Todalen Sokneråd

– Kom og syng julesongar med orkester! oppfordrar Åsskard Kyrkjekor og Todalskoret. Søndag blir det «Julehøgtid» med korsong, solistar og allsong – med kammerorkester – i Åsskard og Todalen kyrkjer. I Åsskard kyrkje er det konsert kl 16.00 – i Todalen kyrkje kl 20.00

Den annonserte gudstenesta i Todalen kyrkje søndag er avlyst. Utdeling av Kyrkjebok til 4-åringane kjem på neste gudsteneste.

Slik innleia iallfall organist Bernt Bøe, da han ønska velkomen til songkveld og kunne gratulere todalingane med den nye songboka. Søndag kveld hadde soknerådet invitert til songkveld for å gjera seg kjent med den nye songboka. Den er på heile 1455 sider og inneheld over tusen songar – både godt gammelt og ein del nytt som kanskje er godt. -Det er det slitestyrken som avgjer, sa han. På songkvelden deltok Todalskoret, Åskard kyrkjekor og i tillegg var Sigrid V. Bøe med og kasta glans over arrangementet. Ho går no på Operahögskolan og er heime berre ein snartur.

– Onsdag kveld syng vi salmar og får korsong med litt attåt i Todalskyrkja! seier soknerådsleiar Ildri Øyen. – Både Todalskoret og Åsskard Kyrkjekor blir med! Kyrkja har nyleg fått i hus den nye salmeboka, og kora slår eit slag for den – med både nytt og kjent stoff. Dertil syng kora vakker musikk av ulikt slag – m.a. av Handel og Beethoven.

Denne helga markerer soknerådet 50-årsjubileum for konfirmantane frå 1964. Denne markereinga starta med fest i Todalen ungdomshus laurdag kveld, og fortsette søndag med markering under gudstenesta i kyrkja. 10 av dei 14 konfirmantane deltok på festa laurdag kveld, der både jubileumskonfirmantane og bygdafolket elles var invitert til middag og underhaldning i ungdomshuset.

Kyrkja og søndagskulen i Surnadal går saman og startar med samlingar «SPRELL LEVENDE» for barn annakvar torsdag kl.17.30-18.30 i sokkelen på kyrkjelydshuset på Skei. Første gong blir tors.25.sept. og dei vil ha 2 grupper ; småbarnssong 1-3 år og barnesong/søndagsskule 4 år og oppover.

Helga 27.- og 28. september markerer Todalen Sokneråd at det er 50 år sidan denne spreke gjengen var konfirmert i Todalen kyrkje. Det heile startar med gratis festmiddag med påfølgande kaffe i Todalen Ungdomshus for jubilantane og ellers alle andre som har lyst til å delta.

Under dagens gudstjeneste i Todalen Kyrkje vart konfirmantene for våren 2015 presentert. Det var 5 alvorlege og litt spendte ungdommar som steig opp til sokneprest Bernt Venås. Han lova dei ei spanande tid framover med den obligatoriske undervisninga som høyrer denne tida til.

Søndag var det sumarens siste gudsteneste i Todalen kyrkje. Denne gongen var det studentprest Jon Olav Hjelle som var vikar for soknepresten som for tida avviklar ferie. Hjelle er frå trøndelag, og held på med prestestudie  i Oslo, der han har to år att før han er ferdig utdanna prest. Under gudsteneste var det også dåpshandling […]

Torsdag kveld kl 18 blir siste dugnadkveld og avslutning på dugnadsarbeidet med kakefest og «overlevering» av ferdigmåla kyrkje til kyrkjeleg fellesråd. Til siste dugnadsdagen står det berre att litt finpuss og oppryddinging etter dugnadsarbeidet. Kl 19.30 blir det dugnadskaffe med marsipankake frå soknerådet, og da inviteres alle som har delteke på dugnaden heilt sia starten.

Vêrgudane vart meir og meir samarbeidsvillige utover dagen, og når folketoget starta frå Todalen oppvekstsenter var det både solgløtt og bra lufttemperatur og stemninga var god. Neste stopp var Todalen kyrkje, der sokneprest Bernt Venås helt gudsteneste for ei velfylt kyrkje. Etter gudstenesta var det kranspålegging ved bautaen, der Karin Helen Halle og Martinus Torvik sørgja for å minnast dei som hadde delteke i kampar for fedrelandet i perioden frå 1814 til og med andre verdskrig.

Måndag kveld sluttføres arbeidet med skraping og vasking av kyrkja. Tysdag, onsdag og torsdag er det klart for innsats med målarkosten. Dugnadskomiteen treng frivillige som kan ta del i arbeidet både på dagtid og på kveldstid, fortel dugnadssjef Ragnar Halle.