Vi fann 2469 artiklar i dette arkivet.
Programmet for feiringa av nasjonaldagen i Todalen er klart. Programmet tek til med det tradisjonelle biltoget rundt bygda, og blir avslutta med nasjonaldagsgudsteneste i Todalen kyrkje. I staden for tale for dagen, blir det i år historisk bildekavalkade frå Todalen historielag sitt historiske arkiv ved Ingri Bruset og Ragnhild A. Moe. Tema vil sjølvsagt vere nasjonaldagsfeiringa i Todalen opp gjennom åra og nyare tid.
Surnadal/Søya G16 tok måndag kveld imot Eide og Omegn FK til fotballkamp på ein regntung Søyabane. Surnadal/Søya er eit samarbeidslag og består av spelarar fødd i 2009 og 2010 frå heile Surnadal kommune. Søya/Todalen er representert på samarbeidslaget med Sigurd B. Kvendset, Marius Kvande, Erlend Polden, Olav Gjeldnes, Magnar Vikan, Trygve Aleksander Halle og Jens Sancho H. Ansnes.
Fredag 9. mai, frå klokka 12:00 – 17:00, er det ope bakeriutsal hos Lia gard. Da blir det høve til å sikre seg både grovbakst og noko godt til kaffekosen til helga.
Søndag var det klart for nok ein dugnad på Todalen Idrettslag sitt idrettsanlegg på Bordholmen stadion. Idag var det modifisering av nærmiljøanlegget og klipping av fotballbanen som stod på programmet. Ti personar møtte opp denne gongen også, og på rundt tre timar var alt planlagt arbeid unnagjort!
Todalen bøgdalag og Todalen elveeigarlag kallar inn til dugnad onsdag 7. mai klokka 18:00 – 20:00, for å gjere klar campingplassen, som i år vil vere lokalisert på skuleområdet ved Todalen oppvekstsenter.
Søndag 11. mai klokka 11:00 opnar Svinviks arboret hageporten og kafeen, og ønsker dermed velkommen til ein ny sesong i arboretet. Rododendronblomstringa er i startgropa, og det er mykje fin vårstemning å få med seg i arboretet.
Årets første stavgangtur for Stavganggruppa i Pensjonistforbundet Surnadal gjekk i år til Bøfjorden og Steinholmlia. Vêrgudane såg ikkje ut til å vere i det gode hjørnet, men akkurat under sjølve stavgangen var det opphaldsvêr heile turen, så det vart ein bra tur.
Torsdag 8. mai er det 80 år sidan alle tyske styrkar kapitulerte og la ned våpena, og den andre verdenskrig var slutt i Europa. Dei tre historielaga i kommunen, Nordmøre Forsvarsforening og Surnadal kommunen har gjennom eit samarbeid laga eit fint program for årets markeringar av Frigjerings- og veterandagen ved kyrkjene i Åsskard, Stangvik og Todalen.
Surnadal kommune starta tilbake i 2019, inspirert av «StikkUT!» konseptet, turkassetrimmen «Stikk Bort!». Dette er ein lågterskel trimaktivitet retta mot bebuarane på sjukeheimen og i omsorgsbustadane, pårørande, brukarane av dagsenteret og alle andre som ønsker å gå eller trille ein kortare trimtur.
Aktivitetsrommet i reiskapshuset på Bordholmen stadion står no ope for fri bruk. Her kan ein spele bordtennis, brettspel, kort, spele musikk eller berre stikke innom for å ha det artig med andre. Frå og med i dag er aktivitetsrommet ope heile tida.
Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for mai og juni 2025 inn i aktivitetskalenderen vår her på Todalen.no. Tømmekalender for juli og august 2025 blir lagt ut i måadsskiftet juni/juli.
Onsdag kveld var det vårdugnad på Bordholmen stadion. Vêrgudane var ikkje i sitt beste humør, men dei varta i alle fall opp med opphaldsvêr bortimot under heile dugnaden, slik at dei ti som hadde møtt opp og var med på dugnaden slapp å bli gjennomvåte.