Arkiv for august, 2018

Tre stolte førsteklassingar på framsida – Ådne Skjerve Gjeldnes, Lars Ailo Gjeldnes og Anders Dalsegg Bruset. Og første skuledag kom ordførar Lilly Gunn Nyheim på besøk og ho var heldig og kom med på bildet saman med førsteklassingane ved Todalen skule. Lilly Gunn kom for å ønskje både førsteklassingane og resten av elevflokken lykke til på første skuledag.

Kun få dagar er igjen til IL Søya samlar hundrevis av fotballspelarar til årets Søyacup på Søyabanen og banksletta. Arrangøren er også i år fullbooka med 72 lag, 105 kampar fordelt på 10 banar frå klokka 9.30 og til langt utover ettermiddagen.

Todalen sanitetsforening inviterer til stikkekaffe laurdag 25. august kl. 13.00 i Sanitetshuset. Alle er velkomne til sosialt samver, triveleg prat og kaffelag!

Måndag 20. august blir det ny Kløvertur. Da blir det ein runde i Toåa tursti. Her er det god stiga og fint å gå.

Sverre Årnes er av dei mest produktive og mestseljande norske forfattarane gjennom tidene. 22. august kjem han på «Onsdagstreff» på Surnadal kulturhus.

Surnadalingen har gjeve ut kring 140 bøker og dei aller fleste av desse er såkalla serieromanar. Og det er vel rimeleg godt kjent at dei aller fleste av desse igjen er gjeve ut under psevdonymet «Sigrid Lunde».

Todalen Grendalag og mobiliseringsgruppa minner om det tidlegare oppsatte møte den 14. august er flytta til veka etter; til tirsdag 21. august kl 19.30 i Todalen Ungdomshus.

Todalen idrettslag inviterte laurdag 18. august til familiedag oppe på Tjønnmyran, eit svært så positivt tiltak! Her vart det opplegg med allsidige aktivitetar som passa for alle aldersgrupper.

Observerte du ei lita drone som surra rundt i Todalen på fredag , så var det Steinar Melby kra KSU.no som var ute og gjorde filmopptak. Melby driftar nettsida KSU.NO, der det overføres liveopptak frå Kranaskjæret i Vågen, der Talgø MøreTre er involvert i utbygginga av Kranaskjæret. Vi har nokre smakebitar frå Todalen, men gårdagens opptak kjem vi att med etter kvart.

No er det tid for ein ny runde med fotpleie i Todalen sanitetshus. Fotterapeut Pan Promchart Hoset kjem måndag 10. september og tysdag 11. september. Ho har mange ledige timar båe desse to dagane.

Det er noko spesielt med denne karen, sa Eric Malling da han introduserte Jo Sverre Sande før konserten på Todalshytta. Malling fikk han seinare med på låtskrivarverkstaden på Todalshytta og Rauskonserten 2017. No gjer Jo Sverre det god både på nasjonal og lokal radio, og er liksom komen godt i gang. Fredag kveld hadde han altså konsert på Todalshytta og her fekk jammen publikum valuta for pengane.

Denne helga er det aktiv festivalhelg for Norsk Vandrefestival, som i år har sin festivalbase på Tingvoll og som kan by på mykje godt og variert program gjennom heile helga. Det startar alt kl 13 med kurs i bevegelseskunst FRIKAR og fortsett kl 15 med åpning av Galleri naturnær på tingvoll prestegard kl 15.

Stavganggruppa er i gang igjen etter ein lang og velfortjent ferie. På den første turen som gikk til Rindal og området ved Igltjønna så møtte det heile 36 glade vandrarar som la ut på tur rundt Igltjønna.