Denne veka arrangerer Surnadal Teakwondoklubb sommarleir i Surnadal med rundt 400 deltakarar. Sjølv om mykje dreier seg om teakwondo desse dagane, så har arrangøren også lagt til rette for mange andre aktivitetar deltakarane kan delta på. Vi kan nemne strikkekaffe hos Design by Marte Helgetun, Østbødalen gym og favntak, tur på Reiret i Todalen og omvisning med servering på Todalshytta.
Les heile saka
Onsdag var Per Ørsal på moltetur i området ved Snekkardalshalsen, og der rett i lyngen utafor stien fann han denne hundselen som nokon hadde mista. Den låg litt nedafor stien som går frå Snekkardalshalsen og innover Snøfjellet i retning Midtryggen/Bjøråskaret. Per tok den med ned, og søker no etter eigaren, og har lagt den inn på Matkroken i Todalen etter som han bur i Molde.
Les heile saka
I ei pressemelding frå Todalen Meieri blir det informert om at selskapet er i forhandlingar med Surnadal kommune om å overta bygningsmassen til Todalen skule. Plana vidare er å etablere verksemda til Todalen Meieri der. Dei har lege i startgropa for å etablere meieriverksemda i eigne lokalar heime i Utigarden på Kvennset – no kan planane bli endra. Lokala til Todalen skule har stått tomme sia skulen vart nedlagt i 2021.
Les heile saka
I går starta Fjellgruppa i Surnadal Pensjonistlag haustsesongen med tur til Liagarden. – 15 spreke fjellfolk møttest for fjelltur, fortel Kristian Ranes i Fjellgruppa.
Les heile saka
Stavganggruppa i Surnadal pensjonistlag startar haustsesongen med stavgangtur til Krokvatnet torsdag 3. august klokka 11:00. Oppmøte ved Dønnem bedehus for samkøyring.
Les heile saka
Under familiedagen i Bondehuset var det forskjellige aktivitetar og utstillingar både ute og inne.
Les heile saka
Tida etteer raset i 2013 vart det lagt ut mange nyheitssaker her på Todalen.no. Sakene ligg framleis på Todalen.no i arkivet for juli og august 2013, og kan hentast fram i dagen dersom du har lyst til å friske oppatt det som skjedde på den tida. Vi har lagt alle linkane på denne sida for å gjera det enkelt for deg som lesar – attafor linken ligg datoen da sakene vart lagt ut og denne høyrer sjølvsagt ikkje til linken.
Les heile saka
På denne datoen i 2013 gjekk det store raset uti Stranda. Det tok med seg både straumnettet, vegen og mykje skog – og dermed var bygda totalt isolert frå omverda nokre dagar. Dette gjorde at utfordringane stod i kø – vi som var «innestengt» måtte finne nye løysingar og improvisere på mange felt.
Les heile saka
Under familiedagen i Stangvik 28. juli var det også opning av kunstutsillingar i «Galleri Bondehuset». To av kunstnarane der var Brit Dyrnes og Jørgen Moe.
Les heile saka
Ellen Magritt E. Skogrand hadde fredag ein fin topptur til Snøfjellet via Bjøråskaret. På turen nedatt mista ho tursekken sin, ein blågrøn Bergans sekk. Ho mista den på venstre side ved det partiet der ein må klatre mellom to steinar.
Les heile saka
Oda Halle hadde mange hjelpande hender da ho inviterte slekningar til slåttonntreff. Det vart sett opp ei hesje nærast som eit demo-prosjekt, der vidareføring av konpetanse var ein del av prosjektet, medan den sosiale biten som ligg i å treffast og gjera ting i lag var ein like så viktig del.
Les heile saka
Stangvik Grendalag og Stangvik Historielag inviterte fredag 28.juli til kunstvandring langs «Den Trondhjemske postevei». Og ikkje mindre enn 150 personar var med på vandringa frå Vang til Bondehuset i Stangvika.
Les heile saka