Etter at vi i ettermiddag, med bakgrunn i ei pressemelding frå kommuneoverlegen i Surnadal kommune, skreiv at det ikkje var nye tilfeller av Covid19-smitta eller at det gjekk føre seg smittesporing i kommunen, har vi no klokka 21:14 fått melding frå kommuneoverlegen om at fem personar, heimehøyrande i Surnadal kommune, er sett i karantene. Bakgrunnen for at desse er sett i karantene er smittesporing som går føre seg i Kristiansund kommune, etter at ein person der har testa positivt på Covid19. 

Les heile saka

Det er per no ikkje påvist nye Covid19-smitta i Surnadal kommune, og det er som følge av dette ingen pågåande smittesporing no rett før jul, opplyser kommuneoverlegen i ei pressemelding no på ettermiddagen. I pressemeldinga seier kommuneoverlegen følgande: «Det går mot ei etterlengta julefeiring for store og små. Håpet er at vi skal kunne møtast i trygge rammer og halde avstand, samtidig som vi har det triveleg i lag med våre nermaste».

Les heile saka

Søyaposten 2020 er komen. Her blir alle årsrapportane for Søya/Todalen sine fotballag i 2020 presentert. Ein «liten» glipp gjer at Søya/Todalen G9/10 sin årsrapport ikkje har blitt med i årets utgåve av Søyaposten. Dette er slikt som kan skje. Som eit lite «plaster på såret» så presenterer vi årsrapporten til G9/10 her. 

Les heile saka

21. desember er det nøyaktig 30 år sidan vi benka oss rundt Norge Rundt for å sjå kjentfolk gi liv til karakterane i Vangsgutane.  Lite viste vel resten av Noreg at butikken som Eirik Husby går inn i for å finne juleheftet i bladhyllene ikkje var sjølvaste «bua» til handelsmann Nordvik. Hals eft. hadde nemleg […]

Les heile saka

Frå Jo Gjeldnes på vegne av styret i Todalen idrettslag har vi fått beskjed om at Hett og Svett,  held stengt frå 22.12-03.01. Dette pga betre føre var prinsippet med tanke på smittespreiing og dei krava som er med renhold.

Les heile saka

Den spesielle situasjonen vi er i med tanke på fare for koronasmitte midt oppi juleførebuingane har biskopen i Møre – Ingeborg Midttømme – oppfordra alle som har mulegheit til å synge «Deilig er jorden» i dag kl 16.  Bernt Bøe tok utfordringa og mobiliserte mange av P17 og fleire til på kort varsel og fikk til flott korsang utafor Åsskard-kyrkja søndag ettermiddag. Eva Jorid Svendsen sørga for filming.  Bla vidare så får du sjå og høyre korsongen!

Les heile saka

Før jul og i romjula er det gjort nokre justeringar på opningstida va Matkroken Todalen.  Vi har laga ein oversiktder du ser opningstida dag for dag – både før jul og i romjula og nyttårshelga. I jula er det to dagar at butikken er heilt stengt – 1. juledag og 1. nyttårsdag. Legg merke til at det er justerte opningstider enkelta dagar og nokre dagar er det kioskope.  Bla om så finn du heile tabellen…

Les heile saka

Todalen Sokneråd opplyser at det framleis er ledige plassar til julekveldsgudstenesta i Todalen kyrkje klokka 14:00. På grunn av Koronasituasjonen må alle som ønsker å komme til kyrkja julekvelden melde seg på, og det er plass til berre 50 personar. Så om du ikkje har meldt deg på endå, men har tenkt deg til kyrkja denne kvelden, så er det altså framleis ledige plassar.  

Les heile saka

På grunn av Koronasituasjonen arrangerer juletrefestkomiteen på Nordvik rebusløp i staden for den tradisjonelle juletrefesta i år. Rebusløpet blir arrangert laurdag 26.desember. Rebusløpet har start ved Nordvik forsamlingshus mellom klokka 12:00 – 14:00. Juletrefestkomiteen skriv at dei vil sende av garde små grupper/familiar om gongen slik at folk blir mest mogleg spreidd under rebusløpet. 

Les heile saka

Vintersolkverv er det tidspunktet på året at sola står lågast i forhold til horisonten. Dette skjer den 21. eller 22. desember og varierer i forhold til skottåret.  I år er vintersolsnu måndag 21. desember, og det nøyaktige tidspunktet er kl 10.02 UTC.  Dermed er natt til måndag årets lengste natt og måndag er årets kortaste dag.  Det monner ikkje så mykje de første dagene, men etter kvart så stig daglengda med 6 minutt kvar dag her på Nordmøre.

Les heile saka

I løpet av hausetn har 12 ungdommar i alderen 10 – 12 år frå, Surnadal og Sunndal kommunar, hatt «Workshop» i keramikkarbeid i regi av Brit Dyrnes frå Kvenna Kunstverksted. I løpet av hausten har ungdommane fått lære å arbeide med ulike teknikkar innafor keramikkhandverket sitt utrulege univers. Maria K. Bergli (12) og Selma S. Gjeldnes (11) representerer Todalen på keramikkutstillinga «Kunstnere in spe» i Bondehuset i Stangvik i helga. Utstillinga opna i dag kl. 13:00, og vil vere open òg i morgon, søndag 20.desember, mellom klokka 13:00 – 15:00. 

Les heile saka

Bading i elva er vel ikkje akkurat det første ein assosierer adventstida med? Men på Kårvatn var det i ettermiddag heile 15 grader, og freistinga, for å ta eit forfriskande bad, vart for stor for Gudmund og Nora. Så dei iførte seg badeklede og hoppa ut i elva. Om det var behageleg temperatur i elva tvilar vi vel eigentleg på, men dei to påstod i alle fall at det var godt med ein dukkert i elva. 

Les heile saka