Vi fann 198 artiklar i dette arkivet.
Meir tørrvittig finsk humor, kombinert med grå kvardagsrealisme, i filmklubben på onsdag. Filmklubben viste finske Aki Kaurismäkis siste film, «Høstgule blader», i haust, og trass i ein solid dose traudig innhald, slo filmen godt an. Difor blir også Kaurismâkis nest siste film, «Den andre siden av håpet» frå 2007 vist vist det onsdag 2. april klokka 12:00
To norske filmar, ein «skikkeleg» klassikar og ein klassisk teiknefilm som er komen som spelefilm, er det Surnadal kino kan freiste med denne veka. Så her er det noko for ein kvar smak og dei fleste aldrar!
Frå romantisk western, via «bleie-helt» til prøvekanin i verdsrommet på Surnadal kino denne veka. Og så denne Bob Dylan! Filmklubben viser den romantiske westernfilmen «Til verdens ende» osdag 12. mars klokka 12:00.
Møte med overivrige husmødre og spinnville leikeapekatter på kinolerretet i Surnadal denne veka. For å gjera unna gjengarane først. Det er framleis gode sjansar for å få med seg Kaptein Sabeltann og Bridget Jones på kvardagskveldane på kinoen denne veka.
Torsdag 13. februar klokka 19:00 kjem Lars Saabye Christiensen og Helge Iberg til Storstuå på Surnadal Kulturhus. Her vil Iberg spele sine eigne tolkningar av ikoniske Beatles-låter, medan forfattar Saabye Christiensen vil lese dikt og poetiske tekstar som er skreddarsydd for konserten. Han vil også undervegs kommentere med personlege kommentarar frå sitt eige rikhaldige Beatles-univers.
Tysdag 11. februar klokka 13:00 inviterte Surnadal kulturhus, med støtte frå Møre og Romsdal fylkeskommune sin kulturelle sparerstokk, til gratis kulturelt møte mellom Henning Sommero og Ove Røsbak i foajeen på Surnadal kulturhus. Ove Røbak har vorte sjuk, og det kulturelle møtet må difor avlysast.
I veke 8 er det vinterferie for alle skuleelevane i Surnadal kommune, og mange andre kommunar rundt om i Norge. Surnadal bibliotek har fått støtte frå Bufetar, og desse midlane blir bruka til gratis familiekonsert med Mandarinsaft på biblioteket og teiknekurs for barn og ungdom på frivilligsentralen i vinterferieveka.
To nye filmar på Surnadal kino denne veka med bilde ein kan bli mållaus av! Filmen «Skal hilse fra naturen» kjem i filmklubben onsdag 29. januar klokka 12:00. Og det blir både ski og natur!
Frå norsk storverk til stor entertainer framstilt som ape på Surnadal kino denne veka. Filmen «Kjærlighet» går både på dagtid som filmklubbfilm klokka 12:00 og på kveldstid onsdag 22. januar. Filmen er den tredje i Dag Johan Haugeruds trilogi Sex Drømmer Kjærlighet «om seksualitet, lengsel og drømmer på ulike måter i dagens Oslo». Dei tre filmane er berre tematisk sett i slekt med kvarandre, og har kvar si uavhengige historie og rollegalleri. Ein treng difor ikkje å ha sett dei to andre for å sjå denne.
Laurdag 18. januar skal heile landet «båle» eller brenne bål som det heiter her i distriktet. Bålbrenninga markerer starten på «Friluftslivets år» 2025.
No blir det også film på laurdagane på Surnadal kino. Dette skjer ved at Filmklubben nokre veker framover utvidar og viser filmar på laurdag klokka 12:00. Filmklubben gir eit tilbod som skal supplere kinotilbodet med å vise gamle filmar, eller nyare filmar som kinoen ikkje har vist. Dei som arbeider på dagtid har ikkje fått tilgang til dette tilbodet, så no prøver Seniorfilmklubben seg litt fram med tre laurdagsfilmar i tillegg til dei faste visingane på onsdagane.
Onsdag 18. desember klokka 13:00 viser seniorfilmklubben filmen The grand Budapest Hotel. Regissør Wes Anderson er ein underleg skrue som har skapt sitt eige filmunivers, med gjennomført fargebruk,iscenesetting og snodige folk i enno meir snodige situasjonar. er kanskje den meste vellukka av filmane han har gjort og filmen vann fire oscars. Onsdag opnar altså dette snurrige hotellet sine dører og det er gratis inngang for alle som har vore på filmklubb i løpet av haust.