Godt ver og godt frammøte, altså god start for kløverturgjengen i mars.

Les heile saka

Todalen.no kallar inn til årsmøte i Todalen ungdomshus onsdag 6. april klokka 20:00. Vanlege årsmøtesaker. Den som vil seie frå seg verv, må gjere skriftleg til valnemnda ved Frode Grønmyr eller Ståle Ansnes, innan 13. mars. Saker ein ønsker å få behandla på årsmøtet, må sendast skriftleg til styret innan 30. april. Fullstendig sakliste blir kunngjort her på Todalen.no 31. mars. 

Les heile saka

Sist tysdag vart balldagen kansellert på grunn av sjukdom – no kjem «ballgjengen» på Todalshytta att med ny balldag tysdag 8. mars, på sjølvaste kvinnedagen.  – Som før kan du velge om du vil ha potetball eller sildball.  Servering frå kl 15 og utover – gjerne bestilling på telefon 929  97 550.  

Todalen historielag kallar inn til årsmøte i Todalen ungdomshus tysdag 29. mars klokka 19:00. Vanlege årsmøtesaker. Fullstendig sakliste vil bli offentleggjort her på Todalen.no 21. mars. Den som vil seie frå seg verv, må gjere dette skriftleg til valnemnda ved Kristian H. Gjeldnes eller Ola Bruset, innan 15. mars. Saker ein ønsker behandla på årsmøtet må sendast styret skriftleg innan 15. mars. 

Les heile saka

I ei pressemelding frå Kristiansund og Nordmøre Turistforening no i kveld, får vi oss fortalt at draumen om påskesol, appelsiner og kvit snø lever i beste velgåande, no inn mot påske. Aursjøhytta opnar 8. april, og blir altså open gjennom påska.  Bestyrar på Aursjøhytta, Nils Johan Michelsen, ser fram til å ta i mot skiglade påsketuristar på ei av hyttene som kan garantere rikeleg med snø i påska. – Selv om det er noen uker til, så stiller jeg med snøgaranti, sier en skråsikker Nils Johan.

Les heile saka

Frå Odd Arild Sande har vi fått eit artig avisutklipp frå 80-talet, da han akkurat hadde starta si yrkeskarriere som lærar ved Singsaker skule i Trondheim. Avisutklippet fortel om den gongen dei leigde Todalshytta til leirskule og korleis dei opplevde det.  Da dei hadde jubileumssamlig 10 år seinare var det akkurat Todalsturen som elevane hugsa best frå skuletida.  Bla om og les meir….

Les heile saka

Todalen sanitetsforening inviterer til kløvertur måndag 7. mars. Start frå Matkroken Hals kl. 11:00. Blir du med?

Les heile saka

Denne veka fyllte Torkjel Ansnes Moe 50 år, og slike store dagar må sjølvsagt feirast. Laurdag ettermiddag var det samla mykje folk i Todalen Ungdomshus som ville gjera stas på jubilanten. Det som var spesielt denne gongen var at Torkjel sjølv ikkje hadde ei aning om kva som skulle foregå. Så her har det vore ein dyktig arrangørkomite og inviterte gjestar som har klart å halde dette skjult i lang tid.

Les heile saka

Laurdag var det ny strikkekaffe i Sanitetshuset.  Det vart ein litt spesiell strikkekaffe denne gongen, for no strikka vi på oppfordring til flyktningar frå Ukraina som sannsynleg vis er like rundt hjørnet.  Da er det huver, vottar, lestar og skjerf som står på programmet, fortel Åse Redalen i Todalen Sanitetsforening til Todalen.no

Les heile saka

Nils-Erik Ulset kom på 7.-plass i laurdagens skonkurranse i 6 km skiskyttersprint i Paralympics i Beijing.  Med 1 bom på kvar av dei to skytingane vart det to ekstrarundar og dermed var Nils-Erik utafor medaljekampen.  

Les heile saka

Todalen sanitetsforening sitt årlege «kunstlotteri», har etter kvart vorte ein tradisjon, og 2022 blir ikkje noko unntak i så måte. I år er det kunstverket «Håp om fred» laga av Tanja Heggem Grimsmo som blir lodda ut. Lodd kjøper ein via Vipps: 101456. Hugs å skrive i meldingsfeltet kva namn lodda skal stå på. Kvart lodd kostar 20,- kroner. Salet av lodd tek til i dag, og trekninga blir under Todalen sanitetsforening sitt årsmøte neste år. 

Les heile saka

Røde Kors mobiliserer no for Ukraina saman med Coop.  Det hastar med å kome i gang med hjelp til Ukraina – først og fremst er det pengar det er behov for, og Røde Kors har difor starta innsamlingsaksjon i lag med Coop.  For å få det til å gå fort har Coop gjeve 10 millionar til denne aksjonen, og i tillegg har dei mobilisert butikkane til innsamlingsaksjon i butikkane.

Les heile saka