Vi fann 74 artiklar i dette arkivet.
Ved midnatt går fristen ut for påmelding til årets Kårvatn Skyrace. På morgonkvisten var talet for påmeldte passert 70, og det blir nok eit rush med påmeldingar fram mot fristen som går ut kl. 23.59. Det er fine tilhøve i fjellet og godt merka – arrangøren Trollheimen Fjellsportklubb har lagt ned ein stor innsats i forkant av arrangementet.
Maksprisen for barn i barnehage er frå 1. august sett ned til kroner 1.500 i kommunane i kategori 5 og 6, der Surnadal kommune er plassert. Frå same dato er det også innført gratis kjernetid for ungar i tredje årstrinn som nyttar SFO. Dette vart vedteke i statsbudsjettet for 2024 rett før jul i fjor.
Tysdag hadde Fjellgruppa i Surnadal Pensjonistlag ein topp topptur til Innerdalen. – Ja, ikkje slik at vi var på Tårnet eller enda verre spissar, men det å rakkel innover og oppover i godt lag til Innerdalen åpnar seg, det er makalaust!, fortel Kristian Ranes i Fjellgrppa
Sanitetsforeninga starta haustsesongen med medlemsmøte på Kvernhaugen hos Ragnhild Ansnes Moe og ikkje i Sanitetshuset som vanleg. Dette fordi møterommet no blir restaurert.
Nok ein gong er alle gode krefter mobilisert for å arrangere Kårvatn Skyrace – årets arrangement er nummer 6 i rekkja, og i skrivande stund tysdag føremiddag er det alt over 60 påmeldte. I fjor var det godt over hundre deltakarar, og det blir nok eit rush med påmelding fram til påmeldingsfristen går ut torsdag kl 23.59.
Stavganggruppa i Surnadal Pensjonistlag inviterer torsdag 15. august klokka 11:00 til stavgangtur til Holtasetra i Søyådalen.
Fredag 16. august mellom klokka 12:00 – 17:00 inviterer Lia gard til nytt bakeriutsal. Dette er siste helga før skulestart, så da kan det kanskje vere greit å kose seg litt med gode bakevarer før skulen tek til att?
Det har vore godt vokstravêr no på tampen av sommarsesong, og 3.-slåtten er forlengt komen i gang rundt omkring i bygda. Håvard Halset seier at det er bra med gras, og no satsar han på at det som kunne vorte 4.-slåtten skal bli fine beiter om nokre veker.
Den siste veka har det vore gjort ein stor innsats mot gjengroing langs vegkantane. Veidekke har drive kantslått – faktisk så langt som 6 meter frå kvitstripa enkelte plassar. Uti todalsstranda er det mannskap frå Svorka som har rydda unna kraftlinja som går utover langsetter vegen.
Det er ikkje berre i Paris det er medalsjehaust – denne helga har Ola Vikan frå Nordvik delteke i Midtnorsk mesterskap i motocross i Verdal, og har gjekk han heilt til topps i klasse 10-12 år.
Fredag ettermiddag og kveld var det aktivitetsdag i tunet på Bruset i regi av Todalen elveeigarlag. Laget ønsker å fremme interessa for elvefiske, samtidig som det også var lagt inn andre aktivitetar i programmet. Elveeigarlaget hadde hyra inn Start 4H og Todalen idrettslag som medarrangør og denne fine sommarkvelden kom det nærare 50 deltakarar med smått og stort.
Torsdag kveld inviterte Surnadal Jeger og Fiskerforening (SJFF) til «Fiskesommer» i Slettneset på Nordvik. Arrangørane, med Ola Røe i spissen hadde laga eit flott arrangement med høg trivselsfaktor og litt konkurranse.