For å skaffe stamlaks til Statkrafts smoltanlegg i Rossåa er det nødvendig å få tak i stamlaks med «ekte» gener frå todalslaksen. Stamlaksfiske har derfor starta for sesongen, og vil påga framover til eit tilfredstillande antal er på plass i Stamlakshuset i Brusetmarka. Der blir dei seinare gentesta og godkjent eller dersom dei har feil gener blir dei avliva. Todalen elveeigarlag vil gjerne ha hjelp av laksefiskarane til dette, og honorerer dei som stiller laks til slik bruk med kr 500,-
Les heile saka
Endeleg vart det skulefri, slik at det går an å bruke dagane til badeliv og fotball. Det er viktig å få litt lystbetont aktivitet i løpet av ferien. Snart startar fellesferien, og da blir det nok turistar å stifte bekjentskap med også. No er snøsmeltinga i fjella stort sett ferdig, og da er det nok betre temperatur på vatnet i elva for badarane.
Les heile saka
Laurdag var det over førti fotballkamper på Bordholmen. Det var full rulle heile dagen på 5 banar, og det var full innsats frå knøtter, miniputter og lillegutt/jente frå dommaren blåste i gang første kamp og til finalekampen mellom Rindal og Molde var blåst av på tampen av dagen. Alle fikk sin personlig premie som eit minne frå Todalsdagen 2013, og i lillegutturneringa var det flotte lagpokalar til bronsefinalistane og finalistane. I samband med premieutdelinga var det tradisjonell fotografering.
Les heile saka
Tysdag den 25. juni arrangerte Surnadal Pensjonistlag busstur til Storlidalen. 42 deltakarar gjekk ombord i bussen på Skei og vart helsa velkomne av sjåfør Lars Olav Stenberg hos Stenberg Bussreiser. Veret var ikkje det beste, regna som berre det, men som det er sagt; «godt folk får godt ver». Det slo til denne gongen og. Da vi vel var komne over Kvennafjorden, på tur oppover Sunndalen, kom sola meir og meir fram.
Les heile saka
Søndag var det to barnedåpar i Todalen kyrkje og det var nærare 70 tilhørarar på den siste gudstenesta før ferien. I ferietida blir det inga gudsteneste i Todalen, og neste ordinære gudsteneste blir derfor søndag 18. august.
Les heile saka
Ræta opp var kanskje hovudattraksjonen under laurdagens todalsdag-arrangement. 104 deltakarar stillt på startstreken da ordførar Mons Otnes smelte av startskotet og løparane kunne sette kursen ut frå Bordholmen i retning Halset-ræta. Nokre sette på «full speed» heilt frå starten, og Halvor Drøpping gjorde runden på 11,59 og sette ny løyperekord. Men dei fleste tok livet med ro og bruka den tida dei trong. Og det var kanskje fornuftig, for premieringa var lagt opp til at ein skulle koma så nær idealtida som muleg. Og den vart i år 42,49.
Les heile saka
Det var knytta stor usikkerhet til laurdagens vêrmelding, men vêret vart mykje betre enn vi frykta. Det seier stemnegeneral Knut Bergli, som er glad for at Todalsdagen er gjennomført og han kan føye årets arrangement inn i rekkja av vellukka arrangement. Vi måtte nok tåle nokre regnbyger utover dagen, men ikkje verre enn at arrangementet kunne følgje tidplana som var oppsett og det var knapt ein einaste paraply å sjå på Bordholmen.
Les heile saka
Siste fredagskvelden før Todalsdagen det tid for å ta de siste skippertak før arrangementet blir blåst igang laurdag morgon. Men årets stemnegeneral Knut Bergli såg ut til å ha alt under kontroll, og var stolt over programmet han kunne presentere for årets Todalsdag. Fotball for dei minste står nok i høgsetet, slik som tidlegare år. Mellom tretti og førti lag stiller på Bordholmen i føremiddagstimane på laurdag. Alt kl 09.30 startar dei første kampane, og dei held ballen i gang til siste finalen kl 15.45. Men hovudattraksjonen blir nok mosjonsløpet «RætaOpp», der ordførar Mons Otnes fyrer laus startskotet kl 12.00.
Les heile saka
Kristian Gjeldnes har sendt oss nokre bilder som vart tatt på toppen av Ytre Sula ved midnatt 22. juni 2013. I forbindelse med midtsommar og den lyseste natta i året tok han turen til toppen av Sula.
Les heile saka
I sommar skal bygdebokkontoret ta bilde av heimane i Todalen for bruk i den nye bygdeboka. Fleire innbyggjarar har ytra ønskje om å få vita når fotografen kjem slik at dei kan få rydda opp kring huset eller måla ferdig før dei dukkar opp med fotoapparatet, skriv ansvarleg for prosjektet, Norunn Holten i ein epost til redaksjonen.
Les heile saka
Søya og Todalen skytterlag melder at det er tid for skyteprøve for storviltjegrar. Det foregår på lagets skytebane i Ranheimsvingen på Kvanne, og laget har sett opp følgande datoer for øveingsskyting og skyteprøve: 1/7 -15/7 – 22/7 – 29/7 – 5/8 – 12/8 – 19/8 – 26/8. Skytinga pågår i tidsrommet 18.00 – 20.00
I dag er det klart for presentasjon av årets programhefte for Todalsdagen 2013. Det er Knut Bergli som ghar vore redaktør for årets programhefte, og det er på heile 20 sider med redaksjonelt stoff om Todalsdagen og sjølv sagt annonsar frå mange og trufaste annonsørar. Det er Lillian Halle som har vore grafisk designer, og det vart ei stasesleg programhefte som no blir distribusert i postkassane lokal og som distribueres «world wide» via Todalen.no og facebook.
Les heile saka
