Ukategorisert Arkiv

Det har vore mykje dramatikk i etterkant av stenginga av 33 norske lakseelvar den siste tida.  Toåa har ikkje vore omfatta av stenginga, men det har derimot Surna og Søya her i nærområdet.  Den siste tida har det vore lakseteljing i elvane – i Toåa har det vore to i eigen regi av stamlaksgjengen og ei i regi av Skandinavisk  Naturforvaltning  (på oppdrag frå Lerøy).  Fredag ettermiddag deltaok Stig Husby på timesmøte saman med Direktoratet for Naturforvaltning, NINA, Statsforvaltaren I M&R og Norske Lakseelver. 

Ragnhild Lund Ansnes, som er gift med surnadalingen Jostein Ansnes, og som saman med han driv hotell TIA, rett ved Anfield Road i Liverpool og reisebyrået Liverpool Adventures, er no i Surnadal. Der er ho i full gang med å skrive bok om Liverpool FC sin nyleg avgåtte manager, Jürgen Klopp. 

Laurdag 13. juli frå klokka 18:00 inviterer Stangvik Grendalag til sommarpub i Bryå i Bondehuset i Stangvik. Grendalaget har bestilt sol, slik at drikken kan nytast i solveggen på den nye uteservering ved Bondehuset. Her er det flott utsikt utover Stangvikfjorden.

På ein pressekonferanse torsdag, som SpareBank 1 Nordmøre og Sigrid Vetleseter Bøe (34) frå Bøfjorden hadde kalla inn til, vart vi informert om at Sigrid hadde fått ei pengegåve frå SpareBank 1 Nordmøre på kroner 25.000,- for å vidareutvikle songstemma si. Frå banken møtte Liv Dalsegg og Arne Berset,  

Todalen elveeigarlag skjerpar no fiskeleglane i Toåa.  Dei nye relane trer i kraft frå midnatt – kl 24:00 og medfører at all hanlaks over 65 cm skal settast ut igjen. Todalen elveeigarlag arbeider no med midtsesongevaluring , og etter ein krevjande sesongstart ser dei seg nødt til å gjera enda fleire grep.

Todalen historielag og Stangvik historielag samarbeider om å arrangere tur til Smøla komande torsdag 4. juli.  Turen er så godt som utselt, og alt går etter plana melder reiseleiar John Moe til Todalen.no.  Eit par plassar er ledig dersom nokon bestemmer seg i siste liten, men da må John Moe få beskjed seinast tysdag. 

Surnadal Pensjonistlag sin sommertur går i år til Fosen og Ørlandet 6. og 7. august, med overnatting på Hovde Gård.
Bussen går frå Surnadal kulturhus tysdag 6. august klokka 09:00. Bussen går til Klett, vidare til Flakk og ferge over til Rørvik.

Regnvêret i natt og i dag gjorde nok underverker for laksefisket – til no er det teke 2 laksar i Toåa i dag.  Ein ho-laks på 5,9 kg som vart teken i Nedre Skjorahølen i ettermiddag og ein hanlaks på 2,1 som vart teken ved Steinutgarden i ettermiddag. Begge vart sett ut igjen, og får ein ny sjanse.

Surnadal Jeger og Fiskerforening (SJFF) Jenter inviterer alle jenter i alle aldrar til å prøve leirdueskyting på Angråmyra skytebane torsdag 4. juli klokka 18:00 – 21:00. Dette passer for alle, og det er mogleg å låne hagle om du ikkje har dette sjølv. 

Kjell Gunnar Polden har sendt oss ein liten rapport frå gudstenesta i Todalen kyrkje søndag. Kjell Gunnar skriv:  «Gudstenesta søndag handla om å vera utsending for Jesus, opprinneleg dei tolv apostlane. Det dei starta med vart eit nettverk som i høgste grad eksisterer enda i dag. Det har nådd ut til milliarder, og prost Vidar Rygh poengterte at den stafetten skal vi vera med å bringe vidare».

Isak Drøpping og Erik Kårvatn bekreftar at dei er i god VM-form.  Dei deltek i ungdoms-VM i Skyrunning i Bar i Montenegro.  For Isak vart det ny pallplass, da kan kom inn på nest beste tid 01:02:28 i klasse B (16-17 år)  – 00:03:18 etter spanjolen Biel Sagues Rovira som hadde bestetid på 0:59:10. Dermed var ei ny sølvmedalje sikra.  Isak og Erik representerer Randonee-landslaget og klubben Trollheimen Fjellsportklubb.

Da har vi lagt inn Remidt sin tømmekalender for glass- og metallavfall, restavfall, papir og papp, plast- og matavfall, for juli og august 2024 inn i aktivitetskalenderen vår her på Todalen.no. Tømmekalender for september og oktober blir lagt ut i slutten av august.