Todalen Bondelag

Todalen Bondelag samla over 200 til open gard i Viastua sist søndag. Både bygdefolk og utebygds frå kom publikum for å sjå det nye fjøset og for å sjå korleis livet på ein moderne gard artar seg med både dyr og tekniske innretningar. Vertskap var Ola Kvendset og kårfolket Wenche og Gudmund Kvendset som hadde litt av kvart å vise fram og fortelje om til publikum.

Søndag mellom kl 12 og 16 inviterer Todalen Bondelag til open gard  i Viastua, med Ola Kvendset og familie som verstskap. ”Open Gard” er landbruket sitt årlege familiearrangement, og bondelagets viktigaste døropnar mellom landbruket og resten av befolkninga. Denne dagen opnar Ola døra til det nye lausdriftfjøset, og her vil du nok få sjå at roboten […]

Bjørn Kvendset har sauene på fjellbeite på sørfjellet. Majoriteten går oppe i Kjerringa, men det er spredning frå Vassnebba til Veltet på flokken som i år tel 170 dyr, med smått og stort. Dei siste vekene er rundt 110 dyr komne att frå fjellbeite av seg sjølve. Bjørn var litt usikker på kva som var årsak til det, men han trur det er dårleg vêr og dårleg beite – og ikkje rovdyrproblema som er direkte årsak til det. Med den fine og tørre sumaren er beitet alt skjemt – graset er brunt i fjellet, og da fristar nok dei grøne ekrene heime meir.

Sist det var open gard i Viastua, var arrangementet ein del av Todalen idrettslags 100-årsjubileum i 2008. Sia den gongen har det skjedd mykje i Viastua, sist med utbyggjing av fjøset og installering av mjølkerobot i perioden 2011 til 2013. No er det Ola Kvendset som er eigar og drivar, og Gudmund og Wenche er kårfolk. Open gard er eit arrangement i regi av Todalen Bondelag. 

I fjøset hos Ola Kvendset i Viastua er det kø for å kome til verda i sommar. I løpet av eit par månader er det eit 30-tals kalvar som skal sjå dagens lys, og det er alt no kome 6 som er komne oppi samlebingen. Med andre ord er det ganske konsertrert kalving denne pereioden og hektisk for Ola som skal være «jordmor» for dei fleste.

Det er mesta rekordtidleg, men denne veka har dei fleste kome igang med førsteslåtten. Ei kjapp runde rundt bygda viser at det er full trøkk på mannskapet som er engasjert i slåttearbeidet. I fjor var det mange som hadde berre middelmådige avlinger, men i år ser det bra ut, sier Asbjørn Karlsen til Todalen.no.

Tysdag var dei første lamma på plass i Viastua. Kårkall Gudmund Kvendset var rutinert fødselhejelpar, da tre små lam kom til verda og dermed starta lammingssesongen. Litt for tidleg var dei nok, men dei var velskapte og sunne, og i kveld var det kamp om dei to spenane til mora. I Viastua har dei eit 20-tals lamsauer i år, og ventar nok 40-50 lam i løpet av påska og utover våren.

Fredag morgon auka innbyggjartalet dramatisk i Hallagrenda. Det kom nemleg 7500 nye verpehønder, som flytta inn i hønsehuset i Pestua. I dag tidleg svinga dyretransporten til Arne og Andreas Salte inn på gardsplassen, og da stod lossegjengen klar til å ta i mot og plassere dei nye hønene i nyvaska og desinfiserte bur. Her skal dei bu til dei er 76 veker, og så må dei ut igjen.

Todalen Bondelag og Surnadal Bondelag i samarbeid med Surnadal Sparebank og Surnadal kommune arrangerer 7. februar Landbrukskonferanse på Surnadal kulturhus. Dette er den 4. konferansen som vert arrangert sidan oppstarten i 2007.

I neste veke arrangerer Surnadal Sparebank og Surnadal kommune Landbrukskonferansen 2014, saman med Todalen bondelag og Surnadal bondelag. Det skjer på Surnadal kulturhus fredag 7. februar, og har eit rikhaldig og aktuelt program. Konferansen startar kl 9.30 og går fram til kl 15.30. Dei kan by på mange interessante foredraghaldarar gjennom dagen, berre avbote av ein lunchpause under vegs.

Når du mister nærare 1/4 av besetninga på beite er det dramatisk! Det er Ola G. Kvendset som seier dette til Todalen.no. Ola tok over drifta av heimgarden Viastua fra 1. juli i år, og opplever at 17 av dei 83 spelsauene som vart sendte på sommarbeite i Kvennsetdalen/Lauvåfjellområdet blir borte. Han hadde lenge håp om å finne att fleire, men må nok innsjå at håpet svinner. I så fall er det over 20 % av besetninga som er borte. Dei fleste tapa er nok knytta til rovdyr, for vi finn ikkje kadaver. Det er nok eit sikkert tegn på at jerven har herja i saueflokken, seier han. I Viastua var det liknande tak i fjor, og Ola seier at slik går det ikkje an å fortsette.

Tett attmed vegen i Hallagrenda «skyt det til vers» eit nybygg. Det var Eivind Grønmyr som var i full aktivitet med nytt postkassestativ for bebuarane i Hallagrenda, og den blir bygd etter mønster av dei gammeldagse mjølkerampane som i si tid stod ved vegkanten. Det gamle postkassestativet på Halla gikk overende i ei landvindskule for nokre år sia, og i mellomtida har eit enkelt stativ gjort sin nytte.