Forfattararkiv for

Styret i Surnadal Senterparti kallar inn til årsmøte torsdag 23. januar klokka 19:30 i lokala til Surnadal frivilligsentral i Fiskegården på Skei. 

Det var ikkje «Tjuandedags-Knut» sjølv da, men Todalen bøgdalag med gode hjelparar, som demonterte den tradisjonelle julegata si måndag kveld. Bøgdalaget si julegate, mellom Matkroken Todalen og Talgø, blir tent første søndag i advent og teken ned att rundt tjuandedag jul kvart år. Og årets demontering gjekk unna i rekordfart og var ferdig på rundt tre kvarter. 

No blir det også film på laurdagane på Surnadal kino. Dette skjer ved at Filmklubben nokre veker framover utvidar og viser filmar på laurdag klokka 12:00. Filmklubben gir eit tilbod som skal supplere kinotilbodet med å vise gamle filmar, eller nyare filmar som kinoen ikkje har vist. Dei som arbeider på dagtid har ikkje fått tilgang til dette tilbodet, så no prøver Seniorfilmklubben seg litt fram med tre laurdagsfilmar i tillegg til dei faste visingane på onsdagane.

Surnadal Pensjonistlag kallar inn til årsmøte onsdag 29. januar klokka 15:00 i lokala til Surnadal frivilligsentral på Skei. Dagsorden for årsmøtet i pensjonistlaget finn ein nedanfor: 

Styret i Surnadal Arbeiderparti kallar inn til årsmøte onsdag 12. februar klokka 19:00 i kommunestyresalen på Surnadal kommunehus. Vanlege årsmøtesaker, loddsal og enkel servering. 

Styret i Idrettslaget Søya kallar inn medlemmane til årsmøte måndag 3. mars klokka 20:00. Årsmøtet blir avvikla i idrettslaget sitt klubbhus ved Søyabanen.  

Onsdag 8. januar klokka 12:00 blir Naudvarsel på mobil og varslingsanlegga til Sivilforsvaret testa over heile landet. Dette er altså berre ein test, så ein treng ikkje foreta seg noko. 

I dag vart det siste toppisdekket på skeiseisen på det nye nærmiljøanlegget til Todalen Idrettslag på Bordholmen stadion lagt, og Finn Ranes i dugnadsgjengen for skeiseis kan melde om fine forhold for å gå på skeiser, så da er det berre å ta fram skeisene og ta i bruk det nye nærmiljøanlegget. 

Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for januar og februar 2025 inn i aktivitetskalenderen vår her på Todalen.no. Tømmekalender for mars og april 2025 blir lagt ut i måadsskiftet feburar/mars. 

På årets siste dag, inviterte Todalen Idrettslag i samarbeid med Todalen bøgdalag til familiefyrverkeri på Bordholmen stadion, slik at dei yngste kunne få vere med på fyrverkeri utan å måtte vere oppe til midnatt. 

Da bankar eit nytt år på døra, og tida er inne for å sjå seg litt tilbake, også for oss i Todalen.no. I 2024 har vi produsert og  publisert 1062 saker,  noko som er 44 saker meir enn i 2023, Besøkstala på sida vår ligg i snitt godt over 1000 besøk kvar dag, så det er tydeleg at mange sett pris på det arbeidet vi gjer, og det er vi sjølvsagt glade for!

Det har etter kvart vorte ein tradisjon med nyttårsgudsteneste i Todalen kyrkje. Kjell Gunnar Polden har sendt oss ein liten omtale av gudstenesta i ettermiddag. Omtalen les du nedanfor.