrkjelydshuset onsdag 17. april klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

Dordi Fedje knipsa fullmånen i mars, og har blitt kåra til månadens bilete. Vi gratulerer!

Linda Eide og Sjur Hjeltnes tek med seg forestillinga om nobelprisvinnaren Jon Fosse til Storstuå på Surnadal kulturhus torsdag14. november klokka 19:00. I tillegg blir forestillinga vist på Sunndalsøra og i Kristiansund dei påfølgande dagane. 

I dag sørga Teigan Maskin for å feie vekk siste rest av vinteren på dei kommunale vegane.  Det var berre så støvskya stod rundt traktoren som hadde Pilskarvegen og Markavegen som mål for sine tenester.  Dermed er støvet av strøsandrestane borte og det blir reint og fint etter dei kommunale vegane.  

Torsdag kveld var vi ein tur innom «Bli med hit» messa på Clarion Hotel The Hub i Oslo, der nærmare 150 potensielle arbeidsgjevarar hadde laga ei flott utstilling for dei mange besøkande. Messa er eit samarbeid mellom Molde Næringsforum, Kristiansund og Nordmøre næringsforum og Næringsforeninga i Ålesundsregionen. Målet er å vise mangfold og ein svært variert arbeidsmarknad i fylket vårt.

Fredag 12. april, mellom klokka 12:00 – 17:00,  inviterer Lia gard til ope bakeriutsal i Lia. Våren er på gang, og å sitje i solveggen med ein kaffekopp og ein nystekt kanelsnurr eller skulebolle er fint!  

AR Sjømat AS frå Kristiansund vil tysdag 9. april, i tidsrommet 11:00 – 16:30, ha ny salsstand utanfor Matkroken Todalen, der dei vil selje forskjellege fiskeprodukt, reker og fisk. 

Dersom du lurer på kva Veidekke driv med etter vegane i Todalen,  så kan vi røpe at det er inspeksjon av stikkrenner og grøter som pågår.  Ole Peder Holten er utrusta med kamera, og blokk og blyant for å registrere behov for vedlikehald langs fylkesvegane rundt bygda.  

I dag vart det funne eit gåvekort på Todalsøra – på strekninga mellom brua over Ytteråa (ved Ørskog) og Todalsøra.  Gåvekortet har pålydende kr 500 og er utstedt 28. mars.  Er du den rettsmessige eigaren, så kan du ta kontakt med Matkroken Todalen.

Frå og med i går, 1. april til og med torsdag 31. oktober, er det bandtvang for hund i Surnadal kommune. Den generelle bandtvangen i Norge er frå 1. apil – 20. august, men Surnadal kommune har eiga forskrift om bandtvang, som betyr at Surnadal kommune har lengre bandtvangperiode enn det Hundelova seier. Dette betyr at hunden i denne perioden skal vere i band, forsvarleg inngjert eller vere innestengd. Somme unntak gjeld for jakt- og gjetarhundar, samt toll- og politihundar, når desse er i aktiv teneste, Bandtvangen er regulert i Lov om hundehald (Hundeloven) § 6, og i Surnadal kommune si forskrift om Bandtvang.   

Nok ei påske er på hell, og nok ein påskekrim er kome til løysinga. Om du sit igjen med like mange spørsmål som svar etter denne delen så er det heilt normalt. Noko må jo være slik som det aillvæg ha vårre. Eller?