Todalen Sokneråd

Henning Quintetten har våre på ein seinsommarleg miniturne, med førestilling i Tingvoll kyrkje laurdag og todalen kyrkje søndag ettermiddag. Mellom førti og femti let seg lokke på konsert i Todalen kyrkje for å høre «Henning-tonar». Nokre var kanskje førebudd på at dei fekk høre tradisjonelle Vårsøg-tonar på denne konserten, men dei fikk i tilfelle ei heilt anna musikalsk oppleving enn dei forventa.

Seks musikkglade damer besøkjer Todalen med tonar av Henning Sommerro førstkomande søndag ettermiddag. Sigrid Vetleseter Bøe er songsolist med blåseensemblet Henning Qvintetten. Namnet Qvintetten har kanskje dobbel botn: Det er utelukkande «quinder» som trakterer dei fem instrumenta i blåse-kvintetten: Marthe Belsvik Stavrum (fløyte), Ebba Ringmar (obo), Berglind Haldorsdottir (klarinett), Magnhild Tafjord (horn) og Ingunn Fjellang Sæther (fagott). Dei kom saman som som Møre-musikarar.

Søndag var det to barnedåpar i Todalen kyrkje og det var nærare 70 tilhørarar på den siste gudstenesta før ferien. I ferietida blir det inga gudsteneste i Todalen, og neste ordinære gudsteneste blir derfor søndag 18. august.

Vi fikk gjort alt som stod på lista, og meir til, sa Terje Nordvik frå soknerådet. Det var han som leda dugnadsgjengen som måndag kveld var i aksjon under kyrkjegardsdugnaden. Dugnaden starta i sol og finvêr, men det rakk akkurat til å bli ferdig med dugnadsarbeidet før det slo om til kald og sur nordvest med regnbyger.

Måndag kveld 13. mai er det klart for vårdugnad på Todalen kyrkjegard. Det er Todalen sokneråd og kyrkjeverja som inviterer, og dei oppfordrar folk til å kome og hjelpe til med forskjellige slag oppgåver på kyrkjegarden. Det skal rettast opp gravstøtter og ryddast etter vinteren. Det trengs folk med rive, trillebåre, spett, spade og anna høveleg reiskap. Alle som […]

Søndag var det konfirmasjonsgudsteneste i Todalen kyrkje, og 4 gutar tok denne dagen steget inn i dei vaksnes rekkjer. Det var sokneprest Bernt Venås som heldt konfirmasjonsgudstenesta, og konfirmantane fikk i beste meining med seg nokre formaningar inn i framtida gjennom preika.

I kveldinga var deler av Todalen Sokneråd på kyrkjegarden og rydda litt til konfirmasjonsgudstjenesta som er no førstkommande søndag. Mannskapet var lette å be for ein liten fotorunde.

Laurdag ettermiddag inviterte Wok – Sunndal kulturskoles vokalensemble – til jubileumskonsert i Todalen kyrkje. Wok kan ikkje skryte av størrelsen på koret, for dei er berre 9 medlemar medrekna korleiaren og dirigent Lone Eines. Men du verden kor dei imponerte med sin song og artige framføring av sitt program. Heile 18 musikalske nummer som stod på programmet, som dei køyrde gjennom på ein times tid.

Prest og organist trer til side når konfirmantane «kuppar» gudstenesta i Stangvik kyrkje søndag kveld kl. 19.30. Dei sørgjer sjøl for både liturgi, musikk, tekster og nylaga symbolhandlingar. Den tradisjonelle «overhøringsgudstenesta» før konfirmasjonen har lenge vore erstatta med aktivisering der alle har si rolle. Dei unge sjøl står for det meste – frå klokkeringing og lydteknikk til tekster, bøner og musikk. Alt dette i tråd med ny gudstenesteforståing, der «liturgi» blir ordrett forstått – som «folket i handling».

Wok er Sunndal kulturskules vokalensemble. Dei er 9 medlemar og markerte sitt 5-årsjubileum med konsert i Hov kyrkje i mars. Jubileumskonserten vil dei gjerne dele med fleire, så difor kjem dei til Todalen kyrkje i dag. Vi får da høyre heile jubileumsprogrammet som tek ein times tid. Dei er flike og fortener eit stor oppmøte, […]

Vêrgudane var rause 2. påskedag da Todalen sokneråd og Todalen Idrettslag i fellesskap arrangerte friluftgudsteneste på Haugligardane. Den siste veka har vêrmeldingane bydd på alle variasjonar frå snøvêr med kuldegrader og sol frå blå himmel. Dei heldt sågar arrangøren i ånde heilt ut i morgontimane, men så glimta dei til med både solgøtt og god temperatur. Ein riktig fin dag vart det på Haugligardane, og det viste eit 80-tals publikum å sette pris på. Ein ekstra spiss på dagen sette nok dåpsbarnet, da lille Ella Kristin Lyyli Virtanen Bruset vart båret til dåpen av sine foreldre Anna Bruset og Mattias Virtanen.

Friluftsgudsteneste på Haugligardane 2. påskedag er tradisjon i Todalen. Todalen sokneråd er arrangør, saman med Trimgruppa i Todalen I.L. Under årets gudsteneste skal det og være dåpshandling. Det er lille Ella Kristin Lyyli Virtanen Bruset som blir båret til dåpen under gudstenesta på Haugligardane. Friluftsgudstenesta starta kl 12.00, og det er takkoffer til kyrkjelydsarbeidet.