Foto: Jo Gjeldnes
Hopp under nyhetssakene

28.04.2021: Melding om eit nytt påvist smittetilfelle i Surnadal

Jon Olav Ørsal Onsdag 28. april 2021

Ein vaksen mann i Surnadal har i kveld fått påvist smitte, skriv Surnadal kommune i ei pressemelding i kveld.  Personen er sett i isolasjon og ein nærståande person er sett i karantene. Smitten er sannsynlegvis oppstått i forbindelse med reise til Trøndelag. Så langt i smittesporinga er det ingen lokale forgreiningar til dette smittetilfellet. 


Stikk UT! oppstart laurdag  1. mai

Bjørn Gunnar Ansnes Onsdag 28. april 2021

Nedteljinga til 1.mai og oppstart av ein ny Stikk UT!-sessong har vore i gang i lang tid. Frå laurdag blir det mogleg å registrere kodar att, og det meste skal vere på plass, melder Nordmøre og Romsdal friluftsråd i ei pressemelding tysdag kveld. 

Les heile saka

Linjeinspeksjonen var unnagjort i ein fei!

Jon Olav Ørsal Onsdag 28. april 2021

Onsdag føremiddag var den tillyste linjeinspeksjonen på Svorka-netter fort unnagjort.  I løpet av ein liten time var heile seansen unnagjort og folk rakk nærast ikkje å slå på kameraet før helikopteret var borte igjen. 

Les heile saka

Kjøle kjekt med besøk av sanitetskvinner!

Dordi Jorunn Halle Onsdag 28. april 2021

Ungane i Todalen barnehage syntest det var stor stas å få besøk av sanitetskvinnene Jorunn og Kari, dei kom med godsaker til ungane og blomster til dei tilsette. Det er godt for alle å bli gjort litt ekstra stas på i litt uvanlege tider!

Les heile saka


Todalen Idrettslag minner om årsmøtet torsdag

Bjørn Gunnar Ansnes Tysdag 27. april 2021

Styret i Todalen Idrettslag minner om årsmøtet torsdag 29.april klokka 19:00 i Todalen ungdomshus. Alle møtedeltakarar blir registrert med namn og telefonnummer, og får ved oppmøte tilvist plass. Dette i tråd med gjeldande smittevernreglar.  

Les heile saka

Markeringar av frigjeringsdagen 8.mai

Bjørn Gunnar Ansnes Tysdag 27. april 2021

8.mai er det 76 år sidan dei tyske militære styrkane, som hadde okkupert Norge sidan 9.april 1940, kapitulerte vilkårslaust, og den andre verdskrigen, i Norge og Europa, var over. I samband med dette vil Indre Nordmøre Forsvarsforening i samarbeid med Nordmøre Brigadeveteranforening ha fleire markeringar både i Heim og Surnadal kommunar. 

Les heile saka

Russetreff er eit sikkert vårteikn – men litt spesielt i år

Jon Olav Ørsal Måndag 26. april 2021

Det er tid for russetreff igjen og vanlegvis er det eit sikkert vårteikn, men det siste året er det ikkje mykje som har vore sikkert – pandemien har prega både russefeiring og det meste av andre aktivitetar. At det arrangeres russetreff igjen er difor eit godt teikn og det ga også Liv Dalegg uttrykk for da ho ønska velkomen til russetreff i Kulturhuset måndag ettermiddag. I år vil russen få lov til å ha ei viss russefeiring igjen, i samråd med kommuneoverlegen.

Les heile saka

Surnadal Pensjonistlag si fjellgruppe startar på ny sesong

Jon Olav Ørsal Måndag 26. april 2021

Snart er det klart for ny tursesong for Surnadal Pensjonistlags fjellgruppe. 11. mai er det klart for første tur som går til Kvalnesvika. Vi møtest på parkeringsplassen nedanfor Øye kyrkje for samkjøring, på utlyst tid. Bur nokon slik til at dette medfører stor omveg, møter dei opp på parkeringsplassen der  gåturen startar. Gåturen startar kl 1100 i alle høve.

Les heile saka

Informasjon til alle som er vaksinert med AstraZeneca

Bjørn Gunnar Ansnes Måndag 26. april 2021

Alle som tidlegare i vinter vart vaksinerte med vaksinetypen frå AstraZeneca får tilbod om dose 2 med vaksinetypen frå Pfizer/BioNTech eller Moderna, såkalla mRNA-vaksiner. Dette har FHI bestemt. Vaksinetypen frå AstraZeneca er inntil vidare sett på vent.

Les heile saka

Oppmoding frå Todalen Idrettslag

Bjørn Gunnar Ansnes Sundag 25. april 2021

Med bakgrunn i endringar i retningslinene til Norges Idrettsforbund må alle medlemmer i Todalen Idrettslag vere registrert i Idrettsforbundet sin medlemsportal «Min idrett». Dersom nokon ikkje er registrert her, får ikkje Todalen Idrettslag stønad for vedkommande, korkje frå Idrettsforbundet eller Surnadal kommune sine kulturmidlar. Todalen Idrettslag ønsker difor at alle medlemmene deira, både nye og gamle, oppdaterer e-postadressa si på nettsida: https://minidrett.nif.no/

Les heile saka