Vi fann 9204 artiklar i dette arkivet.
Den historiske avdelinga på Gammelfabrikken er snart på plass – Gunnar Nordvik og Magne Søyset jobbar med å få dei siste detaljane på plass til søndag 24. november, når det skal være open dag for omvisning og kaffelag. I dag kom den store kronhjorten på plass, og det var jammen berre akkurat.
Talgø MøreTre er produsent av merkevareproduktet MøreRoyal og utgjør kjernevirksomheten i Talgø-konsernet. For å bli enda bedre på HMS, kvalitet og bærekraft enn det vi allerede er i dag, ikke minst med tanke på fremtidig ISO-sertifisering, søker vi nå etter den rette personen til den nyopprettede stillingen som HMSK-leder i Talgø MøreTre AS.
HMSK-leder vil være en del av bedriftens ledergruppe.
Etter eit styremøte søndag kveld har styret i Todalen IL vedtatt å utsette det planlagte ekstraordinære årsmøte onsdag 13. november, inntil vidare. Dette på bakgrunn av at det er innkomme nye moment i saka som styret treng meir tid til å vurdere og kvalitetssikre.
Todalen sanitetsforening inviterer til kløvertur måndag 11. november. Oppmøte ved Matkroken og start drifrå kl. 11:00. Alle er velkomne til å bli med ut på tur.
Søndag 10. november kl 15:00 inviterer Todalsen historielag til tradisjonelt bokslepp for å presentere årsskriftet for 2024, som er nr 23 i rekkja. Årsskriftet byr på 82 sider med variert historisk stoff – for det meste kortreist lokalhistorie både frå gamal tid og litt nyare stoff i fin blanding.
Det er tøffe tider i byggebranjen – det blir faktisk bygd færre bustader enn det har vore gjort på fleire tiår. Dette påverkar heile bransjen og det har ført til mykje mediaomtale i kjølvatnet av mange prosjekt som har rett og slett har havarert. Utbygginga av Skorpa i Kristiansund eit prosjekt som har lidd ein slik skjebne. No er Talgø Tradbo kopla på for å sluttføre prosjektet med 5 bustader som fikk tverrstopp i samband med konkursen.
Det er nok mange som har lurt på kva som foregår på Gammelfabrikken i Brusetmarka. Det har vore prata om historisk utstilling med gamle Talgø-møblar, Trollheimsutstillinga og ikkje minst er det laga utstillingar frå verksted og verktøy som er arv etter Sigvart Husby, Olav Stengel og Henrik Halle. Mellom anna den første motorsaga i bygda – ei gammel JoBu-sag på rundt 30 kg. No er det bestemt at det blir kaffelag og omvisning 24. november i tidsrommet 14 – 17 og da inviteres bygdefolket og andre interesserte til å kome og sjå og høre.
Nei, vi trur ikkje det var presidentvalget i USA som samla fullt hus i Kaffekroken i dag. Derimot passa det faktisk veldig bra at den nye Merkur-konsulenten kom på besøk til Matkroken Todalen i dag, slik at det var skikkeleg dokumentert kor stor betydning kaffekroken har for det sosiale behov – og behovet for å treffast, rett og slett.
Dei to siste åra har TIL Trimgruppa hatt stor suksess med sal av julekalendrar med kortreiste gevinstar. Status pr i dag er at det er kome inn over 40 gevinstar, og fleire er på veg, seier Anita Talgø i Trimgruppa. Ho rettar ein stor takk til alle som har bidrege, både med gevinstar og kjøp av lodd. Loddsalet starta nemleg 1. november og ser ut til å nå nye høgder.
Mange opplever det store sjokket som det er å miste nokon dei er glad i – enten det er ein nær venn eller nokon i familien. Kyrkjekontoret har bearbeiding av sorg på dagsorden, og laga ei brosjyre med mange gode tips som kan gjera det litt lettare å vera til stades for menneske i sorg, fortel kateket Gro Venås ved kyrkjekontoret i Surnadal.
Dagens gudsteneste i Todalen kyrkje samla mange tilhøyrarar, og fekk «drahjelp» frå deler av P17-koret som nok var med og løfta salmesongen til glede for oss alle. Helgemessa – eller allehelgensgudstenesta skal hjelpe oss å minnast dei som har gått ut av tida det siste kyrkjeåret. Derfor var det minnestund og lystenning, og det var høve for alle til å tenne lys og sette i lysgloben.
Måndag blir det ny kløvertur i regi med Todalen sanitetsforening. Litt usikkert kva som blir turmålet, men det blir oppmøte ved Matkroken til vanleg tid kl 11. Så blir det planlegging derifrå, litt etter vêr og føre blir det nok eit turmål i nærmiljøet, melder arrangøren, som oppfordrar alle til å bli med på trimturen.