Vi fann 79 artiklar i dette arkivet.
Det er mørke filmar som dominerer på Surnadal kino akkurat no, men snart er det heldig vis jul og lysare tider! I filmklubben onsdag 20. november klokka 12:30 er Morgan Freeman og Brad Pitt på jakt etter ein seriemordar i I filmen Seven (eller Se7en), som den også blir nemnt som. Dei finn ikkje noko motiv med ein gong, men forstår ganske kjapt at drapsmannen blir motivert av gamle skrifter.
Kyrkja i Surnadal inviterer til «felles middag» på kyrkjelydshuset onsdag 20. november klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.
I løpet av helga har fleire observert ein kvit båt med påhengsmotor drivande utover fjorden. Båten er no fortøyd ved Vorpneset utanfor Ansneset. Om nokon saknar båten, eller veit kven som eig han, så er han akkurat no fortøyd ved Vorpneset, og kan hentast der.
Todalen sanitetsforening inviterer til kløvertur måndag 18. november. Oppmøte ved Matkroken og start derifrå kl. 11:00.
Fredag var Karen Oddny Gravvold og Blomstermakeriet Orkideen på plass i ny butikk på Skei. Vi har fått plass midt i smørauge på Skei, der den gamle meieributikken låg ved sida av Kløverstua. Karen Oddny dreiv mange år med blomsterbutikk i miljøgata, før ho flytta heim til Rognpilvegen i 2018, og har drive blomstersal i ei brakke i hagen fram til no.
Laurdag var det orange farevarsel for stormflo på Nordmøre. Det var fleire samanfallande grunnar til storfloa, mellom anna var fullmåne/supermåne, og det var meldt sterk storm og kanskje opp mot orkan på kysten.
Vi har tidlegare skrive om at det går føre seg skogsdrift i Bjørålia og utover mot Korslia. Dette berører turstien som er merka frå Storhaaugen og ned mot Liatur/Brusetnesset. Medan arbeidet har pågått har det vore mykje nedbør, og det har gjort at det er på det næraste uframkommeleg etter stien, fortel Jon Bruset. Han har sendt oss eit par bilder som viser at det er både mykje kvist og blauthol der den merka stien går.
Svorka opplever stor vekst, noko som gjer at dei treng fleire tilsette. I ei pressemelding no på føremiddagen, så lyser Svorka ut fleire stillingar, samstundes som dei informerer om at det vil bli utlyst enda fleire ganske snart.
Torsdag 14. november opna Hageland Surnadal julebutikken. Dette er ein landsomfattande kampanje for Hagelandkjeda landet rundt. No bugnar det med julevarer – juletre, julelys, julepynt og ikkje minst juleblomster i butikken.
Torsdag kveld opna Surnadal kunstforening si tradisjnelle førjulsutstilling «Haustlys». Det skjedde i Finstua på kulturhuset, og årets utstillar er Astrid Narvestad Wærdahl som i dag bur og har sitt virke som kunstner i Bøfjorden. Astrid har budd rundt omkring i Norge og har flytta 20 gonger, men hun hadde sin barndom i Askim og si ungdomstid i Kristiansand. Sin bakgrunn som kunstnar har ho frå Bergen Kunsthåndverkskule i 1979 – 1983. No bur ho altså i Bøfjorden og har sitt atelier der. Det siste året har ho hatt eit engasjement på Amfi Kreativ i Surnadal.
Indre Nordmøre senioruniversitet inviterte onsdag 13. november til møte i Surnadal kulturhus. Temaet var «Lars Talgø og brurekronene hans». Bjørn Austigard heldt eit engasjert og interessant foredrag om Lars frå Taløyan i Todalen som laga så fine og forseggjorde brurekroner.
Todalshytta minner om sin lutefiskaften i kveld (14.11.), og kjøkkenet er ope frå kl 17:00 og utover til klokka 21. Har du lyst på ein smak av jul, så er det berre å melde seg på med bordbestilling til Arve på telefon 92997550.