Etter årsmøtet i 2020 er tillitsverva i laget fordelt slik:
Nyheter knytta til Todalen Bondelag
Kom til nyoppussa hønsehus i Pestua
Måndag 3. juni kom 7.500 nye verpehøner og tok plass i det nyoppussa og oppgraderte hønehuset i Pestua. Tidleg på morgonen kom dei til gards, men det tok ikkje lang tid før dei fann seg til rette i gangane og i hyllene. Dei er seks uker gamle og har vakse opp i eit like ens hus på Jæren. Dette er innsett nr 13 i Pestua, og om eit par veker er dei klare til å starte å verpe. Dei legg nok ikkje merke til at det har skjedd store endringar sia hønehuset vart tømt for både høner og utstyr på etterjulsvinteren.
Rekordtidleg siloslått – bra avling
Ola Kvendset har starta siloslåtten rekordtidleg i år. Årsaka til at han er så tidleg ute er at han har eksperimentert litt og satsa på sortar og frøblandingar som er ekstra tidleg på bakgrunn av fjorårets vanskelege fôrsituasjon. Tørke gjorde da at Ola fekk berre ein brøkdel av avlinga i førsteslåtten. Da var det ein god 3.-slått og innkjøpt fôr som redda situasjonen.
Godt å varra te!
I går kveld inviterte Ola Kvendset i Viastua til det årlege kusleppet for skuelystne Todalingar. Alt i alt skulle 36 kyr og kviger i alle aldrar endeleg få ut og starte vårsesongen 2019 med grønt gras under klovene. Damene tok slettes ikkje heilt av, men litt krumspring til ære for publikum bevilga dei seg.
Klart for vårslipp og kåte sprell
Måndag kveld blir kyrne i Viastua sleppte ut på beite for sesongen. Vi reknar med at det blir både kåte sprell og litt kamp om posisjon i hierarkiet. Det skjer kl 19.00 og alle som har lyst kan kome og sjå på. Det blir salg av kaffe og bakels for kr 20 – Vipps og […]
Det gjekk heldigvis godt…
Ein gardbrukars mareritt er metallboksar inne i foret. Håvard Halset opplevde dette for andre gong no i helga og er glad for at kyrne ikkje fekk dei inn i munnen saman med siloen. -Vi ser med jamne mellomrom groteske bileter på nettet kor kyr blir oppskorne i munn og svelg grunna metallboksar som har vorte kverna inn i rundballar. Dette ender stort sett med dødeleg utfall og er ei lita otte, seier Håvard.
Satsar på å takle tørkekrisa i landbruket
Onsdag inviterte surnadal Bondelag til møte om gravforsituasjonen i regionen. Dette var nok eit tema som interesserte mange og det var godt frammøte i kantina på Surnadal Ungdomsskule. Og bondelagsleiaren Oddvar Mikkelsen sa at «det er inga lykkeleg årsak til at vi samlast i kveld» da han ønska velkomen. Men bondelaget hadde samla mykje kompetanse til møtet, og alle var optimistar med tanke på å finne løysingar for å kome ut av grovforkrisa som har oppstått.
Det monnar da litt iallfall…
Alle monner dreg sier Ola Kvendset og Emil Thorp som driv kantslått både på elvekantar, ekkerkantar og vegkantar for å samle grovfor til krøttera. Ola Kvendset er gardbrukar i Viastua, medan Emil Thorp er avløysar. I dag hadde dei litt ledig tid, og har altså samla litt fôr både her og der, og dei trur da at dei kan fø heile buskapen ein dag med det fôret dei har samla inn. Da kan ein seie at alle monner dreg!
Møte om grovfôrsituasjonen – på ungdomsskulen
Onsdag den 15. august inviterer Surnadal Bondelag til møte om grovfôrsituasjonen i regionen. Møtestart er kl 19.30 og finn stad i kommunestyresalen på Herradshuset skriv leiar Jan Henrik Moen i Surnadal Bondelag.
Tørketid: Det går mot full krise…
Det går full krise i jordbruket på grunn av store tørkeskader. I Todalen ser det ut til å være verst på Kvennset, der 2.-slåtten ser ut til å bli på 30 % av normal avling og knapt nok det, seier Ola Kvendset som drivar i Viastua. – Eg må heilt sikker redusere med 10 – 15 dyr og kanskje meir. Nå er håpet at vi får ein god 3.-slått, og regnet som kom i dag har faktisk vore til god hjelp.
Støttar barnekreft med gule ballar
For tredje året på rad har Felleskjøpet Agri og Trioplast produsert opp farga rundballeplast som støttar eit godt formål. I år er plasten gul, og 30 kroner av kvar solgte rull går til Barnekreftforeninga. Det er totalt produsert opp 10 000 rullar, der kvar av Felleskjøpet Agri, Trioplast og bonden gir 10 kroner kvar pr rull til […]
Beherska optimisme tross ekstrem tørke
I media kan vi lese om dei ekstreme tørkeproblema i Sør-Noreg som vi og har føling med her på Nordmøre. I dag tromma bondelaga, banken, Landbruk Nordvest, Tine og Surnadal kommune saman til møte for å diskutere problema som har oppstått og eventuelle tiltak som kan gjerast. I Surnadal vil ein avvente 2. slåtten som startar om eit par veker før nevneverdige tiltak settes inn, så dagens møte var meir av førebuande karakter.
Fokuser på det positive i rundt oss
Etter ein vellykka rundtur rundt Todalen for Aud Lindset Drågen ved Fylkesmannens kontor saman med lokale utsendingar frå Todalen og Surnadal vart det i invitert til informasjonsmøte i Todalen Ungdomshus i går kveld. Dette vart ei fin og ikkje minst informativ avslutning på ein innhaldsrik dag. Møtet var åpent for alle, og Todalen Grendalag var godt fornøgd med oppmøtet trass kort planlegging. -Dette vart verkeleg bra konkluderte Jostein Bruset. Vi fekk både inspirasjon og informasjon!