Torsdag kveld tok Søya/Todalen sitt G9 lag turen over Stangvikfjorden til Ålvundfjorden for å spele seriekamp mot Kvass/Ulvungen på Ålvundfjord stadion.
Stor innsats frå båe lag. Foto: Anja Nordvik
Det var heimelaget som kom best i gang i kampen og styrte det meste av spelet dei første minutta av kampen. Bortelaget kom etter kvart til «hektene» og det vart etter kvart ein jamspelt kamp.
Jamspelt kamp. Foto: Anja Nordvik
Båe laga produserte mange store målsjansar, og nokre av dei vart omsett i teljande resultat, så det var ein underhaldande kamp for alle på sidelina.
Båe lag skapte mange sjansar. Foto: Anja Nordvik
Rapportane fortel at bortelaget spela ein bra kamp med godt spel og god innsats frå alle spelarane.
Søya/Todalen med ein stor sjanse. Foto: Anja Nordvik
Sluttresultatet vart, som kampen elles, ganske jamt!
Takk til Anja Nordvik for informasjon og bilete!