Todalen historielag 2023

Søndag 19. februar klokka 16:00 inviterer Todalen historielag til ettermiddagskaffe i Todalen ungdomshus. Servering av bakels med graut og kaffe. 

Presentasjonen av årsskriftet er det store høgdepunktet for Todalen historielag.  Søndag ettermiddag vart årsskriftet for 2022 presentert i ungdomshuset, og det samla eit 60-tal med sambygdingar til bokslepp.  At historielaget i bygda har eit par hundre medlemar viser at todalingane tek vel vare på historia og som tok i mot sitt årsskrift med stor interesse.

Søndag 20. november klokka 15:00 inviterer Todalen historielag til «bokslepp» i Todalen ungdomshus. Her vil historielaget sitt rykande ferske årsskrift for 2022, bli presentert. Det blir også utstilling av måleri måla av Olav Halse, yngre bror av Leif Halse, og sjølvsagt kaffe og bakels!  

No er det tid for å betale kontingent for medlemskap i Todalen historielag for året 2022.

Søndag fikk vi nærast uventa besøk i redaksjonen! Det var frå Fonna Forlag – redaktør og majoritetseigar Kjartan Helleve som stakk innom. Han hadde ærend i området, og kom på at han skulle stikke innom og sjå seg litt rundt i Todalen når han først var på disse traktane.

Alt er no klart til Todalen historielag og Stangvik historielag sin busstur til Surnadal, Rindal og Meldal i morgon. Det blir mellom anna besøk på skimuseet i Rindal og middag på Bolme pensjonat på returen frå Meldal. Det blir meldt om at det framleis er nokre få ledige plassar, om nokon, på kort varsel, vil vere med? Ta da eventuelt kontakt med John Moe på telefon 920 48 854 snarast!

Todalen historielag og Stangvik historielag planlegg busstur til Surnadal, Rindal og Meldal laurdag 18. juni. Det blir mellom anna besøk på skimuseet i Rindal og middag på Bolme pensjonat på returen frå Meldal. Bussen startar frå Matkroken Todalen, og stoppar elles på Nordvik, Hauahyllå, og rasteplassen før Skei.  

Det er tydeleg at vandring i lokalhistoria er populært for folk som har levd ei stund. Denne gongen var det vegane i Åsbøhauan og innover til Sjøleet, og vidare ned til Sjøtrøa som var tema da Nordvik Grendalag, Stangvik historielag og Todalen historielag inviterte. I det fine vêret var det rundt 50 deltakarar som møtte ved Åsbøsommarfjøset, for å bli med på vandringa som starta i Åsbøhauan, og gjekk etter gammelvegen opp til Åsbøen

Måndag 6. juni (2. pinsedag) klokka 13:00 inviterer Nordvik grendalag, i samarbeid med Todalen historielag og Stangvik historielag, til kulturvandring langs gamlelvegen i Åsbøhauå. Vandringa startar frå Åsbø gard/Åsbøsommarfjøset og går ein runde nedover Åsbøhauan.

Torsdag kveld var tingvollgjeldingen Helge Husby i Todalen for å promotere den nye boka han har skrive om kamphandlingane i Gratangen. Slaget i Gratangen i aprildagane for temmeleg nøyaktig 82 år sia, og er rekna for å være det blodigaste som har skjedd på norsk jord. Helge fortalte at han har gått svanger med bokplanar helt sia han var ungdom, og at mange nordmøringar fall i Gratangen har vore med og påvirka planane som no er realisert

Torsdag 21. april (kl 18:00) kjem historikaren og forfattaren Helge Husby til Todalen ungdomshus med sitt foredrag om Trønderbataljonen og slaget om Gratangen. Husby vil halde eit foredrag på ca. 2 x 30 minutt om ungdomane frå Nordmøre og Trøndelag som kjempa mot den tyske krigsmakta i Gratangen i aprildagane i 1940.

Todalen historielag slo to fluer i ein smekk og avvikla årsmøter i eitt – både for året 2020 som var det store koronaåret og for 2021. Sjølv om det har vore mykje restriksjonar har det faktisk vore bra aktivitet i historielag, der årsskrifta har kome som planlagt, men det har nok vore begrensningar i arrangement, der folk brukar å treffast.