I kveld var det dugnad på Bordholmen stadion for å klargjere anlegget til Todalsdagen, som blir arrangert laurdag 2. juli frå klokka 10:00 og til eit godt stykke ut på ettermiddagen. Mange møtte opp for å vere med på dugnaden.
Kløpping, raking og bortkøyring av gras må til. Foto: Elinor Bolme
Ein del av dugnadsgjengane klipte graset på rundt kantane på anlegget og unde tribunane, slik at anlegget skal vere så fint som mogleg til laurdagen.
Kantslått. Foto: Elinor Bolme
Andre spadde opp mose og gras rundt plattingane og trapper, medan andre fiksa premiane til TodalsCupen 2022.
Det blir fine premiar til alle spelarane under TodalsCupen 2022 også! Foto: Elinor Bolme
Teltet vart også rigga og benkar henta og sett på plass, i fall det skal bli nedbør, eller aller helst, for å kunne søke litt ly i skuggen for sola!
Ballbingen blir klargjort til fotballcup. Foto: Elinor Bolme
Det vart også tid til litt rydding rundt om på anlegget og anne småtteri som måtte ordnast for laurdagen.
Kaffepause med litt å bite i høyrer med! Foto: Elinor Bolme
Det vart også tid til ein kaffepause med kaffe og skuffkake i finvêret!
Det trengs mange bord til Todalsdagen. Foto: Elinor Bolme
Litt assistanse må til. Foto: Elinor Bolme