Vi fann 3577 artiklar i dette arkivet.
Regnvêret i natt og i dag gjorde nok underverker for laksefisket – til no er det teke 2 laksar i Toåa i dag. Ein ho-laks på 5,9 kg som vart teken i Nedre Skjorahølen i ettermiddag og ein hanlaks på 2,1 som vart teken ved Steinutgarden i ettermiddag. Begge vart sett ut igjen, og får ein ny sjanse.
Surnadal Jeger og Fiskerforening (SJFF) Jenter inviterer alle jenter i alle aldrar til å prøve leirdueskyting på Angråmyra skytebane torsdag 4. juli klokka 18:00 – 21:00. Dette passer for alle, og det er mogleg å låne hagle om du ikkje har dette sjølv.
Kjell Gunnar Polden har sendt oss ein liten rapport frå gudstenesta i Todalen kyrkje søndag. Kjell Gunnar skriv: «Gudstenesta søndag handla om å vera utsending for Jesus, opprinneleg dei tolv apostlane. Det dei starta med vart eit nettverk som i høgste grad eksisterer enda i dag. Det har nådd ut til milliarder, og prost Vidar Rygh poengterte at den stafetten skal vi vera med å bringe vidare».
Isak Drøpping og Erik Kårvatn bekreftar at dei er i god VM-form. Dei deltek i ungdoms-VM i Skyrunning i Bar i Montenegro. For Isak vart det ny pallplass, da kan kom inn på nest beste tid 01:02:28 i klasse B (16-17 år) – 00:03:18 etter spanjolen Biel Sagues Rovira som hadde bestetid på 0:59:10. Dermed var ei ny sølvmedalje sikra. Isak og Erik representerer Randonee-landslaget og klubben Trollheimen Fjellsportklubb.
Da har vi lagt inn Remidt sin tømmekalender for glass- og metallavfall, restavfall, papir og papp, plast- og matavfall, for juli og august 2024 inn i aktivitetskalenderen vår her på Todalen.no. Tømmekalender for september og oktober blir lagt ut i slutten av august.
Laks nr 2 er iallfal komen i land, fortel Stig Husby som er leiar for Todalen elveeigarlag. No er det eit lite håp om at det er betring på gang – håpet er no at innsiget berre er forsinka.
Det er nok mange store og små som tenkjer tilbake på barndommen, og hugsar dei mange duellane som har vore på Bordholmen under Todalshelger og Todalsdager som har vore arrangert i snart to mannsaldrar
Aron var suveren i mål på Ræta Opp 2024. Med tida 10:41 forbedra han løyperekorden til Håvard Gjeldnes med 7 sekund. Håvard glimra med sitt fråvær i dag og dermed nytta Aron Rodal Haugen sjansen til å sette ny reekord. I dameklassen heldt Lisabeth Sæterbø stø kurs, og kom først i mål av damene på tida 13:13 – ho forbedra sin eigen løyperekord med 28 sekund.
Økonomigruppa i Todalen Idrettslag sitt «Sommarlotteri» har kome godt igang, og er no i innspurtfasen. Fredag 28. juni klokka 14:00 – 17:00 vil Økonomigruppa ha stand på Matkroken Todalen for førehandssal av lodd i «Sommarlotteriet», som har trekning klokka 14:30 laurdag 29. juni.
Stavganggruppa i Surnadal Pensjonistlag hadde torsdag stavgangtur til Nauståfossen. Turen starta på Kårvatn og gjekk oppover til fossen. – Det vart observert elgavføring på vegen og nokon sa att dei hadde sett eit stort dyr mellom trea, fortel Svein Tjelle i Stavganggruppa.
Ovafor Sagtrøa ved avkjøringa til Ørsalgeilen er det mykje glasskår i vegen. Tydeleg vis ei glasrute enten frå bil eller traktor som er knut og som er spredd over ei strekning på 10-15 meter.
I samband med «Midtsommar i Surnadal», inviterte Surnadal Jeger og Fiskerforening (SJFF) store og små til ettermiddagstreff i og ved Surnadal kulturhus tysdag ettermiddag og kveld. Responsen på invitasjonen kunne har vore betre, men dei som kom fekk i alle fall servert is, kaffe og juice.