Arkiv for oktober, 2024

Fredag 25. oktoberber frå klokka 12:00 – 17:00 inviterer Lia gard til nytt bakeriutsal. Det har vore ein hektisk periode i bakeriet, men det likar dei, så på fredag er utsalet fyllt opp att med gode bakevarer. 

Det lakker og lir mot seinhaust og førjulstid, og det er faktisk tid for å tenkje på julemat og trivelege førjulsselskap med smaking både på det eine og andre.  På Todalshytta kjem den første lutefisken på bordet den 8. november som er ein fredagskveld.  Sidan vil det gå slag i slag framover mot jul – spesielt spennande vil det bli den 1. november når det inviteres til asiatisk aften med stor breidde i asiatisk mat – det går det faktisk an å gle seg til. 

Fredag 25. – søndag 27. okotber inviterer Surnadal Jeger- og Fiskerforening (SJFF) alle over 18 år til introjakt på hjort på Vaulen. Oppmøte på parkeringsplassen ved Solåsvatnet klokka 18:00.

Det er Solli Skog frå Surnadal som har oppdrag for Kristen Bruset, der det skal hoggast eit par tusen kubikk med gran og furu. Litt lauvskog blir det også med i same prosjektet, som dei reknar med vil ta tre veker eller der omkring. Her skal det hoggast eit granfelt ved Vårsetra, og elles frå nederste del av Bjørålia og utover til Korslia mot Storhaugen

Kyrkja i Surnadal inviterer til «felles middag» på kyrkjelydshuset onsdag 23. oktober klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

I mangel på fysiske bøsseberarar låg det an til nok eit bedrøveleg innsamlingsresultat for Surnadal kommune si deltaking i TV-aksjonen. Dette kan vi gjera noko med, tekte Elinor Bolme , som er leiar i Todalen IL og har «kompetanse» på pengeinsamling.  Som tenkt så gjort, og Todalen IL arrangerte eit skikkeleg kaffelag ved gapahuken i Toåa tursti. 

I forbindelse med reforhandling av ny leiekontrakt på Bordholmen kallar styret i Todalen IL med dette inn til ekstraordinært årsmøte onsdag 13. november kl 19.00 i Todalen Ungdomshus.

Surnadal kino kan skilte med fleire nye filmar komande veka; og mellom dei «en mirakuløs prestasjon». Det vart laga mange gode tyske filmar sist på 1970-talet. Og filmane fekk eit stort internasjonalt publikum.

Todalen sanitetsforening inviterer til kløvertur måndag 21. oktober. Oppmøte ved Matkroken og start derifrå kl. 11:00. Alle er velkomne til å bli med ut på tur!

Fordi det heller ikkje under årets TV-aksjon, «Saman for små helter» blir fysiske bøsseberarar i Surnadal kommune, har Todalen Idrettslag og leiar Elinor Bolme bestemt seg for å lage eiga digital bøsse via Spleis og innsamlingsstand med kaffe og kaker i Toåa tursti.

Vi må ikkje la krigsminna gå i gløymeboka, men tvert i mot passe på å ta vare på dei minna vi har – spesielt etter 2. verdskrig som tok slutt for snart 80 år sia.   Krigshandlingane i Gaza og i Libanon og ikkje minst i Ukraina viser oss kor skjør freden er, og kor snart gjort det er å fyre opp igjen.

Torsdag 31. oktober klokka 18:00 inviterer Nordvik grendalag små og store til Halloweenfeiring.