Vi fann 3278 artiklar i dette arkivet.
Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for september og oktober 2023 inn i aktivitetskalenderen vår her på Todalen.no. Tømmekalenderen for november og desember, vil bli lagt inn i starten av november månad.
Statkraft har lyst ut ledig stilling som fagarbeidar akvakultur ved Rossåa settefiskanlegg i Todalen. Dei søker etter ein engasjert fagarbeidar i akvakultur til settefiskanlegget sitt i Todalen.
Stavganggruppa i Surnadal Pensjonistlag sin tur i går gjekk til Kvenndalen. 26 stavgangarar var med på turen til Kvenndalen, og dei fekk ein skikkeleg fin tur i det fine haustvêret, med lett bris og 20 plussgrader.
Øyabrua har som kjent vore stengt for køyrety over to tonn sidan november 2017. I Hovudutval for Miljø og Teknikk sitt møte i mai 2022, vart det vedteke at administrasjonen skulle utgreie alternativ for kryssing av Toåa til erstatning for dagens bru, som kan bli stengt når som helst.
I går var dei to lokale listekandidatane for Arbeiderpartiet til kommunevalet, Odd Arild Sande og Bjørn Gunnar Ansnes, på Matkroken Todalen, der Terje Nordvik orienterte dei om moglegheita for å kunne bygge leiligheiter oppe på butikktaket. Dei to listekandidatane brenn for å lagt til rette for boligbygging i alle bygdene i kommunen. – Attraktive boligar er, saman med arbeidsplassar, dei viktigaste faktorane for å få folk til å flytte «heimatt» eller flytte til kommunen vår, seier dei to.
Tysdag 12. september inviterer Fjellgruppa i Surnadal Pensjonistlag til ny fjelltur, og denne gongen går turen til Møkkelfjellet i nabokommunen Heim. Oppmøte på parkeringsplassen nedanfor Øye kyrkje klokka 09:30 for samkøyring til Fjærli i Valsøybotn.
I dag gjekk Fjellgruppa i Surnadal Pensjonistlag sin tur til den nye Kavlvegen på Eidet. – Yr hadde sendt eit fjelgt langtidsvarsel, men frå morgonen drog dei lokale vergudane fram svarte hausar uti fysnå, fortel Kristian Ranes i Fjellgruppa. – Men det vart med hætingjen, og 28 opplagte turfolk stilte opp der vi parkerte på Åsen, held han fram.
Stavganggruppa i Surnadal Pensjonistlag inviterer torsdag 7. september til stavgangtur til Kvenndalen. – Vi kjører opp til gapahuken og går innover dalen, fortel Svein Tjelle i Stavganggruppa.
Fleire lokale lag deltok på Rindalscup 2023 i går, søndag 3. september. Vi har fått nokre rapportar og bilete frå Anders Gjeldnes, Line M. Kvendset, Karin Åsbø og Ola Dalsegg, som var med og «bivåna» årets utgåve av Rindalcupen i går. Vi takkar for bidraga, og rapportar og bilete kan du lese og sjå nedanfor!
Fredag 8. september, mellom klokka 12:00 – 17:00, inviterer Lia gard til ope bakeriutsal. Så da blir det mogleg å sikre seg både grovbakst og noko til kaffekosen til helga. Har du problem med å rekke innom i opningstida, er det berre å ta kontakt med Lia gard for å avtale henting av varer.
Nils Magne Røen og Hallvard Kvande, frå arrangørklubben Surnadal Golfklubb, sikra seg seieren i årets «Svorka Mini Maraton». Vinnarlaget fekk 61 poeng, medan heile fire lag kom like bak med 60 poeng kvar.
Sidan vêrgudane ikkje ser ut til å varte opp med noko serleg godt vêr på tysdag 5. september, så da inviterer Fjellgruppa i Surnadal Pensjonistlag heller til tur i den nye kavlvegen på Eidet, i staden for fjelltur.