Foto: Jo Gjeldnes
Hopp under nyhetssakene

Todalen Bondelag

Etter årsmøtet i 2020 er tillitsverva i laget fordelt slik:

Leiar:                Stine Grytskog Ramsøy   Epostadresse: stine.grytskog@gmail.com
Nestleiar:         Olav Halle 
Sekretær:         Cathrine L. Kårvatn 
Kasserar:         Ola Haugen Ansnes
Studieleiar:     Asgeir Longva 
 
Først publisert: 19. november 2009, 16:13 - Sist oppdatert: 29. november 2020, 11:24

Nyheter knytta til Todalen Bondelag

Sjå etter sauer og lam

Sjå etter sauer og lam

Jon Olav Ørsal Onsdag 3. oktober 2012

Sjå etter sauer og lam dersom du er på fjelltur, oppfordrar Gudmund K. Kvendset. Sjølv har han framleis 20 lam borte, og eit av lamma har han sett på Lauvåfjellet. Nærare bestemt på Romålihøgdin var lammet sist observert. Gudmund hadde eit hundretals sauer og lam på beite i området Kvennsetdalen/Lauvåfjellet, og eit tap på 20 dyr er nok langt frå akseptabelt.

Les heile saka

Nyfødd "Halling"

Nyfødd "Halling"

Jon Olav Ørsal Sundag 24. juni 2012

I morgontimane i dag vart det oppdaga at det har vore kalving i beita ovafor Husby. Det er Olav Halle som leiger beite her, og det går 5-6 kyr her som etter kvart skal kalve. Men ein av kalvane hadde det litt travelt med å kome til verden, og det har nok skjedd i løpet av det siste døgnet. Det var Jon Husby som oppdaga den nye krabaten, og kva er vel meir naturleg enn at den nye oksekalven da får namnet "Jobus"? Det er iallfal vårt forslag.

Les heile saka

Siloslåtten har starta

Siloslåtten har starta

Jon Olav Ørsal Måndag 11. juni 2012

Det er knappe to veker til St. Hans og klart for slåttonn. Todalen Samdrift er som vanleg tidleg ute og er alt  komene igang med siloslåtten. Ståle Ansnes fortel at det har vore gunstige vilkår for grasvoksteren og at det er bra avlingar. Dei starta på slåtten på leid grunn i Brusetnesset, med Kristen Bruset […]

Les heile saka

Så blir det tak på fjøset

Så blir det tak på fjøset

Jon Olav Ørsal Onsdag 16. mai 2012

Vi har tidlegare skrive om utbygginga av fjøset i Viastua. Onsdag var snekkarane frå Vibo i full gang med montering av takstolar på den nye delen av fjøset etter at nye elementveggar er sett opp tidlegare i vår. No skal snekkarane frå Vibo fullføre jobben med utvidinga av fjøset, som skal væra klart til å takast i bruk når kalvinga startar for fullt i juli.

Les heile saka

Årets lam – sesongpremiere

Årets lam – sesongpremiere

Jon Olav Ørsal Fredag 6. april 2012

Så er saulamminga igang! Det første lammet kom i dag tidleg i Viastua, der Gudmund kvendset var på plass for å ta i mot. Førstefødte var til alt overmål eit svart bekkerlam med kvit pannelugg. I Viastua har dei 30 lamsauer i år, og ventar at mellom 60 og 70 lam skal kome til verda i løpet av 2-3 veker. Det starta forsiktig med eit lam i dag tidleg og eit til kom seinare på dagen.

Les heile saka

Kort i nakken og fyldig ved ørene

Kort i nakken og fyldig ved ørene

Jon Olav Ørsal Tysdag 6. mars 2012

Snart er det tid for vårens vakraste eventyr som er saulamminga. Men før den startar er det tid for sauklipping, og med vinteren på hell og våren anmarsj er det nok mange som no er i gang med dette arbeidet. Gudmund Kvendset i Viastua starta jobben i dag, og sjølv om han egentleg hadde avslutta dagen, så vart nr 6052 avbroten midt i kveldsmåltidet for å vera fotomodell. Men det var fort overstått og etter nokre minutt var det overstått.

Les heile saka

Tradisjon med lunsj

Tradisjon med lunsj

Dordi Jorunn Halle Tysdag 14. februar 2012

Todalen Bondelag har ein fin og god tradisjon: Kvart år i februar kjem dei til oss på oppvekstsenteret og serverer lunsj – eit «kjøle» populært besøk både blant små og store. Det starta opp for snart 20 år sidan (trur vi) – utgangspunktet var eit prosjekt med sunn matpakke. I dag har dei fokus både på «kortreist» og sunn mat: heimebaka brød frå Steinarstua, egg frå Pestuå, jogurt frå Utigarden og lokal mjølk i kakaoen. Sunt pålegg og grønsaker er ein del av måltidet.

Les heile saka

Landbrukskonferanse – Velkomen til bords!

Landbrukskonferanse – Velkomen til bords!

Jon Olav Ørsal Sundag 5. februar 2012

Fredag 10. februar arrangerer Surnadal Sparebank årets landbrukskonferanse. Det skjer i Surnadal kulturhus, og i samarbeid med Todalen Bondelag og Surnadal Bondelag. Det er det foredrag av både lokale størrelsar, samt foredraghaldarar utafrå. Ola T. Heggem tek for seg landbruksmeldinga, medan Roald Boge vil orientere om vindkraft.

Les heile saka

Ola satsar på mjølkeproduksjon

Ola satsar på mjølkeproduksjon

Jon Olav Ørsal Måndag 14. november 2011

Det er nok mange som lurar på kva som skal skje i Viastua, der det er stor byggjeverksemd med utgraving og støyping av store grunnmurar etter kvart. Det er Ola som satsar på ei framtid som mjølkeprodusent, og no utvider han fjøset med ca 500 m2. Det skal bli plass til nærare 50 mjølekyr, og mjølkerobot til rundt 1,5 mill. kroner er allereie på plass og teken i bruk. Ola er ikkje redd for å satse, for han seier at det er heilt sikkert at vi treng mat i framtida også. Innan 2050 må verda doble matproduksjonen dersom det skal bli nok til alle. Noko av dette skal produserast på Kvennset!

Les heile saka

Mange tok turen til «Open dag» i Pestua

Mange tok turen til «Open dag» i Pestua

Jon Olav Ørsal Måndag 22. august 2011

Rundt 250 personar frå distriktet tok turen til Pestua på «Open gard» søndag. Både store og små kom for å sjå det nye oksefjøset med over 300 oksar og hønehuset med 7500 verpehøner og ikkje minst for å sjå dyra som var der. Det var todalen Bondelag som var arrangør, med Maren,  Asbjørn og resten […]

Les heile saka

Kraftnettsituasjon – Temamøte i bondelagets regi

Kraftnettsituasjon – Temamøte i bondelagets regi

Jon Olav Ørsal Sundag 21. august 2011

Bondelaga i Surnadal og Todalen inviterer til temamøte om nettsituasjonen og korleis nødvendig opprusting av lokale, regionale og nasjonale nett skal finansierast. Lokalt er det i dag enkelte linjer som er utilstrekkelig dimensjonert, og fleire vil få problem etterkvart som meir straumproduksjon vert bygd ut, fortel ledar i Surnadal Bondelag Oddvar Mikkelsen. Han fortel at det er same problemet fleire plassar rundt landet, og det er også eit problem i det sentrale nettet til Statnett.

Les heile saka

Sett av søndagen til gardsvandring

Sett av søndagen til gardsvandring

Elinor Bolme Laurdag 20. august 2011

Todalen Bondelag arrangerer som tidlegare nemt open gard i Pestua på søndag. Der vil Maren Ansnes og Asbjørn Karlsen vere vertskap. Bondelaget, Surnadal Bygdeungdomslag og Start 4H vil stå for det faglege gjennom dagen. Her vil det bli mulegheiter for å stifte kjennskap til ulike dyr, og ikkje minst få sjå inn i eit nymoderne oksefjøs. Det heile startar klokka 12 og varer til klokka 16.

Les heile saka