Arkiv for desember, 2024

Da har vi feira julekveld og har så vidt teke til på romjula, noko som inneber litt endra opningstider hos Matkroken Todalen fram til nyttår. I dag, onsdag 25. desember er butikken heilt stengt, medan det torsdag er kioskope klokka 16:00 – 18:00.  

Todalen Idrettslags trimgruppe er tradisjonell arrangør av Romjulsmarsjen 3. juledag (fredag 27. desember), med start mellom 12:00 og 15:00.  Som vanleg er det gløggstasjon ved «chekpoint» Bruset, og der får du og ei lita belønning for deltaking – og sjølvsagt høve til å kjøpe lodd i romjulslotteriet som har trekning umiddelbart etter romjulsmarsjen.

Da ringer kyrkjeklokkene jula inn og julefreda er i ferd med å senke seg over bygd og by. Vi i redaksjonen i Todalen.no, Jon Olav, Dordi Jurunn, Guro og Bjørn Gunnar ønsker våre lesarar ei riktig god og fredfull jul. 

For mange er det julegudstenesta i Todalen kyrkje som markerer starten på julefeiringa.  Dagens julegudsteneste samla eit knapt hundretal som deltok i ei triveleg og fredfull gudsteneste som ein start på ei fred full julehelg.  Det var prost Vidar Wilhelmsen Rygh som som heldt gudstenesta og han hadde med seg Bernt Bøe som organist og Borghild Betten Talgø som tekstlesar.

I dag er det siste trekning for TILs julekalender for 2024 – dermed er det finale for ein stor suksess som har gått over 24 dagar i regi av Todalen Idrettslas trimgruppe.  Tilsaman har det vore selt julekalendrar for over 40.000, som gjev eit solid overskot til trimgruppas drift i 2025.  T.I.L.’s julekalenderkomite rettar ein stor takk både til dei som har bidrege med nærare 100 kortreiste gevinstar og til dei som har kjøpt over 400 julekalendrar. 

Nordvik Grendalag inviterer til tradisjonell juletrefest i Nordvik forsamlingshus torsdag 26. desember (2. juledag) klokka 14:00. 

På julekalenderlotteriets nest siste dag er det og 5 gevinstar som skal bli forena med nye eigarar.  Første gevinst ut i dag er ein flott ullgenser som var trekt ut til Unni Talgø, som bur i Tafjord. 

Julaftan – 24. desember – Blir det julegudsteneste i Todalen kurkje kl 16:00, med sokneprest Vidar Wilhelmsen Rygh.  Organist er Bernt G. Bøe, medan Rune Moe og Borghild B. Talgø er kyrkjevertar.  Takkoffer til kyrkjelydsarbeidet i Todalen. Salmane som skal syngast er kjente og kjære og har nummer 44, 61, 53, 27 og 48. 

Styret i Surnadal Pensjonistlag kallar inn til årsmøte 29. januar klokka 15:00 i lokala til Surnadal frivilligsentral i Fiskegården på Skei.

Iver Holen sikra seg 4.-plassen under dagens konkurranse i vertikal i den italienske fjellandsbyen Crevacol.  Isak Drøpping måtte melde forfall i dag, men hadde ein stor dag i går, da han sikra seg 2.-plassen i sin klasse i sprinten.   Dei to var tekne ut for å delta i helgas WorldCup i alpelandsbyen Crevacol i Italia. 

På ein tidleg søndagsmorgon er vi klare med trekning av 5 nye gevinstar.  Dagens første gevinst er ein heimestrikka barnekjole – her vart det Britt Mossing som vart den heldige vinnaren.

Forskningsrådet deler i desse dagar ut millionar av kroner til innovasjonsprosjekt i næringslivet. Innanfor segmentet Skogbruk og bruk av tre deler dei totalt ut 27 millionar kroner, og den største summen i denne runden går til Talgø MøreTre, som får heile 10 millionar kroner til utvikling av miljøvennleg impregneringsmiddel.