Forside Arkiv

Trimgruppa har i travle føremiddagstimer førebudd romjulsmarsjen med servering av gløgg og saft på meldestasjonen på Bruset.  Vi tok runden rundt bygda for å sjekke føret, og kan melde at det stort sett er bart og godt føre rundt heile bygda.  Nokre få flekkar med litt is, med det kan god brukast vanleg joggesko eller fjellsko på turen rundt bygda.  Har du piggsko og stavar så er du iallfall heilt trygg. 

I natt og i føremiddag har det regna godt – etter meldingane tyder det på at det regnar heilt til topps, men det eer langt i frå meldt flaumfare enno.  Kl 12 i dag var det knappe 20 m3/sek ved målaren oppå Storfossen. Vassføringa har da dobla seg frå kl 09 i dag tidleg, da det passerte knappe 10 m3/sek.

For mange er det julegudstenesta i Todalen kyrkje som markerer starten på julefeiringa.  Dagens julegudsteneste samla eit knapt hundretal som deltok i ei triveleg og fredfull gudsteneste som ein start på ei fred full julehelg.  Det var prost Vidar Wilhelmsen Rygh som som heldt gudstenesta og han hadde med seg Bernt Bøe som organist og Borghild Betten Talgø som tekstlesar.

I dag er det siste trekning for TILs julekalender for 2024 – dermed er det finale for ein stor suksess som har gått over 24 dagar i regi av Todalen Idrettslas trimgruppe.  Tilsaman har det vore selt julekalendrar for over 40.000, som gjev eit solid overskot til trimgruppas drift i 2025.  T.I.L.’s julekalenderkomite rettar ein stor takk både til dei som har bidrege med nærare 100 kortreiste gevinstar og til dei som har kjøpt over 400 julekalendrar. 

På julekalenderlotteriets nest siste dag er det og 5 gevinstar som skal bli forena med nye eigarar.  Første gevinst ut i dag er ein flott ullgenser som var trekt ut til Unni Talgø, som bur i Tafjord. 

Julaftan – 24. desember – Blir det julegudsteneste i Todalen kurkje kl 16:00, med sokneprest Vidar Wilhelmsen Rygh.  Organist er Bernt G. Bøe, medan Rune Moe og Borghild B. Talgø er kyrkjevertar.  Takkoffer til kyrkjelydsarbeidet i Todalen. Salmane som skal syngast er kjente og kjære og har nummer 44, 61, 53, 27 og 48. 

På ein tidleg søndagsmorgon er vi klare med trekning av 5 nye gevinstar.  Dagens første gevinst er ein heimestrikka barnekjole – her vart det Britt Mossing som vart den heldige vinnaren.

Isak Drøpping som representerer Trollheimen Fjellsportklubb og Juniorlandslaget i Randonee sikra i dag sølvmedalje 18-årsklassen under ISFM Youth World Cup.  Crevacol ligg i de italienske alper på grensa mot Sveits og Frankrike. Isak gjorde eit kjempeløp og sikra seg andreplassen i dagens kvalifisering, og vidare andreplassen i semifinalen og til slutt andreplass i finalen – berre slegen av kineseren Langjia Gongsong. 

Laurdag 21. desember kl 10.20 snur sola – endeleg er det nok mange som vil seie.  November og desember er nok ei tung tid for mange, men snart får vi nok oppleve at sola dukker fram igjen. Frå midten av januar og utover er det nok mange som «får att sola» og etter kvart vil daglenda auke med 6 minutt pr dag – da vil det monne litt når vi får ein time meir på 6 dagar.

Dagens første gevinst hamnar nok i Sverige etter kvart – Ein flott ullgenser vart nemleg trekt ut til Hennie White som har bestemor i Austigarden på Kvennset.  

Det er med blanda følelsa at han Jostu har starta førebuingane til jul. Han tykkjer at utviklinga har gått feil veg på mange frontar, og tykkjer det er på høg tid å «oppgradere» Julekveldsvisa. Samtidig ønskjer han alle ei god og fredfull jul og eit godt nyttår!

Fredag morgon fekk dei tilsette på Surnadal legesenter ei skikkeleg overrasking frå Sparebankstiftelsen Surnadal Sparebank.  Styret i Sparebankstiftelsen troppa opp på legesentret med ei sjekk på over 900.000 som er øremerka til finansiering av eit ultralydapparat som gåve til legesentret.