Todalen Idrettslag

Yr melder om ein stabil kald vêrtype, utan nedbør den komande 10-dagersperioden.  Med stabil søraustleg vindretning mellom 1-3 m/sek  vil det atter alt å dømme bli stabilt vintervêr her i området.  Etter vêrmelding å dømme vil det bli temperaturar frå minus 2-3 og nedover til minus 5-6 grader – eller kanskje litt kaldare.

Økonomi og markedsgruppa i Todalen Idrettslag melder at det framleis er nokre thermodrikkeflasker att for sal. Om du er interessert i å kjøpe, kan du ta kontakt med:

Ingunn Mikkelsen, på telefon: 918 29 206 eller
Jenny Stensby, på telefon 416 24 991 

Jula 1991 fekk Jo Gjeldnes eit rosa klatretau med sele av Gunnar Nordvik til jul. Det vart starten på ein luftig hobby. Gunnar hadde sjølv allereie klatra litt og hadde teke fleire kurs, både i klatring og sikring. Frå etterjulsvinteren 1993 tok han med seg Jo Gjeldnes, Rune Halset, Gudmund Kårvatn og Ingvild Kårvatn, på klatring rundt om kring. På vinteren var det klatring innomhus i Surnadal og Rindal. Når våren kom vart klatringa flytta utomhus. Gunnar fekk laga klatreveggar på vestveggen på redskapshuset på Bordholmen og på siloveggen på Kårvatn. Her fekk Jo, Rune, Gudmund og Ingvild lære både å klatre, og ikkje minst å sikre kvarander under klatringa. Frå våren og utover vart klatringa flytta til forskjellege fjellveggar, og vart både luftigare og ikkje minst meir utfordrande. 

Etter fleire dagar med mykje god mat og lite fysisk aktivitet er det godt å kome seg ut i frisk luft og kanskje få litt trim.  I år er det nok mange som også føler behov for å ha litt sosial kontakt med andre enn berre de «indre krets» i familien.  Romjulsmarsjen er det einaste arrangementet i Todalen denne jula, men også den er litt amputert og tilpassa pålagt smittevern etter beste evne.

Frå anleggsleiar på Tjønnmyra, Ståle Ansnes, har vi fått opplyst at det no er nypreparerte løyper i lysløypa på Tjønnmyra. Han seier det er kjempefine forhold og at sporet er som «trikkeskinner». Så da skulle det vere skikkeleg fine forhold for ein skitur no i romjula. 

Søyaposten 2020 er komen. Her blir alle årsrapportane for Søya/Todalen sine fotballag i 2020 presentert. Ein «liten» glipp gjer at Søya/Todalen G9/10 sin årsrapport ikkje har blitt med i årets utgåve av Søyaposten. Dette er slikt som kan skje. Som eit lite «plaster på såret» så presenterer vi årsrapporten til G9/10 her. 

Laurdag 19.desember mellom klokka 10:00 – 15:00 vil Økonomi og markedsgruppa i Todalen Idrettslag vere på Matkroken Todalen for å selge sine nye 0,5 liter thermo drikkeflasker. Flaskene har idrettslaget sin logo i farger og kostar kr. 150,-. Det vil vere mogleg å betale med kontantar og med Vipps. Vippsnummeret er 105468. 

Sidan det vart lagt is på Bordholmen for snart to veker sidan har det vore stor aktivitet både på og utanfor isen. Det er Knut Bergli og Finn Ranes frå Barne- og Ungdomsgruppa i Todalen Idrettslag som har hovudansvaret for isprepareringa, ein jobb dei skjøttar til fulle. Ungar i alle aldrar har dei siste to vekene kosa seg med ishockey og skeiser. 

Todalen Idrettslag sender i desse dagar ut Medlemsinfo til sine medlemmer. Dette kjem i postkassen i løpet av helga. Her ber idrettslaget alle medlemmer om å sende inn epostadressa si. Dette for å lette arbeidet med å sende ut medlemsinformasjon og medlemskontingent. Så idrettslaget håper på god respons frå sine medlemmer på dette! Medlemmer som bor utanfor bygda blir spesielt oppfordra om å registrere epostadressa si!

Knut Bergli i Barne- og Ungdomsgruppa i Todalen Idrettslag informerer om at det frå klokka 14:00 i ettermiddag blir mogleg å gå på skeiser på Todalen Idrettslag sin skeisebane på  Bordholmen stadion. 

Anleggsleiar for lysløypa på Tjønnmyra, Ståle Ansnes, fortel at løypetraseen no er tråkka, men at det ikkje er køyrt på spor endå. Grunnen til dette er at det ikkje er nok snø endå til å gjere det, men det er snø i heile traseen og fine forhold for ein skitur. 

Friluftsråda for Sunnmøre og Nordmøre og Romsdal kjem no med eit nytt Stikk UT!-opplegg, nemleg vinterfotturar. Det kjem i tillegg til Stikk UT! Ski, det er spennande for det er slett ikkje stabilt skiføre heile vinteren i fylket vårt. På Nordmøre er det berre 3 kommunar som er med på Stikk UT! vinterfotturar, nemleg Sunndal, Smøla og Kristiansund. Men det blir Stikk UT! ski i Surnadal.