Kvart over 7 i dag tidleg kom den første laksen på land. Det var ein firekilos rugg som vart lokka fast på kroken av Per Ørsal. Per har vore ivrig fiskar heilt sia gutadagane heime på Sagtrøa, og er nok fast inventar når fisket i Toåa startar. Slik også i år, og etter å ha fått laksen på land bar det heimover med fangsten. Men han var ikkje ferdig med dette, så etter ein liten kaffepause bar det ned i elva igjen, og til Tømmermelhølen der han tok den første laksen. Og her nappa det igjen, og dermed var laks nummer to eit faktum. Denne var litt større, og veksta stoppa på mesta 8 kg. Dermed var Per ferdig med fisket for i dag, for fangstavgrensinga i Toåa er 2 laks per fiskar pr dag.
Les heile saka
Frå midnatt er laks og sjøaure «fritt vilt» i Toåa. Sesongen i år varer frå 15. juni og varer til 15. august, og det er same fisketid for både laks og sjøaure. Det er bra vassføring i Toåa etter regnet og snøsmeltinga dei siste dagane. Og etter vêrmeldinga på yr.no vil det fortsatt bli litt regn utover veka, og vassføringa vil nok halde seg. Det er knytta stor spenning til årets laksefiske som altså kjem i gang 2 veker seinare i år enn i fjor, etter reguleringa av laksefisket som direktoratet har gjort.
Les heile saka
I dag var halve tiendetrinnet frå Surnadal ungdomsskule i Todalen. Andre halvdel kjem på fredag.
Det gjekk buss frå Surnadal klokka ni, så ungdommane kom til gammelfabrikken halv ti.
Les heile saka
Leiar i Ski- og friidrettsgruppa, Jorid Haugen Ansnes oppfordrar alle til å komme på Bordholmen onsdag kveld kl 18 for å vere med på Lagseriestevne. Det vil da bli høve til å prøve seg på å ta idrettsmerket. Her blir det moglegheiter til å få sjekka vårformen innan både 60 meter, liten ball og stille lengde for å nemne noko. Nokre få har så smått byrja, men Jorid ønsker at fleire hyvar seg med.
Les heile saka
No er det på «sekkasen» for Hønhalsen på Høna oppi fjellsida mot Blåfjellet. Det er eit gammelt merke som betyr at badesesongen kan starte når Hønhalsen går av. Nærbildet viser at det er like før, så eit par tre dagar med mildvær no så er det klart. Utover veka er det meldt temperaturar på 15-20 grader og regn, så Hønhalsen er kanskje gått av når Høna dukker fram frå skodda igjen? Følg med….
Les heile saka
I kveld, tirsdag kl 18.30 er det fotballkamp på Bordholmen. Der møtes G10 laget Søya/Todalen Surnadal til dyst melder leiar i fotballgruppa, Bjørn Hauglann. Også torsdag kveld er det kamp der i følge aktivitetskalenderen vår.Førs ein J10 kamp klokka 18, så ein G14 kamp klokka 19. Kiosken er naturlegvis open melder Bjørn.
Les heile saka
Olje- og energiminister Ola Borten Moe (Sp) var i helga på uoffisielt besøk på Vårsøghelga i Surnadal, og var mellom anna tilstades på programmet på Gulla Gaard. 2. pinsedag var han på like uoffisielt besøk i Todalen, der han var innom på Kårvatn og hos Talgø på gammelfabrikken sammen med konsernsjef Terje Talgø. Og sjølvsagt var det stopp for fotografering ved drivstoffanlegget til Halsoil som seg hør og bør for ein olje- og energiminister.
Les heile saka
Dei siste åra har det foregått ei total renovering av Gammelfabrikken til Talgø i Brusetmarka. Det er bruka fleire millionar til oppussing og sist i 2010 på tilbygg som huser den nye utstillinga av MøreRoyal-produkter frå MøreTre. Sentrale i denne prosessen har vore dei lokale snekkarane Gunnar Nordvik og Lars Kvendset. No er den innomhus byggeprosessen på det neraste fullført, og det er klart for å fiffe opp anlegget utomhus.
Les heile saka
Laurdag og søndag var fleire lag frå Søya/Todalen på Halsa og spela cup. Todalen stilte kun med eit reint Todalslag i klassen knøtt, men hadde ellers med spelarar i klasssane G10, J10 , G12 og J12. Laurdag var sett av til dei minste spelarane, der det var full rulle på fire banar til ei kvar tid. Søndag var det kampar på tre banar for dei litt eldre spelarane, G12 og J12.
Les heile saka
Tysdag 14. juni opnar Todalshytta for ny sommarsesong som også er jubileumssesong for hytta. Den stod nemleg ferdig i 1901, klar til å ta i mot engelske turistar som kom til Todalen for å prøve laksen i Toåa. Laksefiskarane er framleis i fokus på Todalhytta, men no er det nok mest norske fiskarar. På opningsdagen tysdag blir det nok «flying start» med balldag på Todalhytta. Da må nok Åse G. Øyen som er vertinne og kokk, fylle grytene med potetball og tilbehør.
Les heile saka
På tampen av veka kom dei fleste i gang med siloslåtten. Været har ikkje vore optimalt dei siste dagane, men yr.no lover egentleg ikkje noko betring med det første, seier Ståle Ansnes, ledar i Todalen Bondelag. Todalen Samdrift hadde håp om å fylle siloen før dei tok helg. Aasmund Longva Kvendset var i gang med å lage siloballer, medan Olav Halle hadde besøk av reparatør da vi tok ein lynrunde rundt bygda laurdag ettermiddag.
Les heile saka
Allsongkvelden – Tonar under kyrkjetårn samla mange tilhørarar i Todalen kyrkje pinsaftan. Etter at pinsehøgtida var ringt inn starta allsongkvelden med innmarsj med Todalskoret og Åsskard kyrkjekor med Grautmarsjen. Dirigent og kromtapp for heile arrangementet, Bernt Bøe, ønska velkomen og leia allongkvelden på ein framifrå måte og krydra programmet med gode historier. Det var nok mange gode songarar tilstades i kyrkja denne kvelden, for aldri har nok allsongen ljoma så fint i kyrkja som denne kvelden.
Les heile saka
