Todalen Idrettslag

Trimgruppa i Todalen Idrettslag lanserer, onsdag 26.mai klokka 18:00, sykkeltrim. Sykkeltrimmen er eit lågterskel-tilbod som passar for alle i alle aldrar og uanhengig av utstyr. Trimgruppa tek sikte på å ha sykkeltrim den siste onsdagen i kvar månad fram mot hausten/vinteren. 

Torsdag kveld spela Søya/Todalen sitt G9 lag sin første heimekamp på Søyabanen denne sesongen. Tidlegare har laget spela ein bortekamp mot Tingvoll. På den andre banehalvdelen hadde heimelaget fått besøk av Bøfjord/Bæverfjord, så dette var eit «klassisk» lokaloppgjer. 

Trimgruppa i Todalen Idrettslag inviterer til dugnad og «bli kjent» tur til Jabenken på Flathauan onsdag 19.mai klokka 18:00. Trimgruppa treng folk til å hjelpe til med å bere opp materialar til sitteplassar ved bålgropa. I same slengen inviterer difor Trimgruppa til ein fellestur opp til det fine utkikkspunktet i Petlia. 

Todalen Idrettslag melder at Hett & Svett vil vere stengt på Nasjonaldagen. Så denne veka blir det ope på Hett & Svett onsdag 19. og fredag 21.mai. Neste veke held Hett & Svett ope  som vanleg, altså måndag 24, onsdag 26 og fredag 28.mai.  

Da er 17.mai programmet for Todalen 2021 klappa og klart. På grunn av gjeldande smittevernreglar blir feiringa i år òg tilpassa dette. Tradisjon tru blir det biltog og gudsteneste. Feiringa tek til med flaggheising og song på Matkroken klokka 11:00. Umiddelbart etter flaggheisinga startar biltoget. 17.mai-komiteen oppfordrer alle til å møte i god tid før flaggheisinga. 17.mai-komiteen vil vere tilstades og dirigere trafikken og organisere biltoget.  

Da er Stikk UT!-koden for sesongen 2021 på plass på Tjønnmyran. Stikk Ut!-kontakt i Surnadal, Norunn Holten, melder at det opna for registrering av turar i rundturen om Tjønnmyran 13. mai.

I går kveld var det dugnad i Toåa tursti. Mange hadde møtt opp for å hjelpe til, så alt som skulle gjerast vart ferdig på snaue halvannan time. Det vart køyrt på grus rundt gapahuken ved Båthølen. Det er no grusa opp, slik at det er lett å kome inn på platten ved gapahuken med rullestolar og barnevogner. 

Torsdag gjorde Per E. Gjeldnes Maskin ferdig siste parsell av Toåa tursti. Fram til no har det vore ein omlag 200-250 meter lang smal grus-sti som stod att før turstien kunne reknast som heilt ferdig. No har altså denne parsellen òg fått same universelle utforming som resten av turstien, frå gapahuken ved Båthølen og nedover til Hallsetbrua. Den universele utforminga gjer at òg folk med rullestol og barnevogn no kan bruke heile turstitraseen og dermed få full glede av Toåa tursti.  

Måndag 10.mai klokka 18:00 blir det arrangert dugnad i Toåa tursti ved Båthølen. Per E. Gjeldnes Maskin har levert eit gruslass som mellom anna skal brukast for å betre tilkomsten til platten for rullestolbrukarar. Resten av gruslasset skal brukast på forskjellege områder rundt gapahuken i Båthølen. Det skal og takast ned nokre tre langs turstitraseen.  

Måndag kveld hadde både Søya/Todalen J9/10 og G9 trening på Bordholmen stadion. Det er Jens Nervik og Ole Martin Øyen som er Trenarar for J9/10 laget, medan Jostein Kvendset er trenar for G9/10. Båe laga har hatt fleire treningar, og neste veke tek kampane til. 

 1. mai er  startdato for StikkUt-aktivitetane over heile fylket.  Laurdag var det parkert mange bilar på parkeringsplassen til Arboretet, og det vart nok ein flying start for det flotte turmålet som Svinviksrunden er. Vi var innom og logget oss på og fikk prøve den nye og oppdaterte appen, som fungerte bra og gjorde det lettvint å logge seg på og registrere besøk. 

I går kveld hadde Todalen Idrettslag eit smitteverntilpassa  årsmøte. Det var 16 medlemmer som hadde møtt opp for å vere med på årsmøtet. Årsmøtet valde Michal Kalseth Heimlund som ny leiar etter Nils Ove Bruset, som ikkje tok attval, etter å ha vore leiar i 3 år. Aktiviteten i idrettslaget vart, som så mykje anna i samfunnet, råka av koronpandemien i 2020, men har trass i dette greidd å halde eit ganske bra aktivitetsnivå, spesielt for barn og unge.