Todalen Idrettslag

Onsdag 5.august kl. 18:00 blir det ryddedugnad rundt ungdomshuset. Drift- og anleggsgruppa oppfordrer folk til å komme på dugnad og pynte opp rundt ungdomshuset. Ta med ryddesag, grastrimmar eller anna høveleg reiskap l Sommarfest!  

For å kompensere litt for inntektstapet for årets Todalsdag arrangerer Økonomi- og markedsgruppa i Todalen I.L. Sommar-lotteri. Lotteriet startar med førehandssal laurdag 1.august på Matkroken Todalen. Lotteriet har trekning måndag 31.august kl. 17:00 og vil bli kunngjort her på todalen.no, samt at vinnarane personleg kontakta.

Vi er kjent med at Sykehusklovnene på St. Olav Hospital vart tilgodesett med inntekta frå startkontingenten for Ræta Opp under Todalsdagen. Nå ønsker dei å takke Todalen I.L. for det økonomiske bidraget, og har sent takkekort til økonomiansvarlig Jenny Stensby.

Det har i lang tid vore planlagt dugnad på skihytta for å skifte bordkledning på austre vegg. Hyttevaktmeister T. A. Moe har lenge planlagt dugnaden, og fredag og laurdag drog dugnadsgjengen til fjells for å skifte veggen og få gjennomført litt anna nødvendig arbeid på Skihytta. Dugnadsgjengen var på 7 personar og dei gjekk opp tidleg på ettermiddagen fredag. Som alltid ved aktivitet på Skihytta så er planlegginga tima og tilrettelagt til minste detalj. Og denne turen var ikkje noko unntak! Sjølvsagt var det innlagt overnatting til laurdag med ein rikhaldig meny. Dugnadsgjengen vart delt i 3 arbeidslag.

Onsdag kveld var det igjen duka for sommar-fotball, sjølv om vèret bar meir preg av tidleg haust. 8 born møtte opp og hadde ei bra treningsøkt.

På årsmøtet i Todalen Idrettslag den 4.juni i år såg ei ny gruppe dagens lys, nemleg Økonomi- og markedsgruppa. Gruppa har slik samansetting: Leiar: Oda Halle, kasserar i hovudstyret Jenny Stensby, medlemmer: Ingunn Mikkelsen og Bjørn Gunnar Ansnes. Jenny Stensby og Oda Halle sit i eigenskap av sine rollar òg i hovudstyret i idrettslaget.

Med temperaturen stabilt rundt 30 grader, var det ikkje berre dei som var med på «Ræta opp» som vart godt oppvarma under Todalsdagen 2020. Men det skal meir til for å legge ein dempar for eit så allsidig og velsmurt arrangement som Todalsdagen som i år ikkje hadde fotballcup som ein del av arrangementet på […]

Da er alt klart for Todalsdagen 2020. Og her kjem årets avis med program og orientering om det som skal føregå på Bordholmen laurdag 27. juni.

Torsdag kveld var det duka for årets første friidrettskveld på Bordholmen. 8 ungar og mange vaksne var møtt opp for å hoppe lengde (med og utan tilløp), kaste ball og springe 60 og 400 meter. Sjølv om oppmøtet var litt labert, var innsatsen til dei frammøtte stor, og alle deltok på alle øvingane. Alle klar […]

Onsdag kveld var det fotball for alle som hadde lyst til å spelelitt ball i sommarvarmen. Rundt 10 gutar hadde teke fram fotballutstyret og møtte opp til litt uformell fotballspeling. Varmen gjorde at det ikkje var det store behovet for oppvarming, men litt oppvarming måtte til likevel. Etterpå var det litt pasningsspel og skottrening. Dei […]

Todalsdagen har eit godt rennome for maten del sel under Todalsdagen.  Når grillgjengen dreg fram storgrillen blir det litt av kvart av grillmat å få. I år vil nok dette bli litt forenkla, men vi skal vidarefør mykje av dette, seier Laila Kvendset Bergli i matkomiteen, som understrekar at det blir teke hensyn til eventuell smittefare både ved produksjon, salg og servering av grillmaten.

Torsdag 25.juni kl. 17:30 – 18:30 blir det friidrett på Bordholmen.

Det blir:

Lengdehopp med tilløp
Lengdehopp utan tilløp
Kast av liten ball
Springing: 60 og 400 meter