Arkiv for januar, 2016

Årets siste bilete blei årets siste vinnar av månadens bilete, og vi kan gratulere Ingri Bruset med nok ein pris. Vi gratulerer og lovar at premien blir overbragt ved første anledning. Dette betyr at vi har funne alle kandidatene til årets bilete 2015, og vi setter i gong avstemninga allereie i morgen, onsdag!

I dag arrangerers det balleik både ute og inne kl 18. På Bordholmen blir det muligheiter for å prøve seg på skøyter for den som vågar det.  For dei som ikkje ønsker å være med på dette er det som vanleg åpen gymsal der mellom 18-19. På Bordholmen er det no fin skøyteis som har vore flittig bruka av […]

13. og 14. februar inviterer Todalen idrettslag og Norges Skiforbund til NM i Randonee i Todalen. Da ventar vi heile norgeseliten til Todalen for å delta, seier rennleiar Nils Ove Bruset, som fortel at arrangementet skal gå i Dalalia ved Kårvatn. Det er lite som minner om skirenn i Dalalia i dag, men vi har god tru på at det skal bli nok snø i løpet dei komande 5 vekene, seier Bruset. Laurdag er det NM individuelt for alle klassar, medan det søndag blir randoneecup vertikal. No er program og invitasjon klar….

Laurdag var det første strikkekafè i Sanitetshuset på nyåret. Sjølv om det var 15 kalde på gradstokken ute, var det godt og varmt i møterommet i Sanitetshuset, og strikkepinnane gikk jamnt og trutt attåt praten rundt borda. Sidan i fjorhaust har det våre omtanken for flyktningane som har vore drivkrafta for sanitetsdamene i Todalen. Rett […]

Todalen Sanitetsforening har dei siste 4-5 åra hatt eitt kunstverk til utloddning gjennom heile året. 2016 er intet unntak, og i år har sanitetsforeninga FÅTT dukka Tora med stor heimestrikka garderobe av Liv Jorun Bævre Moe. Dukka er i størrelse 40 cm, og Liv Jorun har strikka ei heil garderobe, samt stol og koffert til oppbevaring som medfølgjer.

Då er vi klare for å finne siste vinnar av månadens bilete for 2015, og siste kandidat til årets bilete. No som jula er over og det går mot lysare tider igjen, håpar vi dykk fortsatt sender inn bilete til oss.

I skrivande stund er det 13,9 kuldegrader ute, og det ligg nok godt tilrette for at det kan bli enda kaldare i løpet av natta. Yr.no melder 10 kuldegrader for Todalen, både i natt og utover laurdagen. Så skal det bli litt mildare utover søndagen, men det er faktisk meld kaldvêr heile den komande 10-dagersperioden. Kl 20 i kveld var det -14,7 på gradstokken oppå Storfossen, medan det i Innerdalen er -16,6 grader – og det er sikkert andre plassar det er betydeleg kaldare i distriktet vårt?

No er tida for utbetaling av siste del av grasrotandelen frå 2015. Dei 48 registrerte mottakarane i Frivilligheitsregisteret tilhørande Surnadal kommune hentar heim 500 360 kroner til saman. Dette fordelt på 1247 ulike spelarar. I Todalen er det to mottakarar, som begge gjer det godt; Todalen Idrettslag med overkant av 26 ooo kroner, og Todalen Sanitetsforening med vel 10 000 kroner. Surnadal Idrettslag får naturleg vis mest i kommunen.

SURNADAL ARBEIDERPARTI avheld sitt årsmøte 27. januar kl. 18.00 på kantina ved Surnadal sjukeheim.

Onsdag kveld var det rundtvask på Hett og svett. Det var trimgruppa som stod for rundtvasken, – alle apparata og mattene vart vaska, likeså tak, vegger og golv. Vindua vart fint pussa. Dette var arbeid som trongst, men i løpet av kvelden vart det altså gullande reint!

Søndag kveld kl 19.30 startar sjakken på att etter juleferien i Kaffekroken. Sjakkgjengen satsar på annakvar søndagskveld også i det nye året, fortel pressetalsmann Trygve Halle. Han fortel at det er viktig å møte opp komande søndagskveld slik at ein får diskutert om det er interesse for å arrangere turnering utover vinteren og våren.

Todalen Sanitetsforening startar førstkommande laurdag oppatt med strikkekaffe i Sanitetshuset. Her blir det fortsatt høve for ein sosial treffstad med strikketøy eller anna handarbeid for den som ønsker det. Eller utan om du berre vil komme for eit triveleg selskap utan noko mellom hendene. For dei som ønsker å fortsette med småstrikk til eit godt formål, så fortsett sanitetsforeninga på prosjektet/dugnaden «Strikk en varm velkomst» .