Foto: Jo Gjeldnes
Hopp under nyhetssakene

Stangvik Historielag

Styret/ tillitsvalde i Stangvik Historielag 2024

Leiar:                          Einar Grønnes
Nestleiar:                   Marit Haugen
Kasserar:                   Lars Gudmund Røen
Sekretær:                   Erling Myrbostad
Styremedlem:           Rolf Smisetfoss
Varamedlemmer:     Anny Haugen og Torbjørn Polden
Revisorar: Oddvar Kvande og Anders Nordvik
Tilsyn Steinløa: Bjarne Holten og Sverre Ranes
Valkomite: Solvor Røen (leiar), Ivar Melkild, Per Haugen

Skriftstyre:
Marit Haugen
Torbjørn Polden
Lars Steinar Ansnes
Berit Anne Røkkum
 

Først publisert: 1. mai 2013, 23:47 - Sist oppdatert: 1. mars 2024, 15:42

Nyheter knytta til Stangvik Historielag

Tur til Steinløa

Marit Haugen Sundag 14. august 2022

Laurdag 13. august innviterte Stangvik Historielag til fellestur til den nyrestaurerte steinløa som ligg på Steinslettet, ei fin slå i øvste lia opp mot Svarrafjellet, på Østbødalssida. Den ligg omtrent rett opp for Konntrøa, det var Konntrøfolket som slo her, og det er etterkommarar etter Lars i Konntrøa som no er eigarar av grunnen der løa står.


Friska oppatt historia om vegane i Åsbøhauan, med avslutning i Sjøtrøa.

Jon Olav Ørsal Måndag 6. juni 2022

Det er tydeleg at vandring i lokalhistoria er populært for folk som har levd ei stund. Denne gongen var det vegane i Åsbøhauan og innover til Sjøleet, og vidare ned til Sjøtrøa som var tema da Nordvik Grendalag, Stangvik historielag og Todalen historielag inviterte. I det fine vêret var det rundt 50 deltakarar som møtte ved Åsbøsommarfjøset, for å bli med på vandringa som starta i Åsbøhauan, og gjekk etter gammelvegen opp til Åsbøen


Nytt årsskrift: Stangvik historielag er klare for sal

Jon Olav Ørsal Tysdag 7. desember 2021

Den som har venta på detnye årsskriftet frå Stangvik historielag, har ikkje venta forgjeves. I dag dumpa det i postkassen her i redaksjonen, og vi er imponert over både breidde i stoffet og mykje interessant lesnad i det 72-siders heftet – både gamalt og nytt stoff har kome med.


Bondehuset i Stangvika 100 år

Dordi Jorunn Halle Laurdag 22. mai 2021

Det store og ærverdige forsamlingshuset i Stangvika, Bondehuset, vart bygd for 100 år sidan. Dette jubileet blir markert 2. pinsedag med variert program i Stangvika.


Vellukka årsmøte i Stangvik historielag

Dordi Jorunn Halle Tysdag 25. februar 2020

Måndag kveld, 24. februar hadde historielaget sitt årsmøte i klubbhuset til i.l Søya ved Søyabanen. Vi var litt spente på oppmøtet – snøen hadde lava ned til langt utpå dagen – men gav seg heldigvis til kvelds.


Årsmøtetid for Stangvik historielag – møteinnkalling

Jon Olav Ørsal Måndag 24. februar 2020

Stangvik historielag minner om årsmøtet i kveld.
Stangvik historielag kallar inn til årsmøte i klubbhuset på Søyabanen måndag 24. februar kl 19:00.  På saklista står vanlege årsmøtesaker, og presentasjon av budsjett og aktivitetsplan for 2020.
Frist for å koma med forslag til saker som skal takast opp på årsmøtet, er 14. februar 2020, til leiar Einar Grønnes. Etter årsmøtet blir det orientering om restaureringa av steinløå oppi Svarrafjellet, og sjølvsagt kaffepause og litt traktering.  Bla vidare for å sjå saklista…


Stor interesse for bok 3 i serien «Under Skarfjellet»

Dordi Jorunn Halle Fredag 29. november 2019

Forfattarane Torbjørn Polden, Lars Steinar Ansnes og Erling Myrbostad har gjennom 12 år samarbeidd om å gi ut bøker med utgangspunkt i lokal historie knytt til Eidet og Lykkjebygda der karane voks opp. I alt har det vorte fem bøker. Torsdag kveld var det bokslepp for «Under Skarfjellet» – bind 3. Da har dei produktive forfattarane gjeve ut 3 bøker i løpet av det siste året! «Men det blir ikkje tre nye bøker neste år,» slo Lars Steinar Ansnes fast.


Bokslepp for «Under Skarfjellet 3»

Jon Olav Ørsal Måndag 25. november 2019

Torsdag 28. november kl.18.00 inviterer Stangvik Historielag til bokslepp i forsamlingshuset Myrvang. Her vil forfattarane Erling Myrbostad, Torbjørn Polden og Lars Steinar Ansnes presentere den tredje og siste boka i serien «Under Skarfjellet».


Kulturdag på Årnes – med tur til Øversetra på Hamnes.

Marit Haugen Måndag 2. september 2019

Eit 30-tals personar var samla utafor Hamnesvikan sist laurdag for å delta på siste post i årsprogrammet for Stangvik Historielag, eit samarbeid mellom Hisorielaget og Turstigruppa på Årnes. Før vi starta orienterte Svein Aarnes om turen opp skogsvegen, som var nyrydda heilt opp til den gamle seterstølen. På Hamnes hadde dei tidlegare to setrer, Nersetra og Øversetra. På Nersetra setra dei til 1940, men på Øversetra tok setringa slutt tidlegare.


Bli med Stangvik historielag på historisk vandring

Jon Olav Ørsal Tysdag 27. august 2019

Tur til Øversetra på Hamnes laurdag den 31. august, med oppmøte ved Jørristufjøset på Årnes kl 11. Parkering blir anvist, og ein kan samkjøre herifrå til startstedet på Hamnes. Turen blir arrangert i samarbeid med turstigruppa på Årnes.


Med Stangvik Historielag til Storsetra og Torviksetrene

Marit Haugen Sundag 11. august 2019

Dagen kom med opp mot 20 varmegrader, landvind og opphaldsver da Stangvik Historielag arrangerte tur frå Stangvika om Storsetra og til Torviksetrene. Ca 15 stk møttes på Storsetra for å gå den nyrydda og nymerka ruta over mot Torviksetrene. Før vi gjekk vidare, fekk vi høre litt om historia til Storsetra. Det gamle seterskjelet brann opp etter lynnedslag den 22. juli 1954, og dermed vart siste året for setring her i 1953.


Historielagstur til Storsetra og Torviksetrene.

Jon Olav Ørsal Tysdag 6. august 2019

Vi minner om turen som Stangvik Historielag arrangerer førskomande laurdag, den 10. august. Alternativ for start på turen kan vera ved Skjersåa innafor Rønnan, ved bommen for skogsbilvegen som går utover Stangvikliene, eller ein kan kjøre utover denne vegen (bomavgift kr 50,-) til ein ser skiltet STORSETRA på høgre side av vegen.