Forfattararkiv for

Fredag 13. september mellom klokka 12:00 – 17:00 inviterer Lia gard til nytt bakeriutsal. Hausten er her, og på fredag kan ein mellom anna få kjøpt ferske eplekaker laga av årets epler.  

Tysdag 10. september inviterer Fjellgruppa i Surnadal Pensjonistlag til y fjelltur. Tysdag går Fjellgruppa sin fjelltur til Vassdalen 
innst i Vindøldalen.

Fredag tok elevar og lærarar frå første til sjuande klasse ved Todalen og Stangvik oppvekstsenter turen til Todalen og Bordholmen stadion for å ha friluftsdag med fokus på friidrett. I tillegg bruka dei det nye nærmiljøanlegget til Todalen Idrettslag. 

Da har vi lagt inn Remidt sin tømmekalender for glass- og metallavfall, restavfall, papir og papp, plast- og matavfall, for september og oktober 2024 inn i aktivitetskalenderen vår her på Todalen.no. Tømmekalender for november og desember blir lagt ut i starten av november. 

Stavganggruppa i Surnadal Pensjonistlag hadde torsdag invitert til stavgang i Svinvikrunden, og tjuefire stavgangarar responderte på invitasjonen og møtte opp i det fine turvêret. 

Tysdag inviterte Fjellgruppa i Surnadal Pensjonistlag til fjelltur til Kvenndalen og Skarfjellet. Og det vart ein fin haustur for fjellvandrarane i fine farger, men både med litt regn i lufta og skodde innimellom. Med fjelllvandrarane tok ikkje skrekken og fekk ein fin tur i fine haustfarger.

Torsdag 5. september klokka 18:30 inviterer Todalen historielag til «historisk filmkveld» i Todalen ungdomshus. Her vil det bli vist filmar Svein Åge Saksen har laga frå Todalen barnehage, og litt frå Todalen skule i tidsrommet 1991 – 95. Så her kan det vere nokon som kan få sjå seg sjølv i ei litt yngre utgåve?

Statsforvaltaren har bede Surnadal kommune avklare om det er lokal aksept for å gå vidare med ei utgreiing om å endre verneform og utvide verneområdet i Trollheimen. Surnadal kommune inviterer no innbyggarane sine til å gje skriftlege innspel innan 30. september.

Nikolai Søyset Hopland, sonen til Anne Søyset frå Heimstad, har hatt ei fin og stigande kurve på fotballbanen. Noko som gjer at han frå 1. september i år og fram til juni neste år får sjansen til å spele fotball i Eresdivisie i Nederland.

Torsdag 5. september klokka 11:00 inviterer Stavganggruppa i Surnadal Pensjonistlag til ny stavgangtur. På torsdag går stavgangarane Svinvikrunden.

Odd Arild Sande, og dei andre bebuarane som har gått saman om felles søppeldunkar oppe ved vegen ved neddkøyringa til Slettneset på Nordvik, har dei siste sommarane opplevd at søppeldunkane deira blir bruka av turistar for å kvitte seg med søppel, noko som fører til overfylte dunkar og mykje rot rundt dunkane. 

Etter gudstenesta i Todalen kyrkje i går føremiddag, vart det funne eit brillehus med briller som låg att i kyrkja. Er dette brillene dine, så får du dei att om du tek kontakt med betjeninga på Matkroken Todalen, da dei tek vare på brillehuset og brillene til eigaren melder seg!