Vi fann 198 artiklar i dette arkivet.
Norske filmar skapar høg temperatur på Surnadal kino for tida, og det vil bli varmare og varmare. Det er framleis muleg å få med seg Affeksjonsverdi, Blücher og One battle after another. Men ein må kaste seg rundt om ein vil sjå desse, kvar på sitt vis, gode filmane.
Utruleg sterk start på filmhausten på Surnadal kino, og no er filmklubben også i gang igjen. For å ta den eldste filmen først, nemleg den filmklubben viser onsdag 8. oktober klokka 12:00.
Om temmeleg nøyaktig 5 veker er det duka for revyhelg med Svarrabærje Teaterlag. Skal du benytte deg av Early Bird-tilbudet så begynner det nemleg å haste, for det går ut den 1. oktober. Til no er det faktisk rundt 140 personar som har nytta seg av det tilbudet – fordelt på dei 3 forestillingane.
Fredag 26. september frå klokka 09:00 til 14:00 inviterer Surnadal kommune til Boligdagen 2025 i Kammerset på Surnadal kulturhus. Her kan ein få svar på det ein lurar på om framtidig busetting og bustad.
I år fyller SpareBank 1 Nordmøre 190 år, eit jubileum som allereie har vore markert gjennom fleire arrangement dette året. No er det ungdommane sin tur til å vere med på feiringa, kunne Liv Dalsegg og Arne Berset fortelje under eit pressetreff på Øye onsdag formiddag.
Nordmøre Forsvarsforening og Nordmøre brigadeveteranforening har i etterkant av tysdagens digitale forsvarshistoriske vandring, som vart ein stor suksett, fått mange oppfordringar om lage ein reprise. Difor inviterer dei to foreningane til reprise på den digitale vandringa onsdag 3. september klokka 19:00 i Storstuå på Surnadal kulturhus.
I foajen på ulturhuset sitt det to blide damer som gjerne ser at du stikk innom dem ein tur. Torill Helgetun og Randi Glærum fortel at dei tek i mot førehandsrøyster til Stortingsvalet, og har alt fått inn 715, og no blir det erfaringsvis fleire for kvar dag som går og valet nærmar seg.
Surnadal kommune og Surnadal storviltvald inviterer til viltkveld i kinosalen på Surnadal kulturhus tysdag 26. august klokka 19:00. Her blir det foredrag frå NIVIO, SNO og informasjon frå Surnadal kommune.
Surnadal bibliotek informerer om at dei skal skifte biblioteksystem, og vil difor halde stengt frå og med fredag 15. august til måndag 8. september. Sommarles-premiar kan heller ikkje hentast i denne perioden, men fristen for å gjere dette er forlenga ut september.
Søndag 25. mai klokka 19:00 blir Vårsøghelga avslutta med konsert i Storstuå på Surnadal kulturhus med Herborg Kråkevik og TrondheimSolistane. Under denne konserten skal barnekoret Amigos, som blir dirigert av Bodil Kvam Aasbø, bidra med song.
Tysdag 8. april klokka 19:00 inviterer Surnadal bibliotek til forfattarmøte med Ragnhild Lund Ansnes, der ho vil fortelje om den siste boka si «Klopps Liverpool», som ho gav ut hausten 2024.
Fredag 4. april klokka 12:00 inviterer Surnadal bibliotek til gratis «lunsjforedrag» med forfattaren Marte Heian-Engdal på Surnadal bibliotek. Foredraget tek utgangspunkt i Engdal si bok «Et Gaza-liv».