Vi fann 1764 artiklar i dette arkivet.
Siste søndagen i januar vart ein fin vinterdag med riktig så flotte forhold i lysløypa på Tjønnmyra. Det var nyoppkjørte, fine dårer og godt skiføre. Ski- og friidrettsgruppa arrangerte barn i løypa, og mange tok turen for å kosa seg med ski og akebrett. Arrangøren noterte deltakarar og serverte saft. Og deltakarane var blide og fornøgde. […]
Driftsstyret for vinteranlegg, snøskuter og Skihytta informerer om drifta utover vinteren. Dei er ansvarlege for lysløypa, skihytta og for oppkjøring av skiløyper. I tillegg har dei løyve for leigekjøring på sørsida av bygda, medan Gunnar Nordvik har løyve for nordsida. Lysløypa på Tjønnmyra Det er no kome snø i lysløypa og det er kjørt opp […]
I dag vart årets aller første barn i løypa arrangert på Tjønnmyra. Godt med folk der både store og små møtte opp for å teste skiferdigheitene. Etter ein del regn på føremiddagen var det likevel kjempefine forhold i lysløypa med nypreparete spor. Ski- og friidrettsgruppa var arrangør og serverte varm saft til den som hadde behov for litt påfyll etter kvart.
I dag har deler av scooterkomiteen i idrettslaget begynt arbeidet med å lage skispor opp frå Øyalia og til skihytta, samt spor frå skihytta over Snekkerdalshalsen til Tristeinane og ned att til Innerdalsmerket. Overraskande nok, var det ikkje så veldig store snømengder på fjellet. Og utpå ettermiddagen vart det også mildare i området med landvind og laussnøen vart tydeleg krammare.
Ski og friidrettsgruppa i Todalen IL melder om oppstart med Barn i løypa førstkommande søndag mellom 14 og 16. Her blir det høve til å teste både glid og form for deltakarar i alle aldrar.
Lysløypa på Tjønnmyra er oppkjøyrd kvar dag, og kl 18 i går kveld var det fine forhold.
I løpet av ei veke er det godt med besøk på Hett og Svett. Mondagskveldane er det garantert å treffe folk der, for då er ein gjeng velvaksne karar oppmøtt for å få fart på blodpumpa, og ha det litt artigt i lag. Terje Nordvik er primus motor, og har naturleg vis ikkje skofta ein einaste gong!
Lysløypa på Tjønnmyran er klar til bruk, melder Ståle Ansnes i driftsstyret for anlegg i Todalen idrettslag. I ettermiddag er traseen køyrt opp, så no er det berre å spenne på skiene og sette igang. Det er enkelte plassar litt lite snø, men etter kvart som vi får meir «påfyll» det komande døgnet så vi det bli fine forhold, seier Ansnes.
Måndag kveld var det full rulle på isen som er anlagt på Bordholmen. Den vanlege balleiken for dei minste i bygda vart av erstatta av skøyteløp og ishockeykamp. Nesten eit trettitals ungar, foreldre og besteforeldre møtte opp for ein runde på isen. Nokon for alle første gong, medan nokon var som veteranar å rekne etter dei hadde benytta isen i helga.
I dag arrangerers det balleik både ute og inne kl 18. På Bordholmen blir det muligheiter for å prøve seg på skøyter for den som vågar det. For dei som ikkje ønsker å være med på dette er det som vanleg åpen gymsal der mellom 18-19. På Bordholmen er det no fin skøyteis som har vore flittig bruka av […]
13. og 14. februar inviterer Todalen idrettslag og Norges Skiforbund til NM i Randonee i Todalen. Da ventar vi heile norgeseliten til Todalen for å delta, seier rennleiar Nils Ove Bruset, som fortel at arrangementet skal gå i Dalalia ved Kårvatn. Det er lite som minner om skirenn i Dalalia i dag, men vi har god tru på at det skal bli nok snø i løpet dei komande 5 vekene, seier Bruset. Laurdag er det NM individuelt for alle klassar, medan det søndag blir randoneecup vertikal. No er program og invitasjon klar….
No er tida for utbetaling av siste del av grasrotandelen frå 2015. Dei 48 registrerte mottakarane i Frivilligheitsregisteret tilhørande Surnadal kommune hentar heim 500 360 kroner til saman. Dette fordelt på 1247 ulike spelarar. I Todalen er det to mottakarar, som begge gjer det godt; Todalen Idrettslag med overkant av 26 ooo kroner, og Todalen Sanitetsforening med vel 10 000 kroner. Surnadal Idrettslag får naturleg vis mest i kommunen.
Onsdag kveld var det rundtvask på Hett og svett. Det var trimgruppa som stod for rundtvasken, – alle apparata og mattene vart vaska, likeså tak, vegger og golv. Vindua vart fint pussa. Dette var arbeid som trongst, men i løpet av kvelden vart det altså gullande reint!