Vi fann 3529 artiklar i dette arkivet.
Ingen tvil om anna enn att det er det første snøen som er glattast. Det var regelrett uføre frå Todalskrysset og innover til Nordvik, med såpeglatt sørpeføre og blaut nysnø. Ikkje meindre enn to bilar hamna utfor veten på denne strekninga i løpet av ein times tid no i ettermiddag. Eit stort oppbud med redningsmannskap, brannvesen og politi var på staden for å hjelpe til med redning.
Det er mørke filmar som dominerer på Surnadal kino akkurat no, men snart er det heldig vis jul og lysare tider! I filmklubben onsdag 20. november klokka 12:30 er Morgan Freeman og Brad Pitt på jakt etter ein seriemordar i I filmen Seven (eller Se7en), som den også blir nemnt som. Dei finn ikkje noko motiv med ein gong, men forstår ganske kjapt at drapsmannen blir motivert av gamle skrifter.
Kyrkja i Surnadal inviterer til «felles middag» på kyrkjelydshuset onsdag 20. november klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.
I løpet av helga har fleire observert ein kvit båt med påhengsmotor drivande utover fjorden. Båten er no fortøyd ved Vorpneset utanfor Ansneset. Om nokon saknar båten, eller veit kven som eig han, så er han akkurat no fortøyd ved Vorpneset, og kan hentast der.
Vi har tidlegare skrive om at det går føre seg skogsdrift i Bjørålia og utover mot Korslia. Dette berører turstien som er merka frå Storhaaugen og ned mot Liatur/Brusetnesset. Medan arbeidet har pågått har det vore mykje nedbør, og det har gjort at det er på det næraste uframkommeleg etter stien, fortel Jon Bruset. Han har sendt oss eit par bilder som viser at det er både mykje kvist og blauthol der den merka stien går.
Svorka opplever stor vekst, noko som gjer at dei treng fleire tilsette. I ei pressemelding no på føremiddagen, så lyser Svorka ut fleire stillingar, samstundes som dei informerer om at det vil bli utlyst enda fleire ganske snart.
Torsdag kveld opna Surnadal kunstforening si tradisjnelle førjulsutstilling «Haustlys». Det skjedde i Finstua på kulturhuset, og årets utstillar er Astrid Narvestad Wærdahl som i dag bur og har sitt virke som kunstner i Bøfjorden. Astrid har budd rundt omkring i Norge og har flytta 20 gonger, men hun hadde sin barndom i Askim og si ungdomstid i Kristiansand. Sin bakgrunn som kunstnar har ho frå Bergen Kunsthåndverkskule i 1979 – 1983. No bur ho altså i Bøfjorden og har sitt atelier der. Det siste året har ho hatt eit engasjement på Amfi Kreativ i Surnadal.
Bilete Jæger i haustsol fotografert av Sondre Halset er velfortent kåra til oktober sitt beste bilete. Vi gratulerer!
Det har i dag vore problem med Telenor sitt nett, noko som gjer at delar av kriseleiinga i Surnadal kommune har hatt møte om situasjonen og har iverksett tiltak for å trygge liv og helse inntil naudnummertenesta er heilt friskmeldt.
Fredag 15. november frå klokka 12:00 – 17:00 inviterer Lia gard til ope bakeriutsal. Og på fredag får ein igjen sjansen til å kjøpe den nye kanelsnurren med heimelage vaniljekrem, som så langt har vorte ein «stor hit».
Onsdag 20. november klokka 15:00 inviterer Surnadal Pensjonistlag til årets siste medlemsmøte på Friviligsentralen. Tor Holten kjem og held kåseriet «Tankar omrkring sørsamane i Trollheimen og om Finn-Torkjell».
Vi er heldig som har slike ressurser at vi kan hente fram historia vår og presentere den som eit nytt årsskrift kvart år – det er over 80 sider med prima lokalhistorie som vart presentert for medlemane på Todalen historielags bokslepp i ettermiddag. Dordi Jorunn Halle har vore redaktør og presenterte det nye årsskriftet for publikum. Hun fortalte både om produksjonen og om innhaldet i det nye årsskriftet som altså er kome i sal frå i dag.