Todalen Idrettslag

I ei pressemelding frå Trimgruppa i Todalen Idrettslag no i dag, får vi opplyst at Trimgruppa, som ein deirekte konsekvens av smittevernreglane i samband med korona, må avlyse fleire av sine tradisjonelle påskearrangement. Difor lanserer dei «Gunnøydilten over fire dagar» som ein alternativ aktivitet. «Gunnøydilten over fire dagar» har verdspremiere skjærtorsdag og blir avslutta påskesøndag. 

I ei melding, no i kveld, informerer styret i Todalen Idrettslag om at morgondagens årsmøte blir utsett til mai. Grunnen til utsettinga er dei nye nasjonale smittevernreglane, som inneber at alle arrangement som ikkje er strengt nødvendige skal avlysast. 

I kveld var det sesongavslutning for «Barn i løypa» 2021 i lysløypa på Tjønnmyra. Skiføret var det dessverre ikkje att av, så Barne- og undomsgruppa i Todalen Idrettslag hadde laga alternative aktivitetar for dei unge skitalenta denne kvalden. 18 ungar og mange vaksne hadde teke turen til Tjønnmyra for å vere med på sesongavslutninga.

Ola Dalsegg i Todalen Idrettslag si Barne- og ungdomsgruppe, fortel at dei arrangerer sesongens siste «Barn i løypa» i lysløypa på Tjønnmyra i morgon kveld frå klokka 17:30. Det er litt usikkert korleis skiføret vil vere i morgon kveld, men Ola fortel at det vil bli arrangert alternative aktivitetar. 

Torsdag 25.mars klokken 19:00 har Todalen Idrettslag årsmøte i Todalen ungdomshus. I ein epost frå Todalen Idrettslag har vi fått daklista til årsmøtet. Den syner at det blir handsaming av desse sakene: Årsmeldingar for hovudlaget og gruppene, Rekneskap, Inkomne forslag Medlemskontingent 2022, Budsjett 2022 for hovudlaget og gruppene, Val. 

Ståle Ansnes i Todalen Idrettslag sitt driftsstyre vinteranlegg fortel at det no er nypreparerte løypetrasear i lysløypa på Tjønnmyra. Det er meldt meir snø utover ettermiddagen og kvelden, og driftsstyret vil preparere løypetraseane fortløpande framover. 

Det milde vêret den siste veka har smelta mesteparten av snøen i løypetraseane i lysløypa på Tjønnmyra, fortel Ola Dalsegg, leiar i Brne- og ungdomsgruppa i Todalen Idrettslag. Dette gjer at Barne- og ungdomsgruppa ser seg nødt til å avlyse morgondagens «Barn i løypa». 

Fredag pakkar Erik Kårvatn kofferten og dreg til Andorra i Spania på VM i randoneé.  Han er ein av fem som skiforbundet har teke ut til juniorlandslaget.  To har meldt forfall, og dermed er dei tre som fredag setter seg på flyet til Barcelona. I tillegg er faren Gudmund Kårvatn med som lagleiar for juniorane på ein VM-tur som varer frå fredag til neste søndag – altså i overkant av ei veke

I går kveld var det arrangerte Barne- og ungdomsgruppa i Todalen Idrettslag «Barn i løypa» i lysløypa på Tjønnmyra. Vinterferien gjorde nok sitt til at frammøtet var litt mindre enn det som har vore «normalt», så langt i sesongen. Men dei som hadde møtt fram kunne kose seg i nypreparerte og fine løyper. 

Todalen Idrettslag si Barne- og ungdomsgruppe minner om at det blir «Barn i løypa» i lysløypa på Tjønnmyra i kveld klokka 17:30. På grunn av dei gjeldande smittevernreglane blir det ikkje servering av drikke, så det må kvar enkelt ta med sjølv. 

Våren er tradisjon tru årsmøtetid. Todalen Idrettslag kallar inn til årsmøte torsdag 25.mars klokka 19:00 i Todalen ungdomshus. Vanlege årsmøtesaker. Fullstendig sakliste vil bli kunngjort 18.mars. 

I kveld var det eit par blå grader og fine forhold for skigåing, da Todalen Idrettslag si Barne- og ungdomsgruppe arrangerte sesongens sjuande «Barn i løypa» i lysløypa på Tjønnmyre. Det er snart 10 år sidan lysløypa på Tjønnmyra vart ferdigbygd og opna, men det har aldri tidlegare vore ein så lang samanhengande periode med fine forhold som denne etterjulsvinteren. Todalen Idrettslag sitt driftsstyre vinteranlegg har lagt ned ein stor innsats med å preparere traseane og spora gjennom heile perioden.