Arkiv for september, 2025

Torsdag 18. september klokka 11:00 inviterer Stavganggruppa i Pensjonistforbundet Surnadals til ein ny stavgangtur. Denne gongen går turen til Årnes.

Sykkeltrimmen er ein iherdig gjeng som kvar måndagskveld samlast til fysisk aktivitet – sommars tid er det sykkeltrim og vinters tid er det styrke- og kondisjonstrening på TILs treningsstudio «Hett & Svett» i den gamle BP-stasjonen.  I går kveld trefte vi gjengen da dei var ferdige med treninga, og da var det berre den sosiale […]

Ikkje berre godt songmål, men ei flott mål-setting ligg bak onsdagens songkveld i Todalen Ungdomshus. Kor og visegrupper slår eit slag for «Todalsbrønnen» – og det i Gambia!  Visegruppa Basarensemblet frå Kristiansund, trioen Kvameratene frå Molde og vertskoret Prosjekt 17 inviterer til allsongkonsert der inntekta går til eit ideelt prosjekt.

Oppryddingsarbeit etter brannen i Bekkerhagan i sommar går sin gang.  Mykje røyk og sot på utsida av to av nabohusa får denne veka ein skikkeleg omgang med rundtvask.  Det er firmaet Cleanzone frå Eidsvåg som har fått det oppdraget gjennom Polygon som har prosjektet med reingjering etter brannen.  

Frå 1. januar 2026 blir det eigarskifte på Halsbua – Matkroken Todalen. Sondre Halset tek da over drifta av L Hals Eftf AS i sitt eige selskap L Hals AS. Nytt selskap kjøper altså all «innmat» frå L Hals Eftf AS, herunder hyller, reoler, kjølarar, frysarar, drivstoffanlegg, og alt anna inventar samt alt av varelager, og vil leige heile bygget frå Terje Nordvik. Sjølv om nytt selskap tek over, skal arven etter L Hals Eftf. AS videreførast på best mogleg måte, og «Halsbua» vil bestå meir eller mindre i same drakt.

Det er den klare oppfordringa frå den lokale komiteen for TV-aksjonen 2025 i Surnadal kommune, som fredag ettermiddag inviterte til eit pressetreff i lokala til Frivilligsentralen i Surnadal på Skei.

Tysdag 16. september inviterer Todalen Idrettslag alle Todalingar og alle andre i Stangvik skulekrins til lagseriestemne på Bordholmen stadion. Her blir det lengdehopp med og utan tilløp, kast av liten ball og springing. 

Torgeir Mikkelsen og Jan Nordvik Bruset har orna seg med ein skikkeleg hobby, og vart faktisk norgesmeistrar da deltok i NM i bygging av lydanlegg. Dei sikra seg 2 førsteplassar, 1 andreplass og 2 tredjeplassar da dei deltok i NM som var avvikla på Norsk Vegmuseum på Lillehammer. Dei kallar seg «Team Vaskapukk»

Trimgruppa i Todalen idrettslag inviterte søndag til bakelsfest på Tjønnmyran.  3-4 bakeljarn gjekk på full fres med bakelsproduksjon til dei 60-70 gjestane som stakk innom til nykoka kaffe og nystekte bakels med graut. 

Søndag inviterte Todalen Sokneråd til gudsteneste i Todalen kyrkje. Under gudstenesta vart dei fire Todalingane som skal konfirmerast i mai neste år presentert. Liturg søndag var Pål Arne Winsnes, Torbjørn Brøske var assisterande liturg, Rannveig Brøske var klokkar og Oddveig H. Halle var organist. 

Alfred Kvendset fanga solnedgangen frå Snøfjellet, og gjekk av med sigeren i månadens bilete i august! No er september her med haustlys og gyllent lauv, og kanskje er det du som fangar det beste blinkskotet i september?

Surnadal demensforening og helselag inviterer til åpent møte Surnadal sjukeheim, kantina onsdag 17. september kl 18:00, da kommer Anna Marie og Karl Laugsand på besøk.