Todalen Idrettslag

Sidan «På tur i Todalen»-appen vart lansert 1. oktober er det akkurat no registrert totalt 5410 innsjekkingar på dei 25 turmåla som er med i «På tur i Todalen». Toåa tursti er det turmålet med desidert flest innsjekkingar, og i dag vart innsjekking nummer 2000 registrert i turstien. Toåa tursti er også eitt av Stikk UT!-vinter sine turmål, og her er det, sidan oppstarten 1. desember i fjor, registrert 267 innloggingar akkurat no. 

Tysdag 1. mars, frå klokka 17:30, inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den tida «Barn i løypa» går føre seg. Barne- og ungdomsgruppa serverer varm saft. 

Under søndagens konkurranse i vertikal var det Jonathan Albon som var raskast til topps på tida 24.14,9, medan gårdagens vinnar Vegard Øie kom på 2.-plass med 24:26.8 – eller 11,9 sekund etter. På tredjeplass kom Petter Engdal med tida 25:55.1.

Vegard Øie gikk til topps i laurdagens konkurranse i individuell på Kårvatn. Vegard leia næast frå start til mål, men fikk kamp heilt til målstreken av Jonathan Albon som kom i mål berre 6 tideler etter Øie.  – Spenning var også knytt til Erik Kårvatn på heimebane.  Han fikk ein fin 2.-plass, 2,42 etter Trym Dalset Lødøen i mål.

I helg går Kårvatn Skimo 2022 av stabelen, og sjølv om vêrgudane lagar utfordingar for arrangøren Trollheimen Fjellsportklobb så går arrangementet nærast som planlagt.  Gudmund Kårvatn fortel at løypemannskapet er i fullt arbeid med merking og rydding av løyper og skiftesoner.  Vêr og føretilhøva har gjort at ein må legge om løypene og unngå å bruke toppane, men heller bruke Dalalia i større omfang.  Med andre ord blir det to turar opp Dalaia i staden for topptur til Tydalsnebba, men det blir slett ikkje mindre krevjande, seier Gudmund.

Driftsstyret vinteranlegg og Trimgruppa i Todalen Idrettslag kan no tilby nypreparerte løyper og fine forhold i Toåa tursti og på Kvennset. Toåa tursti er eit av turmåla i «På tur i Todalen» og i «Stikk UT!-vinter». Ein registrerer seg ved å laste ned appane trimpoeng og Stikk UT! i appstore (Ipone) eller playbutikk (android).

Barne- og ungdomsgruppa i Todalen Idrettslag har dei siste dagane lagt is på skeisebanen på Bordholmen stadion. No er skeiseisen nypreparert og klar til bruk. Barne- og ungdomsgruppa ønsker difor alle velkomne for å gå på skeiser. 

Barne- og ungdomsgruppa i Todalen Idrettslag har kvar torsdagsveld «balleik» i gymsalen ved Todalen skule. Dei to siste torsdagane har oppmøtet vore litt påverka av koronasituasjonen og det faktum at somme har fått påvist smitte, men aktivitetsnivået og innsatsen til dei som har vore på «balleik», har likevel vore upåklageleg. 

Tysdag 15. februar, frå klokka 17:30, inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den tida «Barn i løypa» går føre seg. 

Todalen Idrettslag kaller inn til årsmøte 17. mars klokka 19:00 i Todalen ungdomshus. Vanlege årsmøtesaker. Forslag som skal handsamast på årsmøtet må sendast skriftleg til styret ved Michal Heimlund, på e-post: michalheimlund@gmail.com innen 2. mars. Den som vil seie frå seg verv, må gjere dette skriftleg til laiar i valnemnda, Elinor Bolme, på e-post: elinor.bolme@gmail.com eller mobil: 901 96 268, innan 2. mars.

Tysdag 8. februar, frå klokka 17:30, inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den tida «Barn i løypa» går føre seg.

Trimgruppa i Todalen I.L. arrangerte OL-kaffe i turstien søndag ettermiddag.  Det vart ein stor suksess, sjøl om Klæboe ikkje innfridde forventningene om OL-medalje i Beijing.  Elinor Bolme, som er leiar i trimgruppa fortalte at dei hadde servert kaffe og nystekte kanelsnurrar til 50-60 deltakarar som var møtt opp.