Vi fann 3667 artiklar i dette arkivet.
Sonen til Anne Søyset frå Heimstad i Hallsetgrenda, Nikolai Søyset Hopland (20), dro i fjor haust til Heerenveen i Nederland på lån frå Ålesunds Fotballklubb (AaFK). Herenveen hadde opsjon på eventuelt kjøp. Nikolai har sidan han kom til Nederland og Herenveen vore fast «inventar» på laget til Robin Van Persie, og har spela 19 kampar og scora 3 mål.
Surnadal Pensjonistlag inviterer til feiring av 50-årsjubileet sitt onsdag 26. februar klokka 16:00 på Thon Hotell Surnadal. Pensjonistlaget har motteke pengegåver, slik at prisen for å vere med på jubileumsfeiringa er berre kroner 200,- per person. Påmeldingsfrist fredag 31. januar!
Tysdag 11. februar frpå kl 18:00 og utover blir det høve til å bli med på eit lite oppfriskingskurs i trafikkreglane. Det skjer i Todalen ungdomshus, og er eit samarbeid mellom Todalen historielag og Trollheimen trafikkskole i Surnadal.
Fredag 31. januar frå klokka 12:00 – 17:00 inviterer Lia gard til årets første bakeriutsal. Som vanleg vil det vere mogleg å få kjøpt både grovbakst og noko godt til helgakaffen i bakeriutsalet hos Lia gard.
Kyrkja i Surnadal inviterer til «felles middag» på kyrkjelydshuset onsdag 29. januar klokka 16:00. Store og små i alle aldrar er da velkomne til «felles middag» på kyrkjelydshuset på Skei. På onsdag blir servert kjøttpølse, potetstappe og løkfeite.
Onsdag kveld inviterte Indre Nordmøre Opplæringskontor alle lærekandidatar og lærlingar som tok fagbrev eller kompetansebevis i 2024 til ei markering av dette med treretters festmiddag på Thon Hotell i Surnadal. Invitert var også dei faglege leiarane, rettleiarane og dei andre støttespelarane som har delteke i opplæringa.
Surnadal kommune treng også sommaren som kjem ferievikarar for å oppretthalde drifta. Det er no lyst ut ferievikarstillingar innafor vaksenopplæring og integreringa, teknisk drift (veg, park og reinhald) og i helse og omsorgstenesta.
Den digitale kvardagen har for lengst gjort sitt inntog i samfunnet vårt, noko som kan føre til utfordringar for enkeltpersonar og grupper. I dag må ein vere digital for å kunne få utført mange tenester i samfunnet, som mellom anna bank- og helsetenester.
Styret i Surnadal Jeger- og Fiskerforening (SJFF) kallar inn til årsmøte torsdag 27. februar klokka 18:30 i klubbhuset sitt på Tellesbø (Nordsida 198). Vanlege årsmøtesaker, og det blir servering.
Rute 1061 Kvanne – Rykkjem: Grunna dårleg ver vert sambandet innstilt inntil vidare, skriv Fjord1 i ei melding kl 16:31 i dag. Siste: Det blir normal drift på sambandet Kvanne – Rykkjem frå kl 18:30
I ei pressemelding frå Svorka no i morgontimane, blir vi informert om at Svorka er i godt selskap når dei får hederleg omtale i ei ny bransjeutgjeving for si satsing og utbygging av fibernett. Dette kjem fram i rapporten «Teleeventyrets mange helter – en spesialrapport 1967 – 2030». Rapporten er ført i pennen av Arne Joramo, mangeårig telejournalist og redaktør.
Surnadal kommune informerer om 15. februar er fristen for å søke om ny barnehagplass, gjere endringar i plassen ein allereie har eller ønsker flytting til ein annan barnehage. Har ein allereie barnehageplass treng ein ikkje søke.