Vi fann 76 artiklar i dette arkivet.
Todalen bøgdalag inviterer måndag 12. mai klokka 18:00 til dugnad for å rydde langs vegkantane rundt Todalen. Oppmøte på Bordholmen stadion. Bøgdalaget stiller med søppelsekkar og eingongshanskar. Det trengs nokon som har bil med hengarfeste, da det skal brukast hengar.
Søndag 11. mai er den offisielle opningsdagen for Svinviks arboret, og no ligg nok både fruktblomstringa og Rhododendronblomstringa i startgropa. I løpet av komande veke vil det som skje mykje, seier museumgartner i arboretet Patrick Nilsen. Blomstringa er så smått komen i gang, men har vore hemma av den kalde vêrtypen dei siste par vekene. No kjem varmen og da kjem ting til å skje fort både i fruktagen og i Rhododendronhagen.
Todalen sanitetsforening inviterer til kløvertur måndag 12. mai. Oppmøte ved Matkroken og start derifrå kl. 11:00. Alle er velkomne til å bli med ut på tur!
Skulstuå i Todalen har invitert Ingvar Ortega Redalen (f. 2012) til å stilla ut teikningar frå studia hans av fisk frå både salt- og ferskvatn. Velkomne til Grand Opening 16.mai kl.18.00. Det blir kanskje ein tale, men heilt sikkert sal av steinomnstekt pizza og sjokoladekake. Kunstnaren vil vera tilstades.
I dag låg det godt til rette for ei flott konfirmasjonsgudsteneste – sol frå blå himmel har vore noko uvant den siste tida og vart nok difor lagt så godt merke til. I år var det to konfirmantar i Todalen, nemleg Trygve Alexander Halle og Jens Sancho Hadraque Ansnes, og det var Prost Vidar W. Rygh som var liturg, medan Åsmund Valde var organist. Rundt 80 personar deltok i konfirmasjonsgudstenesta, og med det vart det ein flott salmesong.
Den kvite røyken frå steinomnen til Kjell Arve Vikavoll hadde ingenting med Leo XIV og pavevalet og det sixtinske kapell å gjera, men derimot var det full fyr for å få opp tempen i steinomnen. Her må det nemleg varme til – rundt 400 grader må det være for å få fart på pizzasteikinga.
Det har etter kvart vorte ein tradisjon med open dag og servering på Todalshytta på 17. mai. Grunnlovsdagen nærmar seg fort, og på Todalshytta har dei alt plana klar med ein 3-retters meny som er designa for 17.-mai, seier Arve Evensen til Todalen.no
Surnadal kommune har ledig stilling som brannkonstabel ved Todalen brannstasjon. Så har du lyst til å vere med i det frivillige brannvesenet i Todalen, så er det berre å lese informasjonen om stillinga nedanfor og sende inn ein søknad.
Torsdag 8. mai vart Frigjerings- og veterandagen markert i Surnadal kommune og resten av landet. I år er det 80 år sidan dei tyske militære styrkane kapitulerte fullstendig, og andre verdskrig var slutt i Europa. Vêret var grått, men det var opphaldsvêr under sjølve markeringa.
Tyrsdag 13. mai møtes vi på parkeringsplassen nedafor Øye kyrkje kl 09.45 (OBS – OBS!) for å ha god tid til Halsaferga over til Kanestraum. Der køyrer vi til venstre mot Vatn og inn på ein bomveg til parkeringsplassen. Derifrå veg og sti opp på Fløystadfjellet. Topp tur med fin utsikt. Vel møtt, skriv Fjellgruppa […]
Frivilligsentralen midt på Skei var «stedet» for oss godt vaksne, onsdag 7. mai. Heile seksti personar møtte opp for å få med seg orientering om trafikksikkerheit, allsong, servering, utlodding, orientering frå styret og ein god prat.
Surnadal demensforening og helselag inviterte til folkehelsemarsj langs Surna onsdag 7. mai, godt oppmøte og godt ver.