Start 4H

I ettermiddag tok medlemmane i Start 4H ein medlemstur til Svinviks arboret. Når dei kom til arboretet fekk dei ei historisk orientering om Svinviks arboret og grunnleggjarane Halvor og Anne Svinvik. Så vart gjengen guida inn i drivhuset, der dei fekk sjå planter arboretet dyrkar der.    Etterpå vart det ein tur rundt om i […]

Start 4H nytta høvet til å ta ein overnattingstur til Gjengstøa i finvêret frå fredag til laurdag. Nokre av medlemmane tok like godt to netter og overnatta heilt til søndag. Medlemmane møtte opp i småbåthamna, og sykla eller køyrde båt frå derifrå og utover til Gjengstøa fredag ettermiddag. Der overnatte dei til i dag. I […]

I kveld var Start 4H ute og testa fiskelykka i Todalsfjorden. Gudmund K. Kvendset, Finn Ranes, Kjetil Sogge, Laila K. Bergli og Shan Allan Halle stilte med båtar, slik at det vart plass til alle 4H-arane. Todalt var det rundt 20 personar i dei fem båtane som drog ut for å freiste fiskelykka. 

I går kveld var det årsmøte i Start 4H i skulstuå. Før årsmøtet fekk dei fire nye medlemmene ei omvisning i klubblokala av klubbrådgjevar Ragna Kvendset. Dei fekk og ei kort orientering om kva det inneber å vere med i 4H og kva for prosjektoppgåver dei kan velje mellom. 

Start 4H kallar inn til årsmøte tysdag 18.mai klokka 18:00 i Skulstuå. Vanlege årsmøtesaker. Sitjande styre oppmodar alle medlemmene om å tenke gjennom kva prosjekt dei ønskjer å ha som prosjektoppgåve i 2021!

I dag har Start 4H hatt kornbandsal på Matkroken Todalen. Magne nytta høvet til å kjøpe ein «godbit» til småfuglane no i førjulstida. Det var Sivert Sogge og Jens Sancho Ansnes som stod for salet den første timen. Den neste timen var det Maria K. Bergli og Selma S. Gjeldnes som var seljarar. Den siste lille  timen var det Ingebrigt K. Bergli, Johan Ranes og Van Adrian Ansnes som styrte butikken. 

Førstkomande laurdag, den 12.desember, mellom klokka 11:00 og 15:00 vil medlemmer frå Start 4H ha stand med kornbandsal utanfor Matkroken Todalen. Kornbanda kostar 100,- kroner. Sjølv om det så langt ikkje er snø og difor god tilgang på mat for småfuglane, så kan det likevel vere ein god ide å sette opp kornband slik at […]

Tysdag kveld var det medlemsmøte og tid for å dele ut 4H-merke og skeier til medlemmane i Start 4H. Dette er det synlege beviset på at prosjektet dei har jobba med gjennom året er godkjent og bestått. 

Da den planlagde haustfesta til Start 4H, sist laurdag, måtte avlysast på grunn av smittevernsreglane, vart det teke kontakt med oss for å få medlemmene sine prosjekt presentert på todalen.no. Dette ville vi sjølvsagt bidra med, og her kjem ein presentasjon av dei seks junior- og seniorane i klubben sine prosjekt. 

Da den planlagde haustfesta til Start 4H, sist laurdag, måtte avlysast på grunn av smittevernsreglane, vart det teke kontakt med oss for å få medlemmene sine prosjekt presentert på todalen.no. Dette ville vi sjølvsagt bidra med, og her kjem ein presentasjon av dei åtte aspirantane i klubben sine prosjekt.

Laurdag 7.november skulle det ha vore haustfest i Start 4H. På grunn av Koronasituasjonen og at det etter alt å dømme kjem nye smitteverntiltak denne veka, har styret i klubben vedteke å avlyse haustfesta i år. I staden vil kvart medlem få presentert oppgåva si digitalt på Todalen.no. 

Start 4H er i planleggingsfasen av årets haustfesta. Koronasituasjonen og dei gjeldande smitteverntiltaka gjer at det ikkje er mogleg å gjennomføre haustfest på tradisjonell måte, så det blir i år ei alternativ haustfest der ein legg opp til eit utearrangement, men at det vil bli høve til å få sjå utstillingane innandørs i Skulstuå.