Vi fann 9007 artiklar i dette arkivet.
Ein busslast med pensjonerte sjukepleiarar tok i dag turen til Todalen – på programmet hadde dei besøk på Gammelfabrikken i Brusetmarka, der dei inntok medbrakt lunch, og fikk omvisning og vart presenterte for historia om «møbeleventyret» Talgø. Etterpå bar det vidare til Kårvatn og til middag på Todalshytta.
Kultur- og folkehelseutvalet i Møre og Romsdal fylkeskommune har tildelt idrettsstipend til utøvarane Aron Rodal Haugen frå Trollheimen fjellsportklubb og Lovise Skarbøvik Andresen frå Dimna IL. Molde basketballklubb får årets klubbstipend. Alle stipenda er på 50.000 kroner kvar.
Surnadal demensforening og helselag stod måndag kveld som arrangør av «hjertemarsjen», og trossa vêrmeldinga som slett ikkje lova berre finvêr denne kvelden. Det var start ved Søyabanen, og målgang ved grillhuset på Søysetøran, der arrangøren overraska med pølser på grillen og kaffe med sjokoladekake til.
Årets HalsOil-caps er i salg, og sjølvsagt er det ny farge i år, og det er Kaki. Handelsmann Nordvik fortel at den nye capsen no er i sal på Matkroken Todalen, og at det er tradisjon at capsen får ei ny farge kvart år.
Todalen sanitetsforening inviterer til kløvertur måndag 3. juni. Oppmøte ved Matkroken og start derifrå kl. 11:00. Alle er velkomne til å bli med ut på tur!
All slått er tidleg i år – faktisk eit par veker tidlegare enn normalt. Det gjeld også kanstslåtten langs våre fylkesvegar – både innover til Todalen og rundt bygda.
Todalshytta markerte i lag med Todalen elveeigarlag at ny laksesesong starta natt til laurdag. Med mykje god grillmat, og kulturelt innslag med Johanne Holten, vart det ei triveleg markering av starten på 2024-sesongen i Toåa. Vêrgudane kunne nok ha vore litt meir slepphendte med sol og varme, men det var da eit godt alternativ å fortsette innomhus etter kvart.
Laurdag 1. juni opnar Jan Eilert Pedersen og kona Celina Tafjord dørene til Cafe Fyret som ligg i 2. etasjen i Domusbygget – midt på Skei. Da vi stakk innom ein snartur i dag var det meste på plass og Jan Eilert var i gang med å førebu maten til opningsmenyen.
Todalen sanitetsforening inviterer til strikkekaffe laurdag 1. juni i tidsrommet 13:00 – 16:00. Alle er velkomne med eller utan handarbeid.
Siste onsdagen i mai inviterte Svinviks arboret til hagevandring i lunsjtida med Katarina Wedelsbäck som omvisar.
Frå i dag er det nok full trøkk med siloslåtten over heile bygda. Vi stakk innom i Pestua, der Todalen Mjølk har moblisert både mannskap og utstyr til full fokus på førsteslåtten. Den kalde vinteren med mykje is har nok sett sitt preg på slåttamarka med mykje isbrann. Det fine maivêret har også gjort sitt til at tørke har hemma veksten. Dette har ført til at vi opplever ei avling som er under normalen til førsteslåtten, seier Anders A. Karlsen hos Todalen Mjølk.
Det kjem kanskje litt overraskande på at laksesesongen både startar tidlegare og sluttar seinare enn det har gjort dei siste år – sesongen bli 4 veker lenger. Laksefisket startar 1. juni og sluttar 31. august – altså same tid som i Surna.
Men når det er sagt, så går vi nok inn i ein sesong som er sterkt prega av lovkrav og strenge reguleringar. – Det er nemleg mørke skyer i horisonten for villaksen, og vi får kanskje oppleve ein svært krevjande sesong.