Surnadal Jeger og Fiskerforening minner om årsmøtet som arrangerast torsdag 28. februar kl 19.00, på Thon Hotel Surnadal.  På agendaen står vanlege årsmøtesaker.  Etter at årsmøtet er avslutta, byr SJFF på enkel servering og litt underhaldning.

Sjølv om det var ruskver og regn stilte heile sytten trimglade «jenter» til trimtur måndag 25. februar, og det var både godt, friskt og triveleg å vere ute på Kløvertur!

Les heile saka

I dag er det ikkje barn i løypa på Tjønnmyra. Neste gong er førstkommande søndag klokka 12. Da satsar skigruppa på fortsatt godt føre i lysløypa, og kanskje blir det både kaffe og bakels å få.

Ettersom det både er vinterferie og influensaviruset herjer for fullt er IL Søya meget godt fornøgd med at heile 55 deltakere sto på startstreken under dagens sonerenn på Vang. 35 av disse deltok i klassen 0-8 år som gjekk ein liten runde på ca 500 meter. Dei frå 9 år og oppover var ca 20 i talet og gjekk distansar på 1, 2 og 5 km.

Les heile saka

Ein gardbrukars mareritt er metallboksar inne i foret. Håvard Halset opplevde dette for andre gong no i helga og er glad for at kyrne ikkje fekk dei inn i munnen saman med siloen. -Vi ser med jamne mellomrom groteske bileter på nettet kor kyr blir oppskorne i munn og svelg grunna metallboksar som har vorte kverna inn i rundballar. Dette ender stort sett med dødeleg utfall og er ei lita otte, seier Håvard.

Les heile saka

Hans Inge Klette var det ingen som klarte å hamle opp med på søndagens NorgesCup i randonee på Kårvatn. Søndag var det sprint, med innleiande prolog og deretter finaler. Dagens raskeste var altså Hans Inge Klette, som hadde raskeste finaletid på 3.14 – på prologen hadde han 3.18 og dermed raskeste tid både på prolog og finale i herreklassen.

Les heile saka

Måndag 25. februar blir det Kløvertur innover Ramsøydalane. Oppmøte ved Hals og start derifrå kl. 11.00. Samkjøring oppover til Bakkan i Halagrenda der det blir parkering ved garasjen. Grusvegane er våte og litt blaute no, så det er lurt med gode sko.

Les heile saka

Med Kilian Jornet på startstreken var nok forventningane til seier rimeleg høge for spanjolen som går for Romsdal Randoneekubb. Han hadde ein kjempedag under dagens NC renn på Kårvatn og tok seieren med ny løypetid på 1.26,36.  Berre 1 minutt og 20 sekund før Hans Inge Klette (1.27.56) frå Viljar IL. På tredjeplassen kom Vegard Øye (1.28,49) også frå Romsdal RK.

Les heile saka

Dalahaugen Open samla i dag godt over 20 ungar og tlisvarande vaksne rundt Dalahaugen på Kårvatn under Norgescuprennet i randoeé. Arrangørane i Todalen IL seier seg storfornøgd med arrangementet og håpar også dei frammøtte kosa seg i anlegget som var tilrettelagt for minirando, hopping, kulerenning og slalom.

Les heile saka

Søndag er det åpen kafe hos Slettneset steinovnsbakeri igjen. Da blir det høve til å kjøpe seg både kaffe, søt gjærbakst, grovbrød og til og med Karin’s heimelaga basilikumaioli. Om du ikkje har besøkt kafeen tidlegare anbefaler vi eit besøk på søndag. Koseleg stemning og ikkje minst god traktering!

Les heile saka

I dag var det arrangert karneval på Todalen Oppvekstsenter, og jaggu dukka ikkje sjølvaste Donald Trump opp i lag med øvrige gjestar frå 1. til 7. trinn. Til lunsj vart det servert hamburger, og etterpå vart det danseleik, limbo og forsøk på å få hol på piñata.

Les heile saka

Rennleiar Nils Ove Bruset rapporterer finne forhold i fjellet – i dag har han og fleire til vore i fjellet opp mot Tydalsnebba og kan altså melde om fine forhold og godt føre i fjellet. Derfor ligg det an til ei flott randoneé-helg med NorgesCup og med Dalahaugen Open for dei minste på Kårvatn i […]

Les heile saka